joker200
23-07-2008, 03:17 PM
http://www.uaefishes.net/up/pic.php?u=4JtEov&i=1438
الحقيقة قبل لا اكتب هالموضوع رحت و سألت كثيرا
ومعلوماتي المتواضعه عن هالموضوع زادت بعد أن شرحلي أحد الأصدقاء المهتمين بسباقات القوارب الفرق بين البروانات و ما هي التفاصيل المتعلقة بهالموضوع و كيف ممكن أن نستفيد من هذي المعلومة
ومن أهم النقاط اللي يدور حولها هذا الموضوع هو ايجاد المقاس المناسب لبروانة مكينة طرادك..
طبعا الكل يعرف أنه مصنعية كل مكينة يأتي معاها شروط للوصول بأداء المكينة الى أنسب أداء .. مثل الضغط المسموح او أعلى ضغط للمكينة يسمح به .. RPM
والبروانة المناسبة لطرادك هي التي تسمح للضغط بالوصول الى الحد المسموح بالضبط
يعني .. اذا المصنع يقول مكينتك هذي تأدي أداءها كامل عند ضغط خمسة و نص بالضبط
يعني اذا الطراد ماشي بأقصى دفع له "حد الدوسه" عداد الضغط هذا لازم يكون حده خمسة ونص.. و شلون ممكن تزيد او تقلل من ضغط المكينة؟ طبعا عن طريق تبديل البروانة بقياس اكبر او اصغر..
وهذه النقاط الأهم اللي يجب معرفتها عند استبدال البروانة بمقاس آخر:
- زيادة انش بقياس البروانة يؤدي الى خفض عداد الضغط من واحد الى واحد ونص.. يعني اذا كان حد الدوسه يوصل 6 الضغط معناته راح يصير بين الأربعه ونص , والخمسة
- تقليل المقاس انش واحد راح يزيد الضغط من واحد الى واحد ونص..
- اذا بتحول بروانتك الى بروانة من 4 ريش .. راح يقل الضغط نص او واحد ..
والقياس اللي تكلمنا عنه و بنزيد او انقصه انش للبروانه هذا ليس قياس قطر البروانة
هذا قياس ال pitch .. درجة انحدار او ميل وهو المسافة اللي تقطعها البروانة خلال دورة واحدة كاملة.. ونقدر نتخيلها بهالطريقة .. نعتبر الpitch هذي هي السرعة
أي عادة كلما كبرت قيمة pitch البروانة التي يستطيع المحرك لفها .. كلما كانت سرعة الطراد أكبر ..
- الفرق بين البروانة الستيل و البروانة الألمنيوم:
معظم المكائن تأتي عليها بروانة ألمنيوم راكبة من المصنع.. وهذي البروانة الألمنيوم تكلفتها قليلة مقارنة مع الستيل و سهلة الفك والتركيب والصيانة وأداءها بوجه عام تقدر تقول جيد من كل النواحي ..
البروانة الستيل أقوى على ا لأقل خمس مرات من الألمنيوم .. يعني قدرتها على تحمل اي مشكلة تحت الماء أفضل.. يعني تمر على خراب او عدة او شي فيه وزن وطافح ما يكسر ريشها بسهولة ..
- الفرق بين الثلاث ريش و الأربع ريش:
البروانة ذات الثلاث ريش جيدة للاستعمال عامة وقد تكون سرعتها غالبا اسرع من الأربع ريش.. يعني الطراد يكون أسرع اذا بروانته من ثلاث ريش.. و لكن البروانة ذات الأربع ريش:
--- تساعد الطراد انه يقط صدره أسرع بكثير.
--- على سرعات متوسطة الطراد ماخذ خطه مضبوط وقاط صدره و أركد.
--- على نفس الضغط مقارنة مع الثلاث ريش و ضغط متوسط مو حد الدوسة .. سرعتك تكون اكبر.
--- يفز الطراد و قومته اسرع بوايد من الثلاث ريش.
--- لها قدرة تثبيت للطراد أفضل من الثلاث ريش و يبين معاك بالموي العالي.
--- ما تبوش بره الماي اذا لفيت بسرعة الا نادرا مو مثل الثلاث ريش.
--- بالسرعات المنخفضة تقدملك قيادة ممتازة و راكده وتحكم أكثر بالسكان.
--- اذا طرادك كان يقط 45 ميل كسرعه قصوى .. راح يطيح مشيه على الأقل يصير 43
منقول.
الحقيقة قبل لا اكتب هالموضوع رحت و سألت كثيرا
ومعلوماتي المتواضعه عن هالموضوع زادت بعد أن شرحلي أحد الأصدقاء المهتمين بسباقات القوارب الفرق بين البروانات و ما هي التفاصيل المتعلقة بهالموضوع و كيف ممكن أن نستفيد من هذي المعلومة
ومن أهم النقاط اللي يدور حولها هذا الموضوع هو ايجاد المقاس المناسب لبروانة مكينة طرادك..
طبعا الكل يعرف أنه مصنعية كل مكينة يأتي معاها شروط للوصول بأداء المكينة الى أنسب أداء .. مثل الضغط المسموح او أعلى ضغط للمكينة يسمح به .. RPM
والبروانة المناسبة لطرادك هي التي تسمح للضغط بالوصول الى الحد المسموح بالضبط
يعني .. اذا المصنع يقول مكينتك هذي تأدي أداءها كامل عند ضغط خمسة و نص بالضبط
يعني اذا الطراد ماشي بأقصى دفع له "حد الدوسه" عداد الضغط هذا لازم يكون حده خمسة ونص.. و شلون ممكن تزيد او تقلل من ضغط المكينة؟ طبعا عن طريق تبديل البروانة بقياس اكبر او اصغر..
وهذه النقاط الأهم اللي يجب معرفتها عند استبدال البروانة بمقاس آخر:
- زيادة انش بقياس البروانة يؤدي الى خفض عداد الضغط من واحد الى واحد ونص.. يعني اذا كان حد الدوسه يوصل 6 الضغط معناته راح يصير بين الأربعه ونص , والخمسة
- تقليل المقاس انش واحد راح يزيد الضغط من واحد الى واحد ونص..
- اذا بتحول بروانتك الى بروانة من 4 ريش .. راح يقل الضغط نص او واحد ..
والقياس اللي تكلمنا عنه و بنزيد او انقصه انش للبروانه هذا ليس قياس قطر البروانة
هذا قياس ال pitch .. درجة انحدار او ميل وهو المسافة اللي تقطعها البروانة خلال دورة واحدة كاملة.. ونقدر نتخيلها بهالطريقة .. نعتبر الpitch هذي هي السرعة
أي عادة كلما كبرت قيمة pitch البروانة التي يستطيع المحرك لفها .. كلما كانت سرعة الطراد أكبر ..
- الفرق بين البروانة الستيل و البروانة الألمنيوم:
معظم المكائن تأتي عليها بروانة ألمنيوم راكبة من المصنع.. وهذي البروانة الألمنيوم تكلفتها قليلة مقارنة مع الستيل و سهلة الفك والتركيب والصيانة وأداءها بوجه عام تقدر تقول جيد من كل النواحي ..
البروانة الستيل أقوى على ا لأقل خمس مرات من الألمنيوم .. يعني قدرتها على تحمل اي مشكلة تحت الماء أفضل.. يعني تمر على خراب او عدة او شي فيه وزن وطافح ما يكسر ريشها بسهولة ..
- الفرق بين الثلاث ريش و الأربع ريش:
البروانة ذات الثلاث ريش جيدة للاستعمال عامة وقد تكون سرعتها غالبا اسرع من الأربع ريش.. يعني الطراد يكون أسرع اذا بروانته من ثلاث ريش.. و لكن البروانة ذات الأربع ريش:
--- تساعد الطراد انه يقط صدره أسرع بكثير.
--- على سرعات متوسطة الطراد ماخذ خطه مضبوط وقاط صدره و أركد.
--- على نفس الضغط مقارنة مع الثلاث ريش و ضغط متوسط مو حد الدوسة .. سرعتك تكون اكبر.
--- يفز الطراد و قومته اسرع بوايد من الثلاث ريش.
--- لها قدرة تثبيت للطراد أفضل من الثلاث ريش و يبين معاك بالموي العالي.
--- ما تبوش بره الماي اذا لفيت بسرعة الا نادرا مو مثل الثلاث ريش.
--- بالسرعات المنخفضة تقدملك قيادة ممتازة و راكده وتحكم أكثر بالسكان.
--- اذا طرادك كان يقط 45 ميل كسرعه قصوى .. راح يطيح مشيه على الأقل يصير 43
منقول.