طلعة سكوبا

[عمر عبدالله]

السلام عليكم و رحمة الله و بركاته

شحالكم شبيبتنا

الحمد لله بارحة أمس رديت من قطر و اتممت دورة اسفير لاعداد مدربي الاغاثة في قطر الحبيبه


و الصراحه أنا متحمس للغوص في هذا الجو البارد ^^ و لاكن أبيغي صحبة *_* (يعني حد يخاويني)

و أنا من سكان الشارجة

و ممكن نغوص في أي مكان في الدولة لان عندي اجازة اسبوعين ^_* سوى ابوظبي لأنها بعيده خخ

و للتواصل على الخاص يزاكم الله خير

[بن غانم]

السلام عليكم ورحمة الله وبركاته

هلا اخوي عمر الحمد لله على سلامتك و الف مبرووك على اتمام الدورة و بالتوفيق
ان شاء الله تحصل الرفجة في ها الجو الباارد ههههه

تحيااتي لك

[غواص اعماق]

وعليكم السلام ورحمة الله وبركاته

اخوي عمر الف مبروك على اتمامك للدوره ونحن حاضرين بس الله يرحم والديك خلها من يدفا الجو شوي

[عمر عبدالله]

خخخ حبيب والله أخوي غواص الأعماق .... و الله قلت جي أنا بعد

ما في أي مشكلة نتواصل ان شاء الله يوم بيحر الجو

حياك الله الشيخ

[عمر عبدالله]

خخخ يزاك الله خير أخوي بن غانم

و شكلنا ما بنحصل ^^

[مركز سكوباتك للغوص]

حاضرين يا اخوي الجمعة الياية عندنا غوصة و نتشرفبك معانا

نتواصل انشاء الله

[أسماك الامارات]

مبروك على نجاحك بالدورة يااخوي عمر والله يوفقك ويوفقنا

ممكن نعرف مكان الغوص في اي امارة يااخواني
الحين اسمع عمر يقول في الشارجة وبوعبدالله ما ادري وين بسير
المهم
انا ان شاء الله جاهز ولكن حددو المكان وعقب بنقرر والتوقيت
يعني البرنامج بالكامل
او تراسلني ع الخاص
بومحمد

[أعالي البحار]

مبرووووووك آلحصول على آلليسن آخوي عمر والى الامام دآئمآآآ بآذن آلله تعآلى

وآن شأ آلله ربنآ يكتب لكمـ رحلة غوآآص طيبة تستمتعون بهآآ آنت وآآخوي آآلمرآآفقين

دمت بحفظـ آلرحمن .

[عمر عبدالله]

حياك الله أخوي بو محمد و أخوي أعالي البحار

و الله يبارك فيكم و يرزقكم كل خير

و ان شاء الله راح أتواصل وياك و نرتب لطلعه طيبة باذن الله

عطني لين اليوم الفليل و راح أرد لك خبر عن المكان و التوقيت المناسب للجميع ان شاء الله

الله يحفظكم يا رب

[رحماك ربي]

ألف مبروك عالليسن يا عمر وموفق في طلعات الغوص وخلنا نشوف الهوامير والجنعد بإذن الله

[غواص اعماق]

بو محمد وأخوي عمر يعني نجهز العده للويكند الجاي?

[عمر عبدالله]

جيك على الخاص أخوي غواص الاعماق

[الظلع99]

ألف مبروك عالليسن يا عمر وموفق في طلعات الغوص ان شاء الله
وحاظرين طال عمرك ونحن عدنا غوص ليلي يوم الاثنين و الثلاثاء جان لك خاطر تخاوينا
مكان الغوص في راس الخيمه
وهذا رقم فوني اذا حاب تتواصل يا طويل العمر 00971504307050