اختيار الزيت مهم لملاك ( 2استروك)

[المهندس عبدالله]

السلام عليكم ورحمة الله وبركاته

نتكلم اليوم عن شيء مهم .... وعنوان الدرس ( زيت محركات 2 استروك )

نعلم جميعا ان محركات الدورة الثنائيه ... يتم تشغيلها بواسطة خلط

الوقود مع الزيت .... ولابد ان يكون بنسبة متناسبه ... فيما بينهما

لتعطينا احتراق مثالي وجيد للتشغيل ... وترتكز على نقطيتين مهمه



1- نوعية الوقود

2- نوعية الزيت



نوعية الوقود .. المثاليه لتشغيل محركات البحر وتعطي خلط

وتفاعل جيد مع الزيت ... اتفقنا ان تكون ... 95 .. وان يكون

وقود نظيف .. خاليا من الماء . لان الماء يؤثر على التركيبه

في الخليط .. ويؤثر في اجزاء المكنه الداخليه بعمل صدأ وخاصه

الرمانات .



نوعية الزيت ... وهذا محور حديثنا اليوم .

بعض الاخوان يقومون باستخدام اي زيوت

مثل زيوت السيارات ... ويعتقدون انهم يوفرون

بسعر الزيت ... واهملوا نوعية الزيت وتركيبه

لان زيوت السيارات غير معده للعمل بواسطة الخلط بالوقود

وتركيبها يختلف ... وهذا .. يسبب

تراكم مخلفات الاحتراق على وجه البستم

تراكم الترسبات على البواجي وتلفها سريعا

زيادة نسبة الصدأ في اجزاء المحرك لانه لايقاوم الماء

ترسبات في مجرى خروج العادم

دخان زائد ورائحه قويه

يكون سماكه وترسب اثناء التوقف الطويل

لايوجد امتزاج تام مع الوقود .. ويصبح خليط غير مثالي

تلف الكربريتر من الداخل


احيانا يتعطل المحرك ... بشكل مستمر .. وانت لاتلاحظ

ان مشاكلك كلها من نوعية الزيت العادي ... وسوف نتكلم عن الفرق



زيت البحر المخصص للخلط له مواصفات خاصه ويفرق عن الزيوت الاخرى

فقد روعي في الإضافات الكيميائية المستخدمة لتصنيع هذا الزيت أن تكون خالية من رماد التنظيف والمخففات لتسهيل اختلاطه مع البنزين. بينما نجدها في الزيوت العاديه للسيارات اذن من ناحية اخرى فنيه .. لايصلح الزيت المخصص للبحر ... للعمل في السيارات وبذلك لايصلح زيت السيارات للعمل في القوارب .



فوائد استخدام زيت المحركات البحريه


يتحكم في تكون الرواسب داخل غرفة الاحتراق وعلى شمعات الاحتراق (البواجي)
امتزاج ممتاز مع الوقود
يحافظ على نظافة المكابس والحلقات, وشمعات الاشتعال ومناطق العادم
مقاوم لتكون المادة الهلامية عند درجات الحرارة المنخفضة
يحمي المحرك من الصدأ الناتج عن المياه العذبة ومياه البحر
وسوف تلاحظ .... قدرة عاليه وعزم .... للمحرك

[أسماك الامارات]

جزاك الله خير ياأخوي ومهندسنا عبدالله
الله يعطيك العافية ع المواضيع المهمة والمفيدة لكل النواخذة والبحارة والسماكه

بومحمد

[بن غانم]

السلام عليكم ورحمة الله وبركاته

جزااك الله كل خير اساتذي المهندس عبد الله على المواضيع المهمة و المفيدة و ربي يعطيك موفور الصحة و العافية

تحيااتي لك

[ابوشمسة]

مشكور اخوي المهندس عبدالله
عالمعلومات المفيدة والمهمة
جزاك الله خير والى الامام وبالتوفيق

[المهندس عبدالله]

حياكم الله .... جميعا
وبارك فيكم ..

[صياد للأبد]

مشكور على المعلومات المفيدة

[غواص اعماق]

تسلم مهندسنا عبدالله على المعلومات القيمة بس لو تتكرم وتحطلنا اسماء بعض النوعيات من الزيوت البحريه اللي لازم نستخدمها في الطراريد

[رحماك ربي]

مهندسنا الغالي تسلم عالموضوع المفيد.

جزاك الله ألف خير على ما تقدمه من مواضيع نافعه لاخوانك الاعضاء.

[الفيصل]

السلام عليكم اخوي ابوعبدالله
وعلىالاخوان في المنتدى الطيب
استاذي الان عندى في السعوديه الي هو95 البنزين الاحمر و91 الاخضر
الجماعه ينصحون بلاخضر 91 يقولونان فيه نسبه زيت وهو الافضل للمكينه
وارخص هنا كيف الوضع لاني ابي افهم شغله توان الكميه الزيت والبنزين
بحيث يعطيني مزيج متوازن ميه بلميه
تحياتي

[المهندس عبدالله]

الفيصل ... حياك الله

اللي نصحك ... بـــ 91 ... من غير خلفيه
استخدم 95 ... ونسبة الزيت الى الوقود ... كل لتر زيت بحري يقابله 50 لتر وقود

[المهندس عبدالله]

اخي العزيز ... غواص اعماق

الزيت البحري ... تجده عند الوكاله ... موجود في الياماها

[الفيصل]

نور الله طريقك والله نورتنا بلمعلمومات الطيبه ياستاذ عبدالله
حقيقه واله يعينك على اسالتنا ونا والله الحين جالس ادرس كل الموضيع الان
مالك يامهندس تتحملنا والله الله يعينك على الاسئله
تحياتي اخوك
الفيصل

[الفيصل]

سلام عليكم ورحمه الله وبركاته
استاذي الاسئله زحمه نبدء
انا اليومطبق حاجه وهي تنظيف الفتحه حقت خروج الماي التبريد وكانت ضعيفه فكتها فعلا طلعت مسدوده ونظفناها والامور ميه ميه
...........
المشكله وراح اطرح بعدها السؤال
استاذي انا قريت في احد الصفحات مشكله تشبه مشكلتي هي
طلعت بطراد الامور كويسه ومره وحده العزم قل الى درجه وقفت المكينه على الزيرو ورفعه مره ثانيه تمشي وبعد فتره دقيقه اقل مندقيقه يطيح العزم مع اني اعطيها فل سيبد تحس المكينه ولا شي افضي وعشق يصحى ولحظات وتكع مره ثانيه
طيب ....
جبنا المصلح وماودي المصلح يحرك شي قنا عشان نتعلم والوقت ماسمح اطرح المشكله هنا لضيق الوقت المهم
شيكنا المكينه طلع هوزينسم وعولج بجديد فكينا الكبريتارات عسلناهم وطلع الكبرتر الاولي واحد من الصبابات مسكر
نفخناه وشيكنا الصبابات في الثلاث الكبرترات الثلاثه كل شي ميه ميه المهم شيك على البواجي وكل شي جديد بدل
من البواجي ركبنا الحبايب الكبرترات المهم جينه للبحر وطلعنا اللامور في الدخله كل شي حلو يوم الرجعه في الطريق كعت المكينه مره ثانيه والله قلت وش السلافه تونا حلوين المهم كملنا بثاتيه ورجعنا الحين ...
كلمت خوينا تعال رجعت الحاله مثل اول قال جبلي كبرتر وبعدها كلمني ..طيب يالحبيب ليه قال كل المكين ا200 توستروك الكبريتر
ينعدم جيب غير انا هنا اشوي دقيت برك مايصير طيب علاج شي تصليح حاجه على طول بدل مقتنعت اشوي
قلت بفك الشغله الحين لاني دوشتني الاقاويل الكثير الي قال هنا:
فتحات البخاخات بدل متفتح وتسكر ممكن تكون اختلفت ويبلها وزنيه اخوينه يقول ميه ميه مافيهم شي هذا الكبريتر وناس تقول العقال
يمكن يقصد الهو ممكن عقال الكهرباء وناس قالت ممكن بستم وناقالت ممكنماي داخل على التانكي ناس قالت ممكن الفلاتر البنزين
الستاندر الي بلمكينه وصخه وما مشي الامور ميه ميه من ناحيه الفلتر هنا كثرت الاقاويل وتوحش ذك اليوم على المكينه ياستاذ
وقلت لازم احرك الساعدين وفكر وتبع ولاحظ مع كوب الشاي وش المشكله هنا قبل لا اعفس الدنيا مع الاقاويل هذي قالت ببدء اول حاجه اشيك على الفلاتر البنزين من نا حيه الماي كلش تمام....
الاهواز من ناحيه اللويه اومايوصل بنزين شيكت على الكوره وستقبال حلو حيد....
الهواز مناحيه التسريبات ممتاز..........
البواجي حلو .....
قلت ليش مااجرب اغير كبريتر الاولي الي فيه انسداد وجربه على المكينه العدله وشوف هل الكبريتر هذا خربان اذا خربان بيبين على المكينه هذي العدله من ناحينين الي هي كبرتر خربان على مكينه شله موزونه من ناحيه البخاخات كويسه والثانيه الي يقولون بخاخات يبلها وزان الهي فيها المشكله ركبنا عليه كبريتر العدله ونشوف اهومن الكبريتر والامن البخاخات يعني.....
بدلت الكبريترات فقط وشغلت الاول الي فيها بلاه كويس ميه ميه على السمعات ولا يندر في البحر شراح يصير....\
اما الثانيه الريس ارتفع معاي والصوت عالي والقير معشف حاولت افضيه موراضي المهم قلت مايهم الحير الريس نشوف علته الحين خلينا على الكبرترات الحين خليته 12 دقيقه الامور تقريبا تمام والحكم في البحر بس؟
الريس مرتفع اذا ضغط على الريس نت المكينه اللا تحت يهدى اشوي بس مراضي ينزل والقير يبقى معشق بما كان سابقا مافي هل كلام والحين حاولت يكون في الفاضي مضبط يا ور ى يا قدام طبعنا الكلام طبق اليوم ومدري بنسيه لتعليقت القير مادري كيف استاذي وش العمل مع هل القير وقصتي هاذي؟
والله ادري اني طولت في هل القصه هل مخربطه بس السموحه لاني جالس فوق الطراد وكتب بحيث اطبق بعض المواضيع الطيبهمن ناحيه التشيكات اول مابديت هي عمليه الفلشنق وصدنا وحده من المكاين كان تصرفها بطيء نتيجه انسداد بعض الشي في تصرف الماي وتحياتي
يامهندس عبدالله

[المهندس عبدالله]

حياك الله .... اخوي الفيصل

بخصوص البحر .... كل واحد معلم .. وتسمع اقاويل .. تحيرك
وماتدري وين الصح .. وهذا الكلام ينطبق في ... الصيد .. وفي الصيانه


المكانيكي اللي جبته ... ماعنده سالفه ... من يوم قال كربريترات 2001 فيها مشكله مصنعيه
الكربريترات ... مجرى دخول الوقود ضيق .. واي وسخ يسده ... وليس مجرد الغسيل
يعني تنظف ... احيانا يمكن الفني يفكه مرتين .. ... وهذا ينطبق في كل المحركات 2 استروك
واي فك للكربريتر .. اذا ما تغيرت الابر .. معناه ماسويت شيء .. لازم في صيانة الكربريتر تتغير الابر
وهذا الافضل . ثانيا بعد التنظيف لابد ... من غسيل التانكي وتنظيفه ... واستبدال الوقود قبل التشغيل
مع استبدال ليات الوقود القادمه من الخزان حتى المحرك .. مع استبدال العظمات ... وايضا فلاتر الوقود

اي سدد او وسخ في الكربريترات ... معناه ان الوقود غير نظيف .... والوسخ اذا وصل للكربريتر ... معناه
ان الدائره تحتفط بالاوساخ ... وسوف يعود الخلل مجددا اذا ماقمت بالصيانه الكامله ..

الكلام هذا المفروض يعمل الفني ... او ينصحك مادام قرر ان المشكله في الكربريتر .




طيب ... انا أستفهم عن بعض الامور

1- هل لو حصلت المشكله معك .... ورجعت بمحرك واحد ... وحاولت تشغيله بالموقف بعد الوصول
يشتغل مضبوط وتختفي المشكله

2- متى اخر مره غيرت طلمبة الوقود

3- هل جرس الانذار شغال ... يعني يعمل

4- هل تعمل فلاشنق باستمرار
5- هل سبق وغيرت طلمبة الماء ... ومتى

6- هل يوجد بلف حراره ( ثرموستات)

7- هل تشتكي من البطاريات .. يعني عندك تفريغ للكهرباء .

8- هل تشعر بسخونه في المحرك ... وحراره في الماء الخلفي

9- هل ضغط الماء من الخلف ضعيف .. ودائما يتقفل معك

انتظر ردك.... بعد تجربتك مع تغيير الكربريترات ... وش حصل معك وبعدين جاوبني
اذا رجعت المشكله معك . لاني اشك في شيء معين .

بخصوص التعشيق ... لايمكن ان يدور المحرك والقير معشق ... عندك خطأ في التركيب
اكيد فكيت الكيابل ... ومارجعت مضبوط .. ويبقى القير محير لامعشق ولا فاضي .. وهناك تلامس
بين التروس بحيث يكون الكلتش معلق ... فك الكيابل ... والمحرك مغلق ... وعشق بيدك على العضمه
قدام وفي المنتصف والى الخلف ... اذا كان يمشي معك وسلس ... حطه في وضع الفاضي في المنتصف
ويد الريموت في المنتصف .... تأكد من ذلك وركب الكيبل على الذراع ... بخصوص الريس المرتفع .. يحتاج وزنيه
من الكيبل ارخيه شويه وركبه . ... اتوقع مشكلتك في التطبيق عندما ركبت الكربريتر ..

[الفيصل]

السلام عليكم ورحمه الله وبركاته

استاذي عبدالله..........

- هل لو حصلت المشكله معك .... ورجعت بمحرك واحد ... وحاولت تشغيله بالموقف بعد الوصول
يشتغل مضبوط وتختفي المشكله

المكينه تشتغل مثل الساعه بس مثل ماذكرت مجرد ما تعشق بعدماكنت واقف تمشي ولا كان فيها شي يرجع يطيح الاعزم انا شكيت حتى في الوصلات
الي تجي على ثلاث كبرترات عضمه صغيره غيرت الى الجدد الان قلت ممكن بعد منها لانه قالي المكانيكي غيره قيها كسر لا يبهدلك...؟-
متى اخر مره غيرت طلمبة الوقود

اول مشريت الطراد قالي الي ركب المكاين غيرهم للأحتياط وغيرتهم3-

هل جرس الانذار شغال ... يعني يعمل

والله مادري من الناحيه هذي انا ماشيكت لانه الي ركب المكاين شيك على المكاين والامور طيبه انشالله
واخر الموضوع عندي تعليق على بعض اللأشياء راح اسردها تحت بعد الاجابات
4- هل تعمل فلاشنق باستمرار

اسويها بعد كل طلعه وترك يعني بين الطلعه والثانيه وماخذ اسبوعين اسبوع ونص الا وسوي لها فلاشنق الاغلب بعد كل طلعه
بس الاخيره طولت ماسويت عشان انشغالي بلكبرتر وبين لي قبل كم يوم قبل لكتب المشاركه ان مسدود وعملت تنظيف بعد مكان اشوي في من الانسداد بس مو قوي بعض الشي وزبطناه5-

هل سبق وغيرت طلمبة الماء ... ومتى

والله غيرت وحده وفي احد المكاين يوم غيرت القير سبب مشكله (راح اسالك عنها بعدين استاذي) يوم سالت راعي الورشه عن الثانيه قالي شغاله ممتازمايحتاج تغيرها6-

هل يوجد بلف حراره ( ثرموستات)
والله لااعلم صراح بما اني توني جديد على البحر وبحري جديدعلى المواضيع الي اشوفه اشيل اللابتب معاي على المكينه هههههههه
اطبق وشوف (اتعلم)

7- هل تشتكي من البطاريات .. يعني عندك تفريغ للكهرباء .

لا الحمدالله البطاريات جديده توني مركبهم ماخذو فتره مع المكاين8

- هل تشعر بسخونه في المحرك ... وحراره في الماء الخلفي

والله الماي دويفي دافي والمحرك والله ماجربت وهي شغاله احط يدي على المكينه وهومفكوك الغطى لا ..- هل ضغط الماء من الخلف ضعيف .. ودائما يتقفل معك

لا والله ولامره قفل معاي حتى هذا الي نظفته كان اموره ممتازه بس ستغربت من الي فيه اشوي يمكن من الوقفه ترسب(بس نشيك مره ثانيه) بس من ناحيه ولامره سكر لاني اول ما اشغل المكاين في البحر اشيك ناحيه خروج الماي من المكينه بشكل ممتازوقوي عشان التبريد لا يكون مسدود...

انتظر ردك.... بعد تجربتك مع تغيير الكربريترات ... وش حصل معك وبعدين جاوبني
اذا رجعت المشكله معك . لاني اشك في شيء معين .

والله استاذي الحين مارح اسوي اي شي لاني بعمل صيانه وخطوه خطوه وعني الي مركب المكاين ترتيبه احس انه الله بخير في الترتيب الكيابل والويرات وبعض الترتيبات على الطراد يعني مارح احركه الا اذا خلصت اسالتي مشوراتك وياك في بعض الامور ابي ارتبه وان شالله الله يساعدك علي اسالتي وبعض الاشياء ههههههه (احس اني وهقتك) بس والله ان اشرف فيك وفي الاخون في المنتدى لانه منجد احس انه العامل او راعي المحل اذا صار عنده زحمه يبي يمشيك ويرقعها وخلاص والهندي المكنيكي ما يقصر بعد مره ومره يعني صار طرد الاوادم
سيبل الله يجرنا وعنده مصطلح ((((غير))) لاتسوي صيانه لاتفكر انك انه يمكن يتعدل لالالالا ((((غير)))) والله احس انه المساله وياكم
والموضيع الي تبرد على القلب في هل المنتدى الطيبوالله وكلمت حق هذي شي واضح بدون مديح الي فيه اشكلك الطيبه امانه يامهندس والشباب والله ماتقصرون ولكم الف الف شكر وفي ميزان اعمالكم ان شالله ...........

استاذي ...........
انا مكايني من ركبتهم الان في شوال خذيتهم من عجمان
وضرب علي القير قطعه من تروس تكسرت وعدم الدنيالنا وجبنا قير جديد وركبنا قير جديد العكس وشيك المكنيكي على المكينه وقال تمام قالي غير الفلتر البنزين وغيرتها الليات في الطراد كلها جديده مركبه مع المكاين مع ويرات اواسلاك القيور الاثنين (الحمر).......... هنا الي ابي اعرف بعض الاشياء منها .................
لو انه في اسئله موجود ومطروحه في المنتدى ماقصرتوا وشتفت منها واضحه جدا بس بسال
ولوفي مقطع
يوضح الشغله اكون شاكر وعشان الشباب بعد ...........
1/شلون اصين الكبريتر مثل مشكلتنا في الكبرتر الحينالي اهي الابره لاني حقيقه ما اعرف وين بضبط
2/ اعرف كيف اتعرف على الجرس وبلف الحراره وين مكانه في المكينه؟؟؟؟؟
3/وعندي الهيدروليك المكينه المكينه تصعد بس ماتنزل لابد انزلها من الجنب بمفك ولاحظت زيت على الهيدورليك
حواليه اشوي كيف اعمله صيانه ولا ازيده؟وشيك عليه؟؟؟؟

ويعطيك العافيه وراح اسوي صيانه معاك واحاول اصور وحط بل منتدى اذا استطعت كل شي سويته اذا الله قدرني
ومعذره على الاطاله سموحه
تحياتي اخوك الفيصل

[المهندس عبدالله]

حياك الله .... الفيصل


بخصوص الكربريتر شوف الفديو هذا
يوضح مكان غرفة العوامة وطريقة فك الابر

http://www.youtube.com/watch?v=o5cxBMDezuU&feature=related


هذا الفيديو يوضح مكان بلف الحراره بالنسبه للجرس .. هذا تجده في داخل الريموت كنترول
والحساس في مجرى الماء على المكنه
http://www.youtube.com/watch?v=A7T9b2BkBC8&NR=1


بالنسبه للهيدروليك
لابد اولا من اصلاح التهريب ... لان الزيت ناقص
ويوجد هواء في الداخل وطرقة تعبئة الزيت بنفس
طريقة تعبئة زيت دركسون الهيدروليك
وشرحتها راجع الدروس .....بس التنسيم
عن طريق المسمار اللي في الجنب اللي انت قاعد تفكه وتنزل المكينه
منه ..



بخصوص مشكلتك اللي في المكنه

هل قمت بعمل قياس لضغط المكنه..؟

[أبو أبكر]

مشكووووور مهندسنا وجزاك اله خير الجزاء على هالمعلومات



بس سؤال كم الكمية المناسبة لخلط الزيت


انا عندي ياماها 115

وما اعرف كم الكمية المناسبة

[المهندس عبدالله]

حياك الله .... ابو ابكر

الكمية لتر زيت ..... الى 50 لتر وقود

[أبو أبكر]

جزاك الله خير مهندسنااا