يريش بالربيان - من اطباق الامارات

[لؤلؤة الاعماق]

يريش بالربيان
بطريقه سهله وسريعه

http://im13.gulfup.com/2011-10-21/1319229114111.jpg

المقادير

ربيان منظف ومشيول منه الخيط الاسود
بصل مفروم
بزار
هيل ناعم
بهاراتكم العاديه اللي تستعملونها
فلفل اسود
لومي اسود عدل
ملح
طماط مطحون في الخلاط
ثوم بكباره
ورقه غار
عود دارسين

الطريقة

نحمس الجريش على نار من غير دهن او زيت لين يتحمر وتطلع ريحته ونخليه لين يبرد
وبعدين نغسله ونخليه على جنب لين نستعمله
نحمس البصل مع الثوم والبهارات ونضيف الربيان ونحمسه شوي مع الطماط ونزيد الماي نتركه لين يغلي ونشيل الربيان عشان ماييبس من السلق
نتأكد من الملح في المروق و نضيف اليريش ونشوفه اول ما يشرب مايه نخفف النار ونضيف الربيان على الويه ونتركه لين ينضج ويقدم مع الدقوس او روب وخيار والسلطه .
وعساه مأكول العافيه



تقبلوا تحياتي العطره

[ابوعمران]

وعليكم سلام أختي لؤلؤة العزيزة
تسلم ايدينك والله يحفظك من كل سوى
لكن أنا اخوك بحياتي ماأكلت الربيان والقريدس
وبعض الأكلات البحرية لانه نحن في سورية على
نهر الفرات عندنا السمك فقط
ونشاء الله يكتب لنا زيارة الامارات الحبيب ونزوركم ونأكلها عندكم عزيمة
ههههههههههه تحياتي لك
اخوك ابو عمران

[أسماك الامارات]

تسلمين اختي لؤلؤة الاعماق على الوصف
الله يعطيج العافية
بومحمد

[بن غانم]

السلام عليكم ورحمة الله وبركاته

صفة لذيذ سلمت يداج عليها

تحيااتي لج

[غواص اعماق]

تسلم ايدج على الوصفه الناريه

[الربان عبيدا]

تسلم الايادى المتألقه...
شكلها شهى ياسلااااااااام...
تحيااااااااااتي لش..

[لؤلؤة الاعماق]

اخواني
بو عمران
بو محمد
العوال
غواص اعماق
بو احمد
تسلمون والله
لاعدمناكم
ولا عدمنا تواجدكم الاروووع يا اخوان الوفاااااا
يعطيكم ربي كل العفو و العافيه
لكم تحياتي العطره

[ابوشمسة]

يمي يمي هالاكلة جوعتني
ماشاء الله تبارك الرحمن
طبخة شهية ولذيذة
يعطيج العافية اختي لؤلؤة الاعماق

[لؤلؤة الاعماق]

اخوي
بوشمسه
تسلم والله
لاعدمناك
ولا عدمنا تواجدك الاروووع يا اخو الوفاااااا
يعطيك ربي كل العفو و العافيه
لك تحياتي العطره