تشخيط خباط 29-9-2011

[Bu MoHaMeD]

السلام عليكم يالنواخذة ،،،
هذي طلعت اليوم الصبح من الساعة 5 الفجر إلى 9 صباحا ... ماقدرت أطول أكثر رجعنا للصلاة .. لكن خيرها بغيرها إن شاء الله ...
هذي طبعا توفيق من الله وبركة أعضاء منتدانا الخبراء ( الله يحفظهم )
الصيد : 13 خباط شويت شعري + 2 شعوم .

http://www.uaefishes.net/upload/files/2227.jpg


http://www.uaefishes.net/upload/files/2226.jpg

تحيايت للجميع ،، وبالتوفيق

[غواص اعماق]

ماشاء الله والله يزيدك من خيره والمره الجايه بتصدرلنا ان شاء الله

[رحماك ربي]

وعليكم السلام ورحمة الله وبركاته

ما شاء الله خوش صيد يا بومحمد توفيق وبركه من الله ثم تطبيقك لنصايح النواخذه بارك الله فيك وفيهم..


صيد طيب وإن شاء الله اليايات صيد اطيب وأوفر.

[أسماك الامارات]

هلا بأاخوي بومحمد
ما شاء الله ع الصيد الطيب
والله يرزقك من خيرات البحر

اخوي بومحمد ممكن تخبرنا شو سويت بالضبط حتى الجميع يستفيد إذا ما كان عندك مانع
بومحمد

[ابوشمسة]

ماشاء الله تبارك الرحمن
صيد طيب اخوي Bu MoHaMeD
مقارنة بالفترة البسيطة
والشعم حجم مميز وبالعافية عليك
واسعدتنا بهالتقرير والله يزيدك اكثر واكثر
وصراحة اخوانك في المنتدى اكيد زعلانين عليك
لان ودهم يشوفون صور اكثر مثل منزالكم او مواقفكم
ولون بحركم ههههه وبعض المناظر لبحر البحرين واللي تقدر تصوره لنا
وبنكون شاكرين لك
تحياتي لك والله يوفقك

[Bu MoHaMeD]

مرحبا بالنواخذة ،،، مشكورين على المرور الطيب .
إن شاء الله يا خوي يا بوشمسة كل شي ولا زعل اخوانه أعضاء المنتدى ،، باذن الله هالمرة راح اصور لكم تقرير مفصل من أول الطلعة إلى الرجعة ،، وفالكم طيب ..
أما بخصوص الطريقة إتبعت اللآتي :
1. نزلت خيطين الكفشة الاولى فضية والثانية لونها أحمر ،، قبل كنت انزل الثنيتن فضيات .
2. المسافة بين الطراد والبورد في البداية خليتها خليتها 15 باع والثاني 18 باع ، معتغيير في السرعة من 7-8 ميل .
3. بعد فترة شفت أن الخباط يضرب على ال 18 أكثر واللون الأحمر بالذات ،، غيرت المسافة للثاني وخليتها 20 وبدلت الكفشة خليت وحدة لونها أحمر ،، وماشاء الله قام يضرب على الثنتيتن ، مرة يمين مرة يسار .
4. بخصوص السرعة أكثر الصيد كان على سرعة 8 ميل ،، بعض الأحيان على ال 7 ،، بس اللي شفته أن ال 8 اصيد .

إن شاء الله المرة الجايه راح أجرب طريقة الريش ،، بإذن الله وراح أوافيكم بالتقارير اول بأول .
إللي إاستنتجته من خلال هاليوم أن الخباط ساعات يكون طافي فوق المايه ،، في هذه الحالة تحتاج إلى أن تطيل من مسافة الخيط أو تقلل من السرعة حتى مايغوص البورد في البحر . وسعات تكون لسمجه بين المايتين عليك أن تقصر المسافة أو تزيد من السرعة حتى يغوص البورد للمسافة المطلوبة .. والله أعلم ..
والسموحة على الإطالة وعلى المعلومات المتواضعة ، وإذا كان في خطأ ، إن شاء نواخذتنا راح يصححوا المعلومة ..
وتحياتي للجميع ..

[POPEYE]

السلام عليكم ،،

يعطيك العافية أخوي بومحمد على التقرير ..
والصيد الطيب ما شاء الله .. الله يزيدك من خيره
بالتوفيق في الطلعات القادمة

تحياتي

[القبطان]

ما شاء الله صيد طيب وننتظر تقاريرك الجميله .

[أسماك الامارات]

جزاك الله خير ع الشرح يأاخوي بومحمد
والله يعطيك العافية والله يرزقكم من خيرات البحر

بومحمد

[ابوشمسة]

مرحبا بالنواخذة ،،، مشكورين على المرور الطيب .
إن شاء الله يا خوي يا بوشمسة كل شي ولا زعل اخوانه أعضاء المنتدى ،، باذن الله هالمرة راح اصور لكم تقرير مفصل من أول الطلعة إلى الرجعة ،، وفالكم طيب ..
أما بخصوص الطريقة إتبعت اللآتي :
1. نزلت خيطين الكفشة الاولى فضية والثانية لونها أحمر ،، قبل كنت انزل الثنيتن فضيات .
2. المسافة بين الطراد والبورد في البداية خليتها خليتها 15 باع والثاني 18 باع ، معتغيير في السرعة من 7-8 ميل .
3. بعد فترة شفت أن الخباط يضرب على ال 18 أكثر واللون الأحمر بالذات ،، غيرت المسافة للثاني وخليتها 20 وبدلت الكفشة خليت وحدة لونها أحمر ،، وماشاء الله قام يضرب على الثنتيتن ، مرة يمين مرة يسار .
4. بخصوص السرعة أكثر الصيد كان على سرعة 8 ميل ،، بعض الأحيان على ال 7 ،، بس اللي شفته أن ال 8 اصيد .

إن شاء الله المرة الجايه راح أجرب طريقة الريش ،، بإذن الله وراح أوافيكم بالتقارير اول بأول .
إللي إاستنتجته من خلال هاليوم أن الخباط ساعات يكون طافي فوق المايه ،، في هذه الحالة تحتاج إلى أن تطيل من مسافة الخيط أو تقلل من السرعة حتى مايغوص البورد في البحر . وسعات تكون لسمجه بين المايتين عليك أن تقصر المسافة أو تزيد من السرعة حتى يغوص البورد للمسافة المطلوبة .. والله أعلم ..والسموحة على الإطالة وعلى المعلومات المتواضعة ، وإذا كان في خطأ ، إن شاء نواخذتنا راح يصححوا المعلومة ..
وتحياتي للجميع ..

تقليل السرعة كلام صحيح او انك تصيد بدون بورد وتكتفي ببلد خراري صغير
واحيانا بدون بلد او بورد واول ماتضرب السمجة لاتتستعجل في السحب
لانها راح تنزل الخيط وراح يتبعها السرب هذا بالننسبة لميادير الريش


اما بالنسبة انك تقول تزيد السرعة وتقصر عالخيط راح ينزل البورد اكثر
طبعا هذا كلام خاطئ والصح زيادة في السرعة مع زيادة في الخيط
من الطراد الى البورد يعطيك نزول اكثر واعمق للبورد وبالتالي نزول الميرور
والعكس صحيح تماما

تحياتي لك والله يوفقك في الطلعة القادمة

[Bu MoHaMeD]

تسلم يا أخووي بوشمسة على التوضيح والتصحيح ،، لانه المشكلة عندي لما أطول الخيط دائما يطفح البورد ، فاعتقدت أن الطول يطفح البورد ،، ومشكور على التوضيح

[Bo Shaikha]

ماشاء الله

[خليل الحمادي]

ما شاء الله ع الصيد الطيب

والله يرزقك من خيرات البحر

[الغدير]

تسلم خوي عالتقرير و الصيد الطيب و الله يزيدك فالمرات القادمة
هل و صل عندكم الجنعد؟ انشاء الله يرزقك بجنعدة من الحجم العائلي

خوي بالنسبة للمسافات قسم الطول من الطراد الى البورد على كل 5 ابواع لو الخباط ياكل فوق و جريب الطراد خلي المسافة 5 و لو حبيت تزيد خلي المسافة 10 باع و هكذا و هذي اسهل طريقة لمعرفة المسافة و اسرع و او انك تبدل حجم البورد لو الخباط ياكل على سرعة معينة و تحب تحافظ على العمق مع تثبيت السرعة

و انا مع بو شمسة بالنسبة للسرعات و العمق و لو ممكن تبين رقم البورد اللي تستخدمه لان لكل بورد اقصى عمق تقريبا حتى لو زدت السرعة بالنسبة للخباط نحن نستخدم بوردات من 6 الى 8 و السرعة اقل شي 5 ميل و اكثر شي 9 ميل و افضل سرعة 7 ميل

و مع كل ما ذكرناه جرب كل الطرق و اتمنى لك التوفيق

تحياتي لك

[بو سالم المهيري]

مشاءلله تبارك الرحمن
صيد حلو و بالعافيه عليكم

[بن غانم]

السلام عليكم ورحمة الله وبركاته

تسلم اخوي بومحمد على التقرير و على طرحك للنقاااش و الشكر موصول للنواخذة الذين تفاعلوا مع الموضوع

تحيااتي للجميع

[بو شوق]

ماشالله خوش صيد ياخوي بو محمد الله يرزقكم اكثر ان شالله ’’ ومشكورين يالنواخذه على النقاش والتوضيح

الله يعطيكم العافية

[salloom]

ماشاء الله تبارك الرحمن

صيد طيب اخوي بومحمد .. وصـراحة موضـوعك صار مثال على كرم أعضاء منتدانا الرائع

لكن .. الشعوم صايدها تشـخيط؟؟

مشـكور على التقرير الحلو ، ولا تنسى تزود الصــور

[Firestar]

ماشاء الله ، طلعة موفقة وصيد طيب

ربنا يزيدكم من واسع فضله

[Bu MoHaMeD]

مرحبا شباب ،، مشكورين على الردود الطيبه

(الغدير ) أخوي الجنعده موجودة بس يبيلها صبر أكثر ،، عني آنه أفضل الخباط على الجنعد الكبير . لأن صيده أسرع وأكلها أطيب .
(Salloom) مرحبا أخووي بخصوص لشعوم ،، صدناها بالحداق ،، فترة ماكنا نتريق :) و الحمدلله توفقنه بصيدها ..

تحياتي للجميع

[الربان عبيدا]

مشكور اخوى بومحمد ع التقرير الرائع والصور الاروع,,وماشاء الله ع الصيد الباهى والمنوع..بالعافيه عليك..
تحيااااااتي لك...

[فسفوري]

تسلم خوي عالتقرير و الصيد الطيب و الله يزيدك فالمرات القادمة
هل و صل عندكم الجنعد؟ انشاء الله يرزقك بجنعدة من الحجم العائلي

خوي بالنسبة للمسافات قسم الطول من الطراد الى البورد على كل 5 ابواع لو الخباط ياكل فوق و جريب الطراد خلي المسافة 5 و لو حبيت تزيد خلي المسافة 10 باع و هكذا و هذي اسهل طريقة لمعرفة المسافة و اسرع و او انك تبدل حجم البورد لو الخباط ياكل على سرعة معينة و تحب تحافظ على العمق مع تثبيت السرعة

و انا مع بو شمسة بالنسبة للسرعات و العمق و لو ممكن تبين رقم البورد اللي تستخدمه لان لكل بورد اقصى عمق تقريبا حتى لو زدت السرعة بالنسبة للخباط نحن نستخدم بوردات من 6 الى 8 و السرعة اقل شي 5 ميل و اكثر شي 9 ميل و افضل سرعة 7 ميل

و مع كل ما ذكرناه جرب كل الطرق و اتمنى لك التوفيق

تحياتي لك


سؤالي كيف نقدر نحدد كم باع سار الخيط هل لكم طريقه معينه لمعرفة كم باع

[الاوزون]

ربي يزيدك من نعيمه مع الشكر على التفصيل

[بو وضحه]

ماشالله تبارك الرحمن وصيد طيب ووافي وحظ اوفر فالمرات اليايه