سؤال كيف لوبغيت اشتري مكينه؟؟؟

[الفيصل]

السلام عليكم اخواني ...........
سؤالي يا خواني الكرام الحين لوبغيت اشتري مكينه من محل او من شخص
شنهي الاشياء الفروض والمطلوب تشيكها قبل ماتاخذ او تشتري المكينه
او شي الخطوات المفرض ان تعمل بها قبل شراي المكينه وتاكد من سلامتها
ولا عليها خوف؟؟؟؟؟ لتعم الفائده للكل ؟
تحياتي
اخوكم الفيصل

[بو وضحه]

السلام عليكم رحمة الله وبركاته

أخوي الكريم فالبداية وقبل الشراؤ في عدة أمور تاخذها بغين الأعتبار

1- شو حجم المكينة اللي تبغيها
2- الموديل
3-الشفت تبغيه طويل أو قصير
4- تظافة المكينة داخليآ قبل الخارج
5-كم عدد ساعات استخدام المكينة
6-نوعية المكينة المرغويه (ياماها أو سوزوكي أو ميركوري او او)
7- هل سبق أن المكينة أنفتحت داخليآ لأي سبب مثل الأعطال(يعني الهد أنفتح أو في تغيير فالوايرات من هالأمور)


هذا اللي عندي وأصبر شوي عندنا مهندسين نفس الأخ بو عبدالله والنواخذه ما بيقصرون

[بن غانم]

السلام عليكم ورحمة الله وبركاته

مثل ما ذكر لك أخوي بو وضحة بعض الأشياء المهمة..

أهم شي يا خوي انك تشيك على المكينة و تطلع فيها بحر أنت و ميكانيكي يكزن فاهم في المكاين و أهم شي الموديل و المكينة متبطلة و لا لاء و كيف كهربتها و الشفت مهم على حسب طول رقعة طرادك و انتبه انهم يشغلولك ياها في حوض , حطها على الطراد و جربها في البحر,, شيك على الآيل وشوف القير شارب ماي و لا لاء...

و بالتوفيق

تحياتي لك

[المهندس عبدالله]

حياك الله اخوي اللي فهمته انك محدد نوع المكينه ومنتهي
بس تبي تعرف كيف تكشف عليها ... طبعا مستعمله

هل هذا قصدك .... من اجل اعرف اجاوب عليك.؟

[بن غانم]

حياك الله اخوي اللي فهمته انك محدد نوع المكينه ومنتهي
بس تبي تعرف كيف تكشف عليها ... طبعا مستعمله

هل هذا قصدك .... من اجل اعرف اجاوب عليك.؟

أخونا يسأل عن مكينة مستعملة ( من محل أو ورشة ).


تحياتي

[الفيصل]

السلام عليكم يا اخوان ........
شرف لي ونورتوا الموضوع اخواني الافاضل اخوي ابو وضحه والعوال
نورتونا بمعلومات الطيبه حقيقه لكم جزيل شكري
واحترامي لمهندس عبدالله انا من متابعين لموضيعك قبل اشتراكي في المنتدى
مثل ماتفضل اخوي العوال هذا الي اقصد؟؟؟
بمعنى انا لاجيت بشتري مكينه من محل او من شخص وشي الاشياء الي لابد اني اتاكد منها قبل ان اعزم على متشرها
وتوهق بعدين هل في اشياء رئيسيه اشيك عليها كعليمي (جديد في الشغله) انا لي بلمكانيكا اشوي بس في المكاين الطرادات
والله ماعندي اي خلفيه او معلومات الا اني والله منك ومن االخواني الطيبين في المنتدى اتعلم وللمعلوميه وكان الهدف ايضا الاستفاد
من الموضوع لي وللخوان في المنتدى لك احترامي
اخوكم الفيصل

[المهندس عبدالله]

هلا فيك العزيز العوال

انا سألت لعلى اختصر الاجابه في شيء محدد لانكم داخلتم بالموضوع وكان ماعليه اضافه مني
وقلت اذا كان يسأل عند الشراء وهو محدد نوع المكينه . اضيف بعض الاشياء لعلها تنفعه .

[المهندس عبدالله]

اخوي الفيصل


اذا كنت محدد مكنه بعينه وناسبتك من حيث الحجم والقوه وتعرف انها تناسب طرادك
يبقى عليك تعرف حالة المكنه ... لكن قبل نتكلم اعيد واكرر ... تذكر دائما قبل الشراء

هل القطع متوفر ولدينا وكيل
هل الصيانه جيده وفيها خدمه
هل عليها اقبال من الجمهور وسمعتها زينه



بخصوص المكنه

يجب ان تعرف العمر الافتراضي لها في التشغيل مثلا كم ساعه اشتغلت
ويفضل دائما تكون ذات موديل متقدم ولم يتم توظيبها سابقا يعني استندر
لان بعض الناس الله يهديهم يلفقون من اجل يبيعون

اهم شي لاتشتري مكنه وهي في الخارج اشتريها وهي راكبه على القارب
او يتم تركيبها للتجربه وهذه قالها لك اخونا العوال او يعطيك ضمان لفتره زمنيه حتى التجربه

قم بقياس ضغوط البساتم لتعرف حالة المكنه

اولا نفحص الجيربكس للامام والخلف فربما يوجد صوت لوك اصطكاك تروس ( خلوص)
ارفع المكنه وهز عمود الرفاس وادفعه الى الامام والخلف ....

افحص زيت الجيربكس فربما يكون خالط
بعض النقاط ذكرها اخونا العوال ... وقاعد اعيدها للتذكير

افحص حركة عمود ( السكان )
افحص ذراع موجه السكان اسفل المكنه لانه يتعرض لملوحه شديده

انتبه لجسم المحرك اذا كان الدهان متقشر وفيه فقاعات يعني انه شارب ملوحه

افحص الهيدروليك في الطلوع والنزول وتأكد من عدم وجود تهريب

ارفع المكنه قليلا وامشي بالقارب ولاحظ هل هناك تغير في وضع القارب ام لايزال ثابت
من اجل نعرف كم مقدار القدره اللي يفقده العزم

افتح اسبيد وقم بقياس اعلى تسارع ( دورات المحرك) الاربي ام يصل اليها المحرك

انتبه لصوت المحرك في التشغيل العادي هل تسمح صوت خشونه اثناء الدوران
ضع يدك على جسم القارب هل تشعر باهتزاز المحرك

افحص جميع التوصيلات الكهربائيه في المحرك وشوف اذا كان هناك قص او تعديل
انزع وايرات البواجي واحد واحد وشوف التغير على المكنه اثناء تعطيل السلندرات

استخدام جهاز الفحص الفولت ميتر ... لفحص اخراج التيار من العقال تحت الحذاف
اذا كان ضعيف تجد المحرك ضعيف عزمه . وما يشحن البطاريات مضبوط
اخي الفيصل كل هذه الخطوات تحتاج لحس المكانيكي لانه قادر يحدد لك وعنده تجربه
لذلك من اهم العوامل قبل شراء المحرك يكون معك واحد ثقه وصاحب معرفه

[الفيصل]

يرحم والديك يامهندس عبدالله لك جزيل الشكر والله الشرح واضح جدا شكرا جزيل الشكر بس تحملانا في بعض الأساله لك للجماعه الاخوان الطيبيا معذا على التثقيله يا مهندس تتحياتي لك

[المهندس عبدالله]

انتم رجال تستاهلون كل الخير
وتحت امر الجميع صغير وكبير

حفظك الله

[جني البحر]

مشكوووووورين والله يعطيك الف عافيه على الخبرة الموجوده في المنتدا