استفسار من أهل الخبرة

[ابو مريم]

السلام عليكم ورحمة الله وبركاته
اخواني النواخذة اشحالكم ، ومثل ما ايقول المثل اسال مجرب ولا تسال طبيب
بغيت استفسر منكم بخصوص طراريد راس الخيمة
من 25 لين 27 قدم شو الافضل
طراد بن ظبوي
طراد الرنر
طراد السندباد
من ناحية الدق و الراش
وان شاء الله ناوي افصل واحد منهن خلال هاي الايام
وبركب عليه مكاين 75 هنتين ..

[بن غانم]

السلام عليكم ورحمة الله وبركاته

عندنا طراد بن ظبوي بس بعدنا مما طلعنا فيه بحر و الصراحة يمدحونه

الرنر علومه عند النوخذة بو وضاحي

و السندباد بعد يمدحونه طراد خفيف و ممشاه ما عليه كلام

تحياتي لك

[كولومبس]

هلا اخوي انا جربت بن ظبوي 31 مكاين 115×115

والله كان تمام لكن اسال هذا رايي ولك منى كل

التوفيق اخوك كولومبس

[ابو مريم]

السلام عليكم ورحمة الله وبركاته

عندنا طراد بن ظبوي بس بعدنا مما طلعنا فيه بحر و الصراحة يمدحونه

الرنر علومه عند النوخذة بو وضاحي

و السندباد بعد يمدحونه طراد خفيف و ممشاه ما عليه كلام

تحياتي لك

وعليكم السلام ورحمة الله وبركاته
تسلم يا العوال والله ايهنيكم بالطراد الجديد
وفي انتظار النوخذة بو ضاحي وباقي النواخذة بخصوص الرنر

[ابو مريم]

هلا اخوي انا جربت بن ظبوي 31 مكاين 115×115

والله كان تمام لكن اسال هذا رايي ولك منى كل

التوفيق اخوك كولومبس

اهلين يا كولومبس ، استفساري عن احجام الطراريد من 25 لين 27 قدم
وتسلم على مرورك

[بو وضحه]

مرحبا بو مريم عساك بخير وربي انشالله يكتب لك اللي فيه خير

يا بو مريم بخصوص الرنر والسموحه يعني من اللي عنده هالنوعيه ههههههههه ولكن الرنر تعبااااااااااان ولا تقارنه في بن ضبوي
الرنر يالغالي خفيف ويسوي راااش وايد وأهو أولأ طراد رقاي مب حق غبه وثانيآ يدق وايد والدليل ضهري اللي صابر على هالنوعيه
ودامك سألت عن قوارب راس الخيمه فتوكل وخل اختيارك على بن ضبوي بس أولأ واخيرآ استخير ربك
والسموحه عالأطاله يالغالي

[راعـي المعاني]

مرحبا بو مريم عساك بخير وربي انشالله يكتب لك اللي فيه خير

يا بو مريم بخصوص الرنر والسموحه يعني من اللي عنده هالنوعيه ههههههههه ولكن الرنر تعبااااااااااان ولا تقارنه في بن ضبوي
الرنر يالغالي خفيف ويسوي راااش وايد وأهو أولأ طراد رقاي مب حق غبه وثانيآ يدق وايد والدليل ضهري اللي صابر على هالنوعيه
ودامك سألت عن قوارب راس الخيمه فتوكل وخل اختيارك على بن ضبوي بس أولأ واخيرآ استخير ربك
والسموحه عالأطاله يالغالي

- السلام عليكم ورحمة الله وبركاته ،،، حياك الله أخيو الغالي ونوخذاية " بومريم " ،،، الغالي إنته طلبت المشورة ،،، ولازم كل إنسان أمين وفاهم ينقل هذه الأمان كما هي ،،، أنا عن نفسي أأيد كلام أخوية النوخذا " بوضوحي " نوعا ما ،،، صحيح إنه طرادات الرنر ما في مقارنة بينها وبين بن ظبوي من حيث الوشرة (الشكل والتصميم) ولكن فيه أسرار ما يعلمها إلا صاحب الصنعة ،،، عيب بن ظبوي هو الفيبر ،،، دائما إهنوده يعتمدون على التقليل من وزن الطراد ،،، حتى يتم تعويض هذا في السرعة ،،، أما الرنر فهو أفضل من حيث متانة الفيبر ،،، ولكن كسمعة ومشي في البحر بن ظبوي أقوى وأحسن :fishing1:،،، والإستخار بإخلاص هي الفيصل :r0o0t (43):،،، بالتوافيج الغالي والسموحة ،،،

[ابو مريم]

تسلم يا بوضحى ،، وتسلم يا راعي المعاني
يعني انتوا تنصحوني ب بن ظبوي
بس كم قدم 25 ولا 27
في انتظار ردكم
وجزاكم الله خير

[بن غانم]

السلام عليكم ورحمة الله وبركاته

أخوي الفرق بين 25 و 27 قدم في حدود 50 سم فمن وجهة نظري انك تأخذ 27 قدم و الله يوفقك
فانتظار ردود النواخذة

تحياتي لك

[لزاز]

السلام عليكم

رأي شخصــــــي

في الفتره الاخيره تعب شغل مصنع بن ضبوي،، و السبب اختلاف داخلي من الشركاء في المصنع

كنت بفصل عندهم ولكني شفت سوء الجوده في الطراريد الاخيره،، و ادخل ماي

اما الطراريد القديمــــه فهي 100% شغاله صح.

عن نفسي فصلت ال 27 من مصنع العربيــه للقوارب في ام القيوين،، و دام انك رايح صوب راك ،، فدربك ام القيوين وشوف او شوف الملاح.

[بو وضحه]

وماشالله هذا اخوي لزاز بعد دلك ع واحد ولكن الأختيار أولآ وأخيرآ بيكون لبو مريم وربي يوفجك وتلقى اللي يسر خاطرك ولا تستعيل يا بو مريم أسأل أكثر وأكثر وصدقني ما في شي كامل والكامل الله يعني كل طراد فيه إيجابيات يمكن أكثر من طراد ثاني ولكن بتكون فيه بعد سلبيات وفالأخير كل الطراريد فيها إيجابيات وسلبيات والواحد يسأل ويبحث ويشوف الأحسن أو الملائم له


تحياتي لك بو مريم

[ابو مريم]

السلام عليكم ورحمة الله وبركاته

أخوي الفرق بين 25 و 27 قدم في حدود 50 سم فمن وجهة نظري انك تأخذ 27 قدم و الله يوفقك
فانتظار ردود النواخذة

تحياتي لك

تسلم يا العوال
كلام صحيح

[ابو مريم]

السلام عليكم

رأي شخصــــــي

في الفتره الاخيره تعب شغل مصنع بن ضبوي،، و السبب اختلاف داخلي من الشركاء في المصنع

كنت بفصل عندهم ولكني شفت سوء الجوده في الطراريد الاخيره،، و ادخل ماي

اما الطراريد القديمــــه فهي 100% شغاله صح.

عن نفسي فصلت ال 27 من مصنع العربيــه للقوارب في ام القيوين،، و دام انك رايح صوب راك ،، فدربك ام القيوين وشوف او شوف الملاح.

مصنع العربية شغله عال العال لكن شوي غالي
بس ما يندرا بالطراد في البحر ؟؟
وفي انتظار الاخبار من صوبك ؟
والملاح كان عندي واحد و الله فكني منه وبعته

[لزاز]

والله ياخوي الغالي سعره فيه

انا كنت مثلك متردد و اتشاور و ألف على المصانع ،،،، و ارتاح قلبي لما شفت شغل العربيه.

انا فصلت طرادي 27 قدم ب 35 الف ،،، وايدين قالو لي غالي ولكني مقتنـــــع فيه

و ماستخســـــرت فيــه لأني عارف ان الشغل و التشطيــب ممتـــاز

حتى الخامه في المواد من احسن الخامات و التصنيع يتم بالرزن الصحيح.

القالب هو قالب الياماها رقاي ولكنه معــدل من الضـاعن.

و الحمدلله أبداً مايسوي راش ولكنه فيه دق خفيف فالموي و ماعتقد شي طراد مايدق فالموي.

اهم شي تحط له مكاين مناسبه لحجمه ( 75 - 75 ) او ( 85 - 85 ) انا حاط مكينه وحده 140 ياماها و الحمدلله يمشيني 56 كيلو.

و البتوفيــــــق

[سلمان1]

اخوي الغالي كل الطراريد اللي ذكرتهم ما عليكم كلام وكل طراد له مميزات خاصة فيه ...واذا البحر موج مب لازم ادش بحر واتغربل علشان سمجة ...توكل علي الله اخوي وعليك بالاستخارة ....بارك الله فيك وبالتوفيق

[المهندس عبدالله]

اهم نصيحه لك من عندي .... انا مااعرف نوعية قواربكم
لكن انصحك في القوارب اللي تكون سماكة الفيبر فيها جيده ومتينه
نعم تزيد في الوزن ولكن تأخذ جوده تقاوم عوامل البحر

والله يهدي سرك ويطمئن قلبك وتجد ماتبحث عنه وتسر نفسك به

[عمور جريزخ]

نحنا عندنا طراد 25قدم رنر عليه مكينة 85 يمشي 35 ميل في الساعة انسير فيه المركب على ايام الجنريتر وايام الموج والله ماشاء الله عليه %100

[السيف]

لخوان ما قصرو وياك بن ظبوي القديم الكل يمدحه ما عليه كلام. عندنا رنر 25 عليه مكينه 75 عن نفسي اشوفه ما يحتاي . لكن الشباب اكثريتهم يركبون عليه 115 وحده . و بالاخير لك الاختيار