ليش الخباط ..................

[خالد البستكى]

ليش الخباط ما يأكل احيانا يوم اتشخط ويكون موجود بكثره

وتراه بعينك وما يأكل اى طعم

واحيانا يأكل اى شي يلمع ويتحرك وحجمه مناسب

[joker200]

أفضل طرق صيد الخباط يا تروح أول الصبح الفجر أو بعد الساعه (4)

العصر لأنه في الأوقات هاذي يكون الخباط يدور علا أكل وتلقا صيده

سهل ...

أما أذا كنت في نص النهار بيكون شبعان الخباط ولا بيي علا الييمه وصارت

معاي أخوي ....


والله أعلم

[أسماك الامارات]

ما قصر معاك جوكر 200 في الرد.
وردي نفس رده

بومحمد

[المحيربي]

بس انا بيكون ردي غير وطبعن يبكون الكلام وايد قولي انته ماتا شفت الخبط ون شالله بعطيك نتيجه حلوه ومدسوسه وانا اتريك على الخاص

[المهيري]

http://www.uaefishes.net/up/pic.php?u=109yco7&i=86



يا سلام عليك يا جوكر كفيت ووفيت


http://www.uaefishes.net/up/pic.php?u=109yco7&i=87

[سلمان]

معلومه يديده يالجوكر تشكر عليها
وعطنا الفايده الثانيه يالشيب

[$$الدولار$$]

أنا اايد كلام اخوي الجوكر
الله يعطيك الف عافيه يارب
وتحياتي لك.

[الظلع99]

تسلم يالجوكر علا المعلومه

[الغدير]

المسألة بسيطة و بسطها اخونا جوكر و ابسط من هذا ان عند البطون تطير العقول و يوم الخباط يوعان ياكل اي شي حتى الأسبوع الطاف صدنا حبة خباط عالخيط بالعومة و منزلين حق الشعري بالبلادي!!!
و ساعات منزل احلى كفشة و رابالا و ريش و حاسب السرعو و الموقع و ال و و و بدون فايدة ليش؟ لان السيد خباط شبعان مثل ما قال اخونا الجوكر
و هذا بحر يوم فوق و يوم تحت و ساعات حتى اليماه تتغلا عليك ودك تحصلها ما تلقاها و هني القهر لكن دوم نقول الحمد لله على كل حال
هذا و الله الأعلم
و السموحة

[علي الكبيسي]

اخوي انا بزيد ع الاخوان وعلى حسب خبرتي الغالي يوم بشوف الخباط ياكل

وايد ويعافد لازم اتعرف المياه اذا فبر او تسجي وعلى الاقل يوم بسير

اتشخط لا تخلي شي لا تشله وياك الميرور والكبشه وبوريش الي فيه

مسيم لانه الخباط قام يدلع ها الايام واهم شي الوقت

وانا الصراحه سويت حركه ونفعت وياي وايد

تاخذ حبل رصاص اضعف شي ون\تحط فيه كبشه واحسن الوان للكبشه

الزقاء والحمرا طبعا الرصاص ع الاقل تعطيه حوالي 20 متر وان شاء الله

اكون نفعتك والسموحه منك

[خالد البستكى]

اخوي انا بزيد ع الاخوان وعلى حسب خبرتي الغالي يوم بشوف الخباط ياكل

وايد ويعافد لازم اتعرف المياه اذا فبر او تسجي وعلى الاقل يوم بسير

اتشخط لا تخلي شي لا تشله وياك الميرور والكبشه وبوريش الي فيه

مسيم لانه الخباط قام يدلع ها الايام واهم شي الوقت

وانا الصراحه سويت حركه ونفعت وياي وايد

تاخذ حبل رصاص اضعف شي ون\تحط فيه كبشه واحسن الوان للكبشه

الزقاء والحمرا طبعا الرصاص ع الاقل تعطيه حوالي 20 متر وان شاء الله

اكون نفعتك والسموحه منك


مشكور على المعلومة

[خالد البستكى]

اشكرم على الافادة بهذه ]المعلومات الهامة

[الربان عبيدا]

يحصل كثيرأ إنك تشوف الخباط والكنعد يناقز ولايضرب معاك بسبب الييم اللى يأكله الخباط ,لانه فى هدا الوقت يرعى على طعم معين ويلاحقه ,وإدا عندك طعم مثل اللى يرعى عليه فى ديك اللحظه بتصيده ,وإدا ما عندك لاتضيع وقتك لانه ماراح يضرب معاك ..
تحياتي لك