استفسار

[محارب]

السلام عليكم ورحمة الله وبركاتة

اخواني الاعزاء ممكن تدلوني على (منزال) للطراد من بوظبي او الشهامة ويكون قريب منة المحادق

[بن غانم]

السلام عليكم ورحمة الله وبركاته

أخوي محارب عندك منزال مينا الصدر و في خور الشليلة أماكن كثيرة بإمكانك تنزل منها طرادك..

تحياتي لك

[محارب]

تحياتي اخوي (العوال )

اووووكي ومن ابوظبي وين الاحسن

واشكرك على الرد

[ابوشمسة]

مراحب اخوي محارب
الاماكن كثيرة من خور الشليلة
بس لو الطراد كبير عندك ميناء الصدر
وطول الخور لين ماتوصل البحر حوالي 6ميل
ومن البحر للمحادق يعتمد في محادق حوالي 5 ميل
والافضل حوالي 15 ميل

وبالنسبة لابوظبي عندك منزال نادي الماء والكهرباء سابقا طريق ياس-الميناء
بجانب النادي البريطاني ولين الحين التنزيل مجانا
وعندك الميناء بس تدفع رسوم للتنزيل والتحميل

[قناص البطين]

السلام عليكم ورحمة الله وبركاته ، حياك الله أخوية الغالي ونوخذاية "محارب" ، نور الغالي المنتدى بتواجدكم ، الغالي الاماكن كثيرة مثل ما قالك أخوية الغالي ومشرفنا المميز "بوشمسة" ، بس أنا حبيت أضيف لك من بوظبي عندك منزال البطين إلى عند الخارجية ، وعندك منزال بين الجسرين بعد زين بس مش مثل الصدر والميناء والبطين ، وعندك الغربية ، تبدأ من الضبعية ، وإنته رايح ، بس بلانسبة للمحادق ، من بوظبي فيه محادق بس مش مثل الصدر أو الطويلة ، أما الغربية حدث ولا حرج ، بالتوافيج الغالي ، والسوالم .

[محارب]

عاجز عن الشكر اخواني (وجزاكم الله الخير)