المساعد الشخصي الرقمي

مشاهدة النسخة كاملة : اكتب هنا مستوى الغوص لديك..!!

سلمان
29-06-2008, 03:40 AM
السلام عليكم ورحمه الله وبركاته:.

الموضوع خاص للغواصين
اكتب لي متى خذت الليسن
واي مستوى انت
وماهو المستوي اللي تطمح له؟
joker200
29-06-2008, 10:01 AM
هاذا الموضووع طرحت أكثر من مره على المدير العام لاكن الحمدالله

أنك نزلته وأرجو تثبيته والشباب يكون عندهم شوي جديه في الموضوع

علشان نقدر أنسق لرحلات الغطس وشكرااا


أنا أخذت غواص مبتدى في سنة ( 2001 )

وغواص متقدم في سنة ( 2001 )

وأسعاف وأنقاذ في سنة (2001 )

وأنشالله أفكر في مسؤول غواصين

وبعدها مدرب غطس ودرب شباب المنتدى كلهم مجاناااااااا


وتحياتى.........
سلمان
29-06-2008, 02:17 PM
ماشاء الله عنا واحد من المحاربين القدامه في الغوص
الله يعطيك العافيه
وشكرا على هذه المشاركه!!
سلمان
29-06-2008, 02:19 PM
ان شاء الله تكتب هكذا لانها تعني المشيئه والاراده
اما انشاء الله فهنا يختلف المعنى فتعني البناء فمثلا (انشاء بنايه )
فقط للتوضيح
بو سالم المهيري
29-06-2008, 04:57 PM
انا غذت المبتدئ في 2006

و المتقدم في 2006


كنت افكر في اسعفات الاوليه بس مشغول و مب محصل فرصه



:r0o0t (72)::r0o0t (72)::r0o0t (72)::r0o0t (72):

بس غايص في كمن دوله (استراليا و ماليزيا)


وانشالله عن قريب في مالديف

ادعولي
سلمان
29-06-2008, 07:19 PM
ماشاء الله وتبارك الله الله يحفظكم..
وهل من مزيد..!!
الاخ (بوسالم)
ان شاء الله تكتب هكذا لانها تعني المشيئه والاراده
اما انشاء الله فهنا يختلف المعنى فتعني البناء فمثلا (انشاء بنايه )
فقط للتوضيح
أسماك الامارات
29-06-2008, 11:03 PM
أحم احم كلهم قالوا إلا انت يااخوي سلمان.

أنت قول أي مستوى عندك؟؟



انا عن نفسي وقولو ما شاء الله

مدرب غطس
مشرف غطس.

اطمح إني أكون مدرب مدربين الغطس

بومحمد.
سلمان
30-06-2008, 12:51 AM
ان شاء الله تكون مدرب مدربين واللي وصلوا مب احسن عنك!
يعجبني الغواص الطموح
والله يسر لك
انا غواص متقدم منذ2007
يعني جديد!
وكانا بنقدم على الماستر ولكن الوزن زايد انسوي رجيم قاسي وان شاء الله خلال شهور بنقدم عليه
المحيربي
30-06-2008, 06:43 PM
شيء جيد وناخذ الخبره من المعاصرين في الغوص
وتسلم على الطرح الراااااااااااااااااااأع والمفيد والله يستاهل التذبيت وتسلم
حشيم بوظبي
01-07-2008, 12:37 AM
مشالله عليكم انا اللي ضايع في الطوشه حياري وبس

لاكن مايهمكم لين 25 متر ودقيقتين ونص على حسب المزاج ياويلكم يالغواصين بضرب الهامور قبلكم وبطلع
سلمان
01-07-2008, 12:51 AM
ماشاء الله عليكم
بس لازم نجرب..:)
الخطاف
01-07-2008, 09:17 PM
والله كنت أبي أدخل الموضوع وأنا أفضل شوي

:r0o0t (45): لكن يا حسرة:r0o0t (45):

:r0o0t (45): الشيب سبقنه وراحت أيامنه :r0o0t (45):



:r0o0t (45):مستواي 0:r0o0t (45):0000000000000000000000

صفر
:r0o0t (22):
:r0o0t (22): :r0o0t (22): :r0o0t (22): :r0o0t (22):
:r0o0t (42):و يمكن شوي أقل:r0o0t (42):

للأسف

:r0o0t (22):أرجو عدم التعليق:r0o0t (22):
بو سالم المهيري
02-07-2008, 10:30 AM
ماشاء الله وتبارك الله الله يحفظكم..
وهل من مزيد..!!
الاخ (بوسالم)
ان شاء الله تكتب هكذا لانها تعني المشيئه والاراده
اما انشاء الله فهنا يختلف المعنى فتعني البناء فمثلا (انشاء بنايه )
فقط للتوضيح



مشالله عليك استاذ العربي


اسولف

واشكرك على التصحيح :r0o0t (54)::r0o0t (54)::r0o0t (54):
المهيري
04-07-2008, 02:44 PM
http://www.uaefishes.net/up/pic.php?u=109yco7&i=86 (http://www.uaefishes.net/up/pic.php?u=109yco7&i=86)



وانا شرات اخوي الصياد الصغير ولا تعلقون


http://www.uaefishes.net/up/pic.php?u=109yco7&i=87 (http://www.uaefishes.net/up/pic.php?u=109yco7&i=87)
SILENT SHARK HUNTER
07-07-2008, 05:15 PM
السلام عليكم ورحمة الله وبركاته

تسلم طال عمرك على الموضع الجميل

والله يخوي ما اذكر اي سنه بس حالين ماستر اسكوبا ترينر وحسب الترجمه مدرب كبير الغواصين وان شاء الله احتمال كبير قبل نهاية السنه بحصل على مدرب مدربين (كورس دايركتر ) دعواتكم

بارك الله فيك
بوحمدان
07-07-2008, 11:02 PM
انا الصراحه عن نفسى اتعلمت الغوص سنه 2008 وعلى يد الخبير والدكتور بومحمد وما قصرا طبعا جوكر 200 ادربت فى البدايه فى المسبح عنده وبعدين فى البحر والحين اقدم على اليسن اوبن وتر دايفر وان شاء الله قريب بخلص وبعد ما نخلص بنفكر فى باقى الياسن
والسموحه
uaediver
08-07-2008, 04:42 PM
يا سلام موضوع ممتاز الصراحه وعيبني وايد عشان نقدر نستفيد من خبرات غيرنا


انا كنت اغوص من ال98 بس بدون ليسن

خذت اوبن وتر 2002

خذت ادفانس وريسكيو قبل سنه

وان شاء الله هالسنه ناوي على الدايف ماستر



همسه: بس الغوص ما يعتمد على الليسن الي عندك يعتمد على عدد الغوصات الي انت تغوصها

بقولكم سالفه بتضحكون علي فيها وانا روحي ضعكت على عمري

العام كنا رايحين خصب مع الشباب وكان معانا شباب من فريق مجرينو

فكنت نازل غوصة ليل مع واحد منهم سالني قالي كم غوصه غايص قلت له انا تقريبا ف ال 300 هذا الي اذكره

ضحك علي قالي تعرف انا كم

قلت له كم

قالي انا ماشي ف ال 4000

ف الخبره اتي من كثر الغوص تتعلم اشياء يديده لنك تمر ف مواقف اكثر
سلمان
10-07-2008, 04:51 PM
ماشاء الله عليكم
للامام دائماً
Shadyzee
11-07-2008, 03:49 PM
السلام عليكم ورحمة الله وبركاته .

بما انها المشاركه الأولى لي بهذا المنتدى والتي اتمنى ان لا تكون الأخيره أحببت ان اعرفكم على نفسي .

أخوكم شادي الزعيم .

شهادة غطس مبتدئ عام 2003

شهادة غطس متقدم عام 2007

شهادات التخصص التاليه :-

تخصص اعماق - تخصص تصوير تحت الماء - تخصص غطس بقايا سفن - تخصص ليلي - تخصص بحث واخراج . وجميعهم سنة 2008
SaD
12-07-2008, 10:48 PM
السلام عليكم و الرحمه ..

بو سلمان اشحالك عساك مرتاح ...

هاي اول مشاركه لي في هذا المنتدا الواعد ..

وان شالله انكون على حسن ظنكم ...

كما اتعرف يا بو سلمان انا ماخذ Open water مع فوق النخل و

اخوك سنة 2006

و ال Advanced open water سنة 2007

و غصت في تايلند مرتين في بوكت و كوسوموي .. و قطر و

عمان .. و انشالله شي نيه انروووح لكويت انغوص اهناك

و يا بو سلمان جهز عمرك حق غوصت خور نجد اخير الشهر حاول

اتخفف وزنك اشوي عسب نقدر انشيلك في الطراد خبر الدكتور

مالك انك لازم اتخف لين اخير الشهر 20 كيلو على الاقل ...

وشكلي طولت عليكم ...
الذيب سرحان
12-07-2008, 10:52 PM
مرحبا بالنواخذه الصراحه كل انسان وله طموح انه يستمر بالتعلم في هذي الدنيا والبحر اكبر ما في هذي الدنيا والغوص جزء بسيط منه واما انا
عندي ليسن مبتدى منذ سنة 1993
اغوص مرتين في الشهر تقريبا كل اسبوعيين
24 مره في السنه
384 الين هذي السنه
كنت ناوي اخذ جميع اللياسن بس كل اسبوع اكون مرتبط بغوصه

ان شاء الله اتري الجوكر 2000 ياستوي مدرب وما بيقصر معاي باخذ من عنده ليسن وبخلي التقيم عنده.
joker200
12-07-2008, 11:41 PM
تسلم عزيزي الذيب سرحان


عندك خبره ماشالله عليك في صيد الهوامير

صراحه تتعدانى....
SILENT SHARK HUNTER
13-07-2008, 04:09 PM
مرحبا بالنواخذه الصراحه كل انسان وله طموح انه يستمر بالتعلم في هذي الدنيا والبحر اكبر ما في هذي الدنيا والغوص جزء بسيط منه واما انا
عندي ليسن مبتدى منذ سنة 1993
اغوص مرتين في الشهر تقريبا كل اسبوعيين
24 مره في السنه
384 الين هذي السنه
كنت ناوي اخذ جميع اللياسن بس كل اسبوع اكون مرتبط بغوصه

ان شاء الله اتري الجوكر 2000 ياستوي مدرب وما بيقصر معاي باخذ من عنده ليسن وبخلي التقيم عنده.

جهز حالك اخوي ابو سعيد

بارك الله فيك
joker200
13-07-2008, 05:04 PM
هاااااا لاتنسوني أنت والذيب سرحان
الغدير
20-07-2008, 03:46 PM
خذت أول ليسن سنة 1998 و الحين مساعد مدرب
و إن شاء الله لين المدرب و و و. إذا الله حيانا
بيبي فيس
20-07-2008, 04:36 PM
انا بصــــــــــــراحة توني مبتدئ بالنسبه لكم والله يعطي العافيــة

اخوي جـــــــــ 200 ــــــوكر ما شاء الله عليـــه علمنا . وبصراحة فكرة الغوص من زمان كانت فبالي بس ما كنت متفيج ولكن مع اخوي الحمدلله تحققت امنيتي والحمدلله , بس في مشكلة بسيطه عندي هذي عقدة حياتي الي هـــــــــو ( ولــــــــد الولــــــــــد ) متى تنتهي هالعقدة ما أدري بس ألحين ان شاء الله بنفك العقدة ويا اخوي جــــ 200 ـــــــــوكر




تحياتي لكم من فريق الضبعيــة : بيبــــــــــي فيـــــــــ S ــــــــس
الغدير
23-07-2008, 11:02 AM
بس في مشكلة بسيطه عندي هذي عقدة حياتي الي هـــــــــو ( ولــــــــد الولــــــــــد )
أول شئ أشكرك على جرأتك
بيبي فيس , تقصد حد من الربع فالمنتدى ولا سمك القرش ( اليريور) و تقصد اليرايير كلها و بس ولد الولد؟!! و هذا النوع مب مفترس و مع كثرته و إحنا غايصين في موقع كنا صايدين حوالي 50 حبة نفس الوقت و لما نزلنا أول شئ توكلنا على الله.و ما شفنا ولا حبة لأنهم يخافون من الجسم الغريب المتحرك إلا إذا الواحد ما يتحرك و مب لابس لبس الغوص أو قاعد يأكل الأسماك أو مجروح و ينزف. و دوم كونوا مجموعة من الغواصين 4 + و كونوا قريبين جدا ( متلاصقين) من بعض. حتى اليريور الكبير ما يهاجمك. و جربنا فالفجيرة و دبي و قريب بو موسى. الحمد لله ما صار شئ. لأني أحاول أعرف النوع المتواجد فالبقعة و أحاول أقرا عنه و عن سلوكه او اسأل اهل المنطقة و خبرتهم. و من عرف لغة قوم أمن شرهم. و بالنسبة للخوف, فأي واحد يقول أنا ما أخاف فهذا أول الخائفين!!! الخوف طبيعي و موجود في كل واحد و أنا بعد كنت خايف بس المهم إنك تتعود كيف تتحكم فالخوف و أسوأ شئ إذا خوفك إنتقل إلى آخرين فالمجموعة :( و إذا كان الخوف مسيطر عليك فلا تغوص و إخلق أي عذر و إنته و فنك و لا تجازف. و لحظة الخوف ممكن تكون أجزاء من الثواني و بعدها تكون إما هادي أو مرتبك
سلمان
23-07-2008, 12:10 PM
ماشاء الله يالغدير ان شاء الله نشوفك مدرب مدربين يارب
هل غصت في بوموسي؟
طيب الساسي
23-07-2008, 12:59 PM
انا 25 متر ؟؟؟؟؟؟؟؟؟؟؟؟؟؟؟؟ شو رايك يا جوكر هههههههههه
طوفان
21-10-2008, 03:15 PM
سلام عليكم اخواني
انا خذت ال Open Water Diver وال Advanced Open Water في 2005

و الاسعافات الاولويه في 2006
فوق النخل
23-10-2008, 03:19 PM
يعطيك العافية اخوي سلمان على هالموضوع الرائع

وما قصرو الشباب مشكورين على تجاوبهم ..


انا صياد منذ الصغر ..

بس الغطس

أوبن ووتر في 2006
ادفانس 2006
دييب دايفر 2006
نايت دايفر 2006
اسعافات اولية و انقاذ 2008

ونحضر للدايف ماستر
ونطمح للـ كورس دايركتور ان شاء الله


ومثل ما قال بعض الشباب ..
كل ما زادت عدد غوصاتك .. كل ما زادت خبرتك
يريور بوظبي
23-10-2008, 06:21 PM
ماشااءالله عليكم بس انا ماتوقعت انكم جيه انا قلت انكم تقووووصوون وااايد بس ظهرتو كلكم مبتدئيين الله يوفقكم اناا شاءاللله


الي يبى يساافر تاايلند ويااايه انا كم مره سرت هناك عندهم مول والله نسيت اسمه المهم حوووض كبير كل اسماااك العاااالم فيه والله انه الهااامووور عندهم قد الكلوووزر كبير ماشاءالله وتغوووص عنهم وتغوووص ويه اليرااير المهم لو حد بيسير يخبرني


تحيااتي إليكم اخوك الصغير يريور بوظبي
bosaif
25-10-2008, 04:32 AM
انا عضو هيئة تطوير مدربين padi سنة 2008

صرت مدرب فى سنة 2006

اطمج ان اكون مدير دورة ان شاء الله
فوق النخل
25-10-2008, 04:12 PM
أخوي يريور بوظبي ..

اسم المول .. سيام باراجون .. Syam Paragoon

و الغوص مع اسماك القرش اللي فيه بحد ذاتها متعه ..
( بس كلها نيرس شارك ) يعني اليفة لأبعد الحدود