حصري لمنتدى اسماك الامارات

[حشيم بوظبي]

هذا خبر اليوم وصلني طازج من الفرن يعني من المصدر ماطول عليكم الخبر هو اكبر مسابقه للغوص عن الؤلؤ هذي المسابقه بتكون في جزيرة دلما بعد رمضان من تنظيم مجلس تنمية المنطقه الغربيه وتم رصد جوائز كبيره للفرق الفائزه جوائز ماكنا نحلم فيها خلكم جاهزين وانشالله نقدر نجمع فريق نسميه فريق اسماك الامارات


لاتقولون ماحد قالنا عندكم الخبر قبل كل الناس يعني من سبق لبق

كل هذا لعيونكم


ولاتخافون بيعطونكم اوراق رسميه حق الاجازات من الدوام مثل سباق المحامل


والاقامه مجانيه في الفندق يعني كل شي مرتب

اسمحولي على الاطاله والله يفقكم ...........

[أسماك الامارات]

تسلم ع الخبر يااخوي حشيم وجزاك الله خير

لو تقدر تخبرنا الشروط المسابقة؟
هل الغوص حياري او سكوبا ؟
كم واحد يكون في الفريق؟
طريقة التسجيل للمسابقة ؟

كل الأمور إلي تقدر توفرها لنا من المعلومات تخص المسابقة.
وبشارة طيبة.

والفريق نقدر نسميه عقب ما نتاكد من كل شيء وبعد ما نتاكد من الأخوان إلي بشاركون في المسابقة.

مشكور أخوي الحشيم.

بومحمد.

[$$الدولار$$]

مجهووووود الصراحه
تشكر عليه
الغالي
واخبار رااائعه
ومسابقه جميله الصراحه
شد العزم وبالتوفيج للجميع
تحياتي لك.

[حشيم بوظبي]

شباب هذا الموضوع البارحه فلليل عندي في الميلس وانشالله بخلي التسجيل في منتدى اسماك الامارات وانشالله بوافيكم باي تطورات يديده
بس صبركم عليه شوي

[بوحمدان]

تسلم اخوى الحشيم

[الخطاف]

مشكوووووووووور هلى الخبر يا حشيم بوظبي

[المحيربي]

ننتريا الخبر الأكيد والمعلومات بضبط وبتفصيل

[بو سالم المهيري]

تسلم على الخبر

[ملك الحب]

تسلم اخوي على الخبر الحصري

ونتريا التفاصيل

[الظهوري 999]

تسلم ع الخبر يا الغاوي

[المهيري]

http://www.uaefishes.net/up/pic.php?u=109yco7&i=86 (http://www.uaefishes.net/up/pic.php?u=109yco7&i=86)



تسلم أخوي حشيم بس أهم شي يسوون المسابقة مب بس رمسه


http://www.uaefishes.net/up/pic.php?u=109yco7&i=87 (http://www.uaefishes.net/up/pic.php?u=109yco7&i=87)

[صياد الإمارات]

تسلم على الخبر الحلو وننطر تفاصيل المسابقه

[SILENT SHARK HUNTER]

السلام عليكم ورحمة الله وبركاته

تسلم اخوي الغالي ونتريا الخبر الاكيد والشروط طال عمرك

بارك الله فيك

[uaediver]

تسلم الغالي على هالخبر


بس اعتقد انه هذي المسابقه بتكون بدون معدات