المساعد الشخصي الرقمي

مشاهدة النسخة كاملة : مطلوب محرك صغير

imyours
17-10-2010, 10:01 PM
لموضوع يا اخواني هو ان عند واحد من الربع طراد طول 24 قدم بدون ماكينة فشو تنصحون باي نوع ماكينة لازم انركب عليها . وكم لازم اتكون قوتها ولو حد عنده مطلوبنا ولا يعرف حد الرجاء يدلينا والشكر موصول للجميع *
أسماك الامارات
18-10-2010, 06:46 AM
هلا اخوي imyours

اولا يعتمد على نوع الجرف يعني جرف من الثقيل او الخيف.
وبعدين تبى تركب مكينة او مكينتين
إذا عندك من نوع الشارجة مارين او براكودا او الإمارات للقوارب فا ركب من 115 حصان إلى 150 حصان
وإن شاء الله بفيدونك الشباب بعد
بومحمد
imyours
18-10-2010, 12:22 PM
بو محمد تسلم الغالي عالرد ولكني مثل ما قلت لك غشيم بالامور هاذي وربيعي بعد والطراد حد اهداه لا هو يعرف له ولا انا وحسب علمي الطراد صنع محلي ونحن من هواة الحداق ياليت اتخبرني وين اسير ادور على ماكينته وبحدود كم بحصلها وشو بيلزمني لتسجسلها بشكل قانوني وشكرا اخوي مرة اخرى.
الغدير
18-10-2010, 12:50 PM
خوي بالنسبة للتسجيل
لازم تكون عندك أوراق الطراد (إذا الطراد جديد فيلزم فاتورة شراء مع تصديق من غرفة التجارة التابعة للإمارة نفسها, لو طراد مستعمل لازم عقد بيع و شراء بين البائع و المشتري مصدق من كاتب العدل)
و أيضا أوراق ثبوتية للمشتري للتسجيل لدى وزارة المواصلات و حرس الحدود

أما بالنسبة للطراد
إذا ممكن تنزل صورة الطراد مع المواصفات (الطول و العرض) فإنشاء الله نقدر نساعدك أكثر و لكن أتوقع راي بومحمد مناسب عليك بمكينة 115 و لو شفت المكينة غالية أو كبيرة على طرادك فعليك بمكينة 75 حصان و لكن السرعة الطراد يمكن تكون أقل من مكينة 115حصان. ولا تركب أقل من 75 إلا إذا مكينتين

ولو توضح في إمارة تسكن أو تتواجد يمكن الإخوان يدلونك على أماكن قريبة لبيع المكاين و مستلزمات الطراد
ممكن أساعدك فأماكن تواجد مكاين مستعملة فإمارة دبي و الشارقة


أتمنى لك التوفيق

تحياتي لك و نتريا صورة الطراد
imyours
18-10-2010, 10:05 PM
شكرا اخوي الغدير على معلوماتك الطيبه وان شاء الله بحاول اصور الطراد باسرع وقت وللعلم انا من دبي والطراد موجود بالممزر صوب الشارجة اكيد دليت المكان واخوي ابغي مكينة مستعملة تمشي الحال واتكون نظيفة وسعر معقول وبالنسبة للتسجيل وين اسجلها شو احسن مكان بدون تعقيدات وايدة ادري غثيتك السموحة منك اخوي وشكرا على توجيهك والله يوفقك
الغدير
21-10-2010, 03:02 PM
شكرا اخوي الغدير على معلوماتك الطيبه وان شاء الله بحاول اصور الطراد باسرع وقت وللعلم انا من دبي والطراد موجود بالممزر صوب الشارجة اكيد دليت المكان واخوي ابغي مكينة مستعملة تمشي الحال واتكون نظيفة وسعر معقول وبالنسبة للتسجيل وين اسجلها شو احسن مكان بدون تعقيدات وايدة ادري غثيتك السموحة منك اخوي وشكرا على توجيهك والله يوفقك

خوي العزيز أول شي دور المكينة المناسبة و جرب الطراد
بالنسبة للتسجيل دام إنك من دبي فالأفضل تسجل فدبي و الموضوع بسيط إذا أوراق الطراد و المكينة كاملات
و الشباب فحرس الحدود و وزارة المواصلات ما راح يقصرون معاك إن شاء الله

ممكن تطرش لي صورة الطراد على الرقم
0506518589
تحياتي
imyours
23-10-2010, 11:37 PM
يالغالي لقيت مكينة ۸٥ ولا ۸۰ مب فاكر على۸۰۰۰ درهم ومكينة ۷٥ على ۷۲۰۰ درهم والمكاين نوع ياماها وارد اليابان موديل ۲۰۰۰ بس ما اعرف كم ماشيات فشو نصيحتك .لان وايدين قالو لي مكينة وحدة تكفي وانا موب راعي بحر يعني هواية . وشكرا على اهتمامك

اخوك راشد
الغدير
24-10-2010, 08:49 AM
أتوقع مكينة وحدة 75 إلى 85 تكفي. ممكن تسأل صاحب المحل لو يبيع لك المكينة مع ضمان أو بدون ضمان
و بالنسبة للسعر يعتمد على نظافة المكينة و هالنوع من المكاين أسعارهن بين 5000 إلى 7000 درهم و ممكن أكثر لو كانت المكينة بحالة ممتازة و إستعمال بسيط