طريقة ( المهيري وملكة الناجل ) ناجحه

[farisalali]

السلام عليكم ورحمة الله وبركاته

اخواني الاعزاء

انا جربت طريقة التدمينة المعروضه في المنتدى من الأخوان

( بو سالم المهيري **** ملكة الناجل )

يوم الجمعة من الساعة 6:30 صباحا ولغاية الساعة 10 صباحا

وضرب معاي 22 شعري و 4 هوامير من الحجم الصغير والوسط


بس ما كان معاي كاميرا عشان اصور ... المرة الجاية بشيل معاي كاميرا وبصور ان شاء الله

بس في شي يا اخواني وخاصة في بحر ( ابوظبي ) ما تلاحظووووون إن التشخيط ما قام ينفع خاصة في هذا الوقت

اعتقد بسبب حرارة الجو .... الشته عندنا تأخر وايد هذه السنه ..... الله يسهل علينا.


وعساكم على القوة

[بو سالم المهيري]

مشالله عليك اخوي
الحمدالله ألطريقه ناجحه و بالتوفيق المدات اليايه
اتوقع بسبت الحر ياخوي
الصيد تعبان

[يتيم الحب]

اووب اووب


عيل خلاص


راح اردع لي خيوط من هالنوع فالرحله الجايه ان شاء الله


وراح اجربها فالساحل الشرقي ان شاء الله خير ^^

[شجاع]

يعطيك العافية اخوي

اتفق معاك بخصوص التشخيط وانا حقيقة من محبي التشخيط اكثر من الحداق العادي

والله ان الخباط تارس البحر وندوس عليه بالطراد بعد

جربت الريش مع بلد والريش مع بورد وكذلك السمك الصناعي رامي 4 سنارات باسماك صناعية المحببة للخباط

سواء الرد هيد ..واليازوري الازرق ..والسلفر مع اسود وكذلك الذهبي باطوال مختلفة ...بل غامرت وعقيت بعض الاحيان بدون سيم وبعد ما يبا يضرب...وقفنا المكاين وعقيتله لفاح + محاياه بعد ما يبا يضرب سواء في السقي ولا الثبر

حصيلة الصيد طلعتين هالجمعة الي طافت والي قبلها 7 خباط حجم متوسط فقط + 3 هامور

شي غريب....

[د.ملكة الناجل]

farisalali

ماشاء الله تبارك الله .. شكراً لهذي الأخبار الحلوة يا اخوي
ونحنا كمان جربناها قبل أمس وضرب معانا تقريباً 5 شعري ويريور كمان
وبعد كدة أتقطع علينا بسبب إنو الخيوط أتشربكت في صخور
حاولت في الطراد ربط التدمينة مرة أخرى ، ولكن مع الهواء ولفات الطراد يمين
ويسار أتحولت عيوني وما قدرت أزبط الترديعة هههههه
وحولت على الحداق العادي بالريش وبرضة صدنا شعري ماشاء الله

الشكر لله أولاً ثم لبوسالم المهيري اللي عرض طريقة ربط التدمينة في المنتدى
وكذلك لأخونا الغدير اللي أعطانا تعليمات إضافية اخرى حسنت من فعالية الترديعة

ومع التجارب المتوالية تبنى لدينا خبرة إن شاء الله مع الأيام

تحياتي

[ابوشمسة]

يعطيك العافيه اخوي فارس
ومشكورعالطرح والله يوفقك
فيالطلعات اليايه

[عبدالله آل علي]

يعطيك العافيه و ان شاء الله راح اجرب الطريقة الي سويتوها
و بخصوص التشخيط
بالفعل طلعت الارعاء الصبح لين الظهر اشخط و احدق ماشي فايده ضربت معاي خباطة وحدة و انا يالس اطوي الخيط بعد ما وقفنا
و بخصوص الصيد ياريت لو ادل مكان ادليني عليه لان اطلع ما احصل شي بالمره ماخليت بقعه مارحت لها بس ماشي صيد

[أسماك الامارات]

ما شاء الله تبارك الله
الله يعطيك العافية
ولها السبب تم فتح منتدى أسماك الإمارات حتى الجميع يشارك بخبرته ونستفيد من بعضنا البعض
واشكر أخوي بوسالم واختي ملكة الناجل ع المواضيع المفيدة

ولكن اخوي فارس في المرات القادمة لا تنسى الكاميرة ...نبى صور حلوة من تطلع لغاية ما ترجع حتى لو صدت سمجة وحدة
الله يرزقك يا اخوي فارس ويرزقكم يااخواني واخواتي ويرزقنا من خيرات البحر

بومحمد