خباط خور الخان

[hamadee87]

مرحبا اخوان

ودي اسال وين احسن اماكن لصيد الخباط من خور الخان ؟
وسلامتكم

[أسماك الامارات]

إن شاء الله اخوانا النواخذة من اشارقة بدلونك
بومحمد

[بو سالم المهيري]

هلا اخوي
عند مدخل المينا و عند البويات

[hamadee87]

شكرا على مرورك بومحمد والشباب مايقصرون

[الغدير]

مثل مل تفضل الأخ بو سالم
و ممكن تجرب المجرى من مدخل المينا إلى إلى نخلة ديرة على مسافة 2 إلى 3 ميل من السيف و لا تنسى تراقب مكان تواجد الطيور
أتمنى لك التوفيق إن شاء الله

[hamadee87]

السلام عليكم
مشكورين على الردود يالاخوة ولكن طلعنا اليوم من الساعة 4 لين الساعة 7 المسة ورحنا المينا والبويات ولكن للاسف ما جانا شي لا بالريش ولا باليوزوري.

ومثل ما يقولون مرة تصيب ومرة تخحيب بس بعد قهر......................:boat:

وسلامتكم

[سلمان1]

الغالي حياك الله شوف اذا بتطلع من خور الخور حاول تروح صوب المركب الابيض الجماعة كلهم هناك ويييبون ماشاء الله بالسبعين والثمانين حبة وحاول تطلع الفجر يعني صلي الفجر وتوكل علي ولين ما توصل الخباط يترياك وبتشوف الجماعة رايحين صوب المركب

وهذه الاحداثيات 640 27 25
469 09 055
انت شوف اذا الموقع بعيد عليك حاول تقرب من المكان ةبتشوف امة لا اله الا الله هناك يضاربون زيد علي عبيد والمكان هذا فيه سمجة حداق وكله سمان صغار ويضرب شعري كبار بس مايات ربي يوفقك يا الغالي ولا تنسي اخوك
بالتوفيق يا الغالي
اخوك /بوعزوز

[hamadee87]

مشكور بوعزوز والله انك ذيب .... احنا تونا مبتدئين وشوي شوي نتعلم منكم وانت ما تقصر. انشالله بنروح هناك المرة الياية. ولكن اذا استعملت ريش هل اركب وياه بورد هناك و كم باع اعطيه مب البو للريش و البورد للطراد ؟

وتسلم

[سلمان1]

الغالي لا تركب ريش عليك بالعومة الصناعية الصغيرة حاول تروح محل الخيوط وقول له شوي العومة اللي تمشي حق الحباط لانه هو يعرف العومة اللي تمشي من الشباب وهو بيرتب خيط وخذ بورد رقم 6 وبين البورد والعومة 5 او 6 باع وخيط الرداع اللي تحت 80 والخيط اللي فوق 90 او 100 علشان يوم تسحب تكةت ايدك مرتاحة ...بالتوفيق يا سبع البحر

[shglshgl]

أخوي دخلت نفس الاحداثية في الجهاز وسرت أمس العصر يس ما حصلت خباط ولا المركب الابيض ولكن نزلت خيط حداق فعلا في سمجة قوع نيسر , بواليل سمان , يماه , وشعري بعد ما تغيب الشمس .

[نائب النوخذه]

السلام عليكم وحمة الله وبركاته

اخوي shglsgl كلام اخوي سلمان 1 صحيح بس مركب الابيض مش موجود اتحرك من فتره طويله تقريبا 4_5 شهور

وبالتوفيق