ابا اشتري بدلة غوص..شورايكم

[مخاوي شمه]

السلام عليكم ..

اخواني انا في دورة ليسن غواصه..وناوي اشتري عدة كاملة لي..شورايكم ..

الكاتبن مدح لي Scubapro
لكن ما اعرف اصلا شو اشتري يعني ما اعرف الواحد شو يحتاج..

لو حد يدلينا مكان في بوظبي ولا دبي..اكون له شاكر..
ويقولي اشتر مثلا زعانف ونظارة وجي..والجاكيت ..شواحسن

يعني حد يحط لنا حتى لو في موضوع يديد ..شرح عن الفروقات واحتياجات الغواص ..

[sniper112]

السلام عليكم والرحمة
هلا بك اخوي وتستاهل كل خير ان شاء الله
بخصوص معدات الغوص فعلا سكوبا برو من افضل معدات الغوص فالعالم
والاجانب يوم يطلعون رحلة غوص واللي معداته سكوبا برو يحترمونه جدا جدا علشان معداته هههههههههههه
عالعموم اخوي فيه وايد اماكن تبيع سكوبا برو
ويحظرني محل الغواص في الشارجة بجوار فندق ريديسون ساس تخلي الفندق ورا ظهرك وبتلقى المحل بعد الدوار بـ 100 متر عاليمين
وبتلقى جميع معدات سكوبا برو عنده وبالتوفيق الغالي

[مخاوي شمه]

بحاول امر عليه خلال كم يوم نشوف شو عنده ..بس على الوصف اخلي الفندق وراي من الدوار وارد جني ابا الشارجة داخل..؟.؟

صح؟

[بو سالم المهيري]

هلا اخوي
انا انصحك بسكوبا برو لاني جربتها و ما اشتكي منها
الوكيل موجود في شارع الخيل ورا مول الامارات
شوف عندهم بي سي دي نوعيه تي فورس و تي بلاك ها من احسن البي سي دي
و السموحه

[مخاوي شمه]

هلا اخواني..الصراحة ما حصلت فرصة امر..لكن بمر باجر او عقب باجر..

يوم جيكت في النت ..حصلت وايد انواع من الجاكيتات ..ووايد انواع من الراقليتر

يعني عرفت انه الاشياء المحتاجنها هي..

نظارة (موجوده)
قفاز(سهل)
زعانف(موجوده)
جاكيت(بيسيدي) ..والله يا جماعة يوم شفت في النت ..وايد انواع واشكال..اخوي المهيري ما قصر..(
وراقليتر( في بعد وايد انواع ..شو الفروقات )

ياريت لو واحد ينصحني على شو اختار..من الجاكيتات (بالاضافة لراي الاخ المهيري)..وياريت حد يعطينا نبذه عن الفروقات ..في الراقليتر والجاكيت..

[sniper112]

السلام عليكم
اخوي فرق بين السماء والارض في اختلافية معدات الغوص
واكبر غلطة يقع فيها الشخص اللي اول مرة يشتري معدات انه يشتري معدات بدون ان يروح معه احد مختص
بعد فترة راح يعرف شو كان مسوي هو وانه اختار الشي الغلط واللي مش مناسب له بتلقاه يقول اريد معدات ثانية
طبعا بعد مافهم السالفه ونحن الحين هني نبغي نفهم هالشخص السالفه
انصحك تصطحب معاك احد الاخوة اللي لهم درايه بمعدات الغوص وكيفية صيانتها وشو احسن ماركة فيها
ونصيحة لاتشتري المنظم معى مراحلة اللي في القيجات ماله تدخل فيه الالكترونيات خذ لك عادي يعني قيجات عادية مش الكترونية
وكل التوفيق لك الغالي وعلى فكرة الفرق كبير يعني اذا بشرح لك راح يطول الرد ويبغاله موضوع مستقل حتى تبين الحقيقه وبالتوفيق الغالي

[مخاوي شمه]

هلا اخوي سنايبر..

مشكوووووووور على النصيحة ..شكلي باخذ واحد من الربع عنده ليسن ادفانس ..خله يعلمني شو اخذ ..

[بو سالم المهيري]

أنا انصحك تأخذ رقوليتر mk25. S600
ها من انواع الممتازه
ماركتها سكروبا برو

[مخاوي شمه]

مشكوووووووووور بو سالم ..ما قصرت الغالي..
بسير بشوف ها السامان على كم ..وبطالع ..
سويت سيرج على النت عن البي سي دي..شي اكس فورس ما حصلت تي فورس

من طيب اصلك الغالي..

[بو سالم المهيري]

شوف تي فورس اوتي بلاك

[مخاوي شمه]

اخوي الغالي..سرت شفت وجي..

يا في بالي اكلم المدرب يشوف لي..ما انه خبرة وجي..
يختار لي كل شي احسن..

[عبدالله آل علي]

هلا اخويالسكوبا برو ممتازة انا ادربت عليها و المدرب قال لي احسن شي السكوبا برو و يوم بتاخذ خذ عن طريق المدرب ترا يعطونهم خصم 35% على المعدات اليوم كنت عند دلما مارين فأبوظبي و كانت عنده سكوبا برو و حسبتها مع الخصم تطلع حدود 3500 درهم مع خصم المدرب