سؤال فني – تنزيل الطراد

[مهندس بحري]

لو احاول انزل طراد28 قدم مع مكنتين، شبه هذا الطراد
http://uaesm.maktoob.com/up/uploads/38ed5561ae.jpg

في منزال أم سقيم 1

اقدر انزله بسيارة صغيرة – نيسان تيدا؟
http://www.drivearabia.com/news/wp-*******/uploads/2008/08/tiida-sedan.jpg

السالفة اني منتظر موديلات 2011 عشان اشتري سيارة كبيرة
والطراد بيكون موقف مع العربانة في ميناء ام سقيم، واريد استخدم سيارة التيدا في تنزيل وتطليع الطراد لمدة كم شهر فايش رأيكم شباب؟ تنفع التيدا والا لا؟

معلومة/ عمري ما نزلت طراد في حياتي، أي معلومة أو نصيحة نكون شاكرين

[barracuda]

هههههههههههههههههههههههههه

لا يا اخوي تيدا تتغشمر انت مستحييييييييييل بتنزل الطراد و السيارة انت مرة وحدة الله يهديك
اكيد ما تنفع التيدا لازم سيارة فور ويل لانه هذا طراد و 28 قدم مو اسكتور

[barracuda]

انت خلص من الطراد و جهزه و ان شاء الله امورك بالسليم لا تحاتي يا اخوي ياسر

^_^

[مهندس بحري]

هههههههههههههههه ادري والله فيوز مخي ضاربة، في رأسي ألف شيء وشيء
انا جلست اضحك على الكلام اللي كاتبه فوق، مشكوووووووووووووور اخوي باركود ما تقصر والسموحة

[الغدير]

خوي
العكس صحيح تقدر تنزل التيدا بالطراد حق مشد و لو 28 قدم الطراد يعني ممكن سيارتين فطلعة و حدة - أسولف
و الفكرة الأخرى إنك تقدر تنزل الطراد بالتيدا و لكن ما أعرف شو راح يصير بعد التنزيل

و الفكرة الثالثة دور حد من الربع و سويله دعاية عن البحر و يكون عنده موتر فوريل و لما إيي معاك نزل بسيارته
تيدا عاد حراااااااااااااام عليك

تحياتي لك

[بو سالم المهيري]

لا تغامر ياخوي يمكن تحصل سيارتك في البحر عقب
خذلك سياره فور ويل مستعمله لو جديمه بس قويه تقدر تنزل الطراد فيه
و السموحه

[mortaz]

السلام عليكم ورحمة الله وبركاته

حبيبي مرة واحد بنزل طراد بسكسويل نزل السكسويل مع الطراد في البحر

حبيبي التنزيل يبيلة خبرة
1-الماية لازم اتكون فوق
2- زاوية النزلة اتخلي في الحسبان
3-صطح النزلة
4- السيارة لازم اتكون قوية
5- اهم شي خبرة السائق و مثل ما جلت ولامرة نزلة
و آخر شي اااة يعطية العافية barracuda سوي فيك جميل

[aboooduae321]

طرادك مبركنة في ميناء الصدر صح ؟

[مهندس بحري]

aboooooduae
لا والله طرادي للحين في الورشة ما خلص

المهم، اشتريت باجيرو جديد 2010، 3.8، وركبت فيه الهوك مالت سحب الطراد

من ممكن يشرح لي طريقة تنزيل الطراد الصحيحة؟

[mortaz]

السلام عليكم ورحمة الله وبركاته

اول شي اخذ التيلر و اطلع فية الى مكان خالى مافي انس ولا جن لانك قلت ولا مرة نزلت طراد

و سو لك شي مثل اطبيلة (كراج) و اتدرب اتدخل التيلر ريوس من جميع الاتجاهات الى ما تدقن الريوس

الحين انروح الى التنزيل
التنزيل في كل مكان مو نفس الشي يعني في مكان تنزيلتة حادة و مكان تنزيلتة ممتازة

اهم شي الركود
في النزلة لا تنزل بسرعة لان في امل تنزل انت و الطراد و السيارة لان مرةصار مع سكس ويل
و في الترفيع لااتدوسالسيارة خلة على راحتة اشوي اشوي
و احسن شي اذا كانت الماية فوق
ملاحضة في بعض التنزيلات على الشارعة طحالب لاتنزل اذا كانت الماية رايحة
و الشباب بعد ما اقصرون


و مبروك على السيارة

[بن غانم]

ماي البحر ما يرحم يمكن يخربلك السفايف مثل ما حصل للوالد والصراحة اتجنب المنزال الزلق اللي مفروش بالطحالب وغيرها ..
أخوك الصغير بو حميد.

[sniper112]

السلام عليكم
وانت تنزل لازم واحد يكون قريب الكيبل اللي مثبت بالعربانه للطراد من يلمس الطراد الماي يحرر الكيبل علشان يرجع الطراد عن العربانه
دون الحاجة انك تخلي السيارة تلمس ماي البحر لانه بعد فترة راح تصدي
وبالتوفيق الغالي يوم بترجع لاتخلي الموتر بالريوس وارجع بوزن الطراد ان كان تماتيك خله فاضي وان كان عادي عشق القير 1 وانتضر لاي امر طارئ تتجدم
وبالتوفيق الغالي

[الترياق]

الشباب ما قصرو بس حبيت اضيف شي واحد بسيط لكن مهم اذا السيارة فور ويل وهذا الصحيح وافضل شيئ اتنزل الطراد والموتر امعشق في الدبل يعني 4 تواير شغالة اثبت للموتر واقوى وما تسلب التواير وخصوصاً اذا كان الانحدار للمنزل شديد ... وشكرا

[ساكار]

اخوي الله يكون في عونك
وسالفه ماتسوى

[شرجاوي555]

انا سمعت مره ان فيه أشخاص متخصصين عندهم فورويل يشيلون لك الطراد من الموقع اللي تباه وينزلونه لك بمبلغ حوالي 80 درهم

طبعا لا تسالني لان ماعندي طراد ولكن انا سمعت من واحد زمان قال لي هذا الكلام وممكن يفيدونك الإخوان

والسموحه