إستفسار بسيط عن كيفية الغوص بالسنوركل

[بن غانم]

السلام عليكم يا جميع غواصين المنتدى.. عندي بس إستفسار بسيط عن كيفية الغوص بالسنوركل و كيف أختار السنوركل و الزعانف المناسببين لغوص المبتدئين (بدون الغوص بالسلندر) يعني غوص عادي لمترين أو ثلاث و ماهي النظارة المناسبة لهذا الغوص وكيف أختارها و وين يمكن أني أحصلها في أبوظبي..
أفيدوني لو تكرمتوا..
أخوكم بوحميد..

[بن غانم]

أفيدوني لو تكرمتوا..
أخوكم بوحميد..

[بن غانم]

وين الاعضاء عن الردود...

[مركز سكوباتك للغوص]

هلا اخوي العوال

انا انصحك اتروح اي مركز غوص و تستفسر لانك لازم اتقايس النظارة و اتجرباها على ويهك اذا كانت اتناسبك او لا و ايضا الزعانف لازم تاخذ على قياسك لان في مقاسات S/M/L/XL و من غير الالوان و ايضا يعتمد على العمق اللي بتنزله او اذا كنت مجرد على السطح... عشان جيه انا انصحك تاخذ رخصه خاصة اسمها skin dive اذا حاب انك اتكون محترف في غوص السنوركل لانه في مهارات اتساعدك على العوم و السباحه ابراحه و امان ....

و بخصوص المراكز اسمحلي اخوي انا من الشارقه ما اعرف مراكز في ابوظبي

انشالله اكون فدتك
و تسلم

[Shadyzee]

أخي الفاضل

بالنسبه للنظاره كما قال أخونا مشكورا المقاسات تختلف والأنواع كثيره ولا يوجد فرق جوهري بين الأنواع , الأرخص لا يدوم والغالي فيه سعره ولمعرفة المقاس الصحيح اتحط وحده على وجهك بدون ربط الباند خلف الرأس وتسحب زفير من انفك وتحاول اتشيلها بلطف عكس الوجه , بحال انسحبت بسهوله جرب مقاس اصغر وهكذا وتأكد من رفع الشعر بحال كان طويل خارج القناع . وهذا لا يعني انك اتروح تحلق شاربك . هاهاهاها .

بالنسبه للزعانف فهي 3 انواع , الأولى تأتي مع بوت ( جزمه ) وهذه تخصص غطس او يستعملها البعض للسنوركل من الشاطئ بحال وجود أحجار او كائنات سامه كقنفذ البحر او السمكه العقرب او غيرها , اما النوعان الأخران فهما بدون حذاء وتستعمل للسنوركل والذي يفرق بين الإثنين ان نوع منهم يأتي طويل جدا ومصبوب قطعه واحده وهذا تخصص سنوركل وغطس حياري لأنه يعطي قوه اكثر من النوع القصير .

اتمنى ان اكون ساعدتك بطلبك

[الغدير]

خوي رايي نفس راي الإخوان أي محل غوص ممكن تحصل مطلبك و ما راح يقصرون معاك
و أتمنى لك رحلات غوص ممتعة
تحياتي

[بو سالم المهيري]

اخوي في محل حياري في بوظبي هو يدرب غطس بالسنوركل
انا عندي خلفيه بسيطه
بخصوص النفس لازم تاخذ 3 مرات نفس عميق و الثالثه تنزل فيها
و بخصوص البدله لها طريقه علشان توازن الوزن الي بتنزل فيه
لانه البدله تصعب عليك الغطس
طبعا البدله 3 او 5 ملي
الي عرفته لازم تاخذ البدله و تخرسها بماي البحر و عقب تربعها و تحتول اطلع الهوا الي متيمع داخل البدله و ترد تنزلها مره ثانيه في البحر و تحط الوزن كيلو كيلو و تم تزيد لين ما تشوف البدله قامت تنزل اذا نزلت بيكون ها الوزن المناسب لك
البدلات تفرق عن الثانيه لانه كل بدله لها وزن وقياس
والله اعلم
والسموحه

[بن غانم]

تسلمون أخواني على الردود..

[sniper112]

أخي الفاضل

بالنسبه للنظاره كما قال أخونا مشكورا المقاسات تختلف والأنواع كثيره ولا يوجد فرق جوهري بين الأنواع , الأرخص لا يدوم والغالي فيه سعره ولمعرفة المقاس الصحيح اتحط وحده على وجهك بدون ربط الباند خلف الرأس وتسحب زفير من انفك وتحاول اتشيلها بلطف عكس الوجه , بحال انسحبت بسهوله جرب مقاس اصغر وهكذا وتأكد من رفع الشعر بحال كان طويل خارج القناع . وهذا لا يعني انك اتروح تحلق شاربك . هاهاهاها .

بالنسبه للزعانف فهي 3 انواع , الأولى تأتي مع بوت ( جزمه ) وهذه تخصص غطس او يستعملها البعض للسنوركل من الشاطئ بحال وجود أحجار او كائنات سامه كقنفذ البحر او السمكه العقرب او غيرها , اما النوعان الأخران فهما بدون حذاء وتستعمل للسنوركل والذي يفرق بين الإثنين ان نوع منهم يأتي طويل جدا ومصبوب قطعه واحده وهذا تخصص سنوركل وغطس حياري لأنه يعطي قوه اكثر من النوع القصير .

اتمنى ان اكون ساعدتك بطلبك

السلام عليك اخوي
ملاحظة شهيق وليس زفير في عمليت تثبيت النظارة على الوجة
وشاكر لك تعليقك الجميل والمميز وتحياتي لك الغالي

[بن غانم]

السلام عليكم ورحمة الله وبركاته

** مشكوووورين اخواني ع التفاعل
تحياتي لكم

[أبوخليفه]

أخوي في مركز للغوص بجنب نادي السياحي أسمه الحليج العربي وبالتوفيق يأخوي

[بن غانم]

السلام عليكم ورحمة الله وبركاته

** مشكووور أخوي بو خليفة و الله يعطيك العافية ..


العوال