الــــقــراقـــيـــر

[lewatah]

السلام عليكم ورحمة الله وبركاته

اخواني الله يباركلي فيكم حبيت انكم تساعدوني اذا تقدرون لاني اختكم توني باديه في هالمجال ( صيد اللنش ) وان شاءالله يوفقني ويوفق الجميع ..

1) اماكن جيده لصيد قراقير في ابوظبي و طالع.

2)احداثيات اذا امكن واذا لا عادي.

3)المدة التي يجب ان تكون القراقير في البحر قبل انتشاله اذا اسبوع 10 ايام ولا اكثر او اقل ؟

4)شو اغلى الاسماك من بعد الهوامير ؟

5)عدد القراقير اللازمة لصيد موفق او بيعه زينه ؟

وأي معلومه ثانيه من عندكم اذا حبيتوا و انتو الخبره ومنكم نـــستفيد

[أسماك الامارات]

هلا أختي
الله يطول بعمرج

اماكن جيده طبعا حاولي تبحثين مشدات واقواع صخرية و وقواع فيها الفشوت وليس أقواع رملية.


بخصوص السؤال الثاني :- مثل ما تعرفين كل واحد يبى يترزق من ها البحر فا من صعب إنه حد يعطيج إحداثيات للاماكن نصب قراقير بصراحة أقولج ولكن في طريقة ثانية وهي إنك تشترين ها الإحداثيات من أصحابها وفي ناس يبيعون بعض المرات عاد إبحثي انتي يااختي.

بخصوص المده يعتمد ع القوع اولا ولكن أقل فترة زمنية يحطونها الصيادين هي 10 أيام تقريبا ولكن هذا مب شرط يمكن تحصلين قوعه تقدرين كل يومين إتبارين القراقير او كل ثلاث ايام.

اغلي سمك بعد الهامور بصراحة ما اعرف لأني ما أبيع ونادر ما أشتري من السوق .
وهل تقصدين أغلى سمك .... هو السمك إلي ينصاد بالقرقور او أي سمك.

عدد القراقير :- طبعا القانون في ابوظبي يسمح فقط لعدد 100 قرقور وإذا عندج ترتيب هذا كلام ثاني وإذا بغيتي أعلمج الطريقة كيف راسليني ع الخاص. خخخخخخخخ

وإي إستفسار فالج طيب إلي نعرفه بنخبرج
بومحمد