ميناء الصدر ارجو ان تفيدوني

[مرفاوي69]

انا دوووم اطلع من مينا الصدر ولما ارجع ما حصل حد يشتري السمج من عندي فا اوزعه


فا ياليت حد يفيدني ويعطيني رقم حد يشتري سمج لاني هلكت من كثر ما ادور وخاصه اذا رجعت فلليل ما حصل حد نهائيا



فديت المرفا بس اوصل الفرضه البياع يترياني في اي وقت حتى يساعدني لما ارفع الطراد

وشكرااااا

[ابوشمسة]

يعطيك العافية مرفاوي

بالنسبه لموضوعك انا شراي عندي معاريف كثير يبغون سمج

هل الصيد بالخيط او ليخ وقراقير

وشو الاسعار . اكيد في خصم للاعضاء

[مرفاوي69]

والله يا بو شمسه اكثر شي نطلع حداق وتشخيط

فيا ليت اتحطلي رقم حد يشتري السمج اللي نيبه وهل بيكون متواجد فلليل والنهار ولا له الاوقات محدده

بالنسبه لاعضاء ما في مشكله لو بغيت السمج كله من صوبك يا بوشمسه بحر الطويله فيه خير

[أسماك الامارات]

هلا أخوي مرفاوي
أنا إلي أعرفه اغلب الصيادين في ميناء الصدر يشلون سمجهم إلى سوق دبي,,او عندهم معارف من مواطنين يشترون السمج او معارف من تجار الإسماك .

ولا تروح بيع هذا اخونا بوشمسه قال بيشتري السمج من عندك فا تفاهم معاه احسن من وجهة نظري
والله يوفقكم في البيع والشراء.

بومحمد

[مرفاوي69]

انشاء الله تسلم على المرورر هات رقمك يا بو شمسه وانشاء الله بنتفاهم

[ابوشمسة]

طرشت الرقم عالخاص

[مرفاوي69]

المهم جهز فلوسك

خخخخخخخخخخخخخخخ


اخوي بو شمسه انت تطلع من ميناء الصدر ما عندك احداثيايات حق هوامير وشعري

انا عندي محدق وفيه خير بس اعطي الاحداثيه حق حد من الشباب يقولون ما في شي

وانا لمن اسير اترس ثلاجه وسله وسطحت الطراد

انشاء الله المره الثانيه بصور وبعرضه في المنتدى

[ابوشمسة]

توك تقول السمك من صوبك والحين تقول جهز فلوسك هههههه

بالنسبة لي فاضي على طول (مفرغ) يعني ماشي شغل

اي وقت اتصل علي في ليل او نهار

وبالنسبة للمواقع بطلع معاك او انت اطلع معاي وبشوف اذا عجبتني مواقعك بعطيك المواقع اللي عندي شورايك اتفقنا ولا لا (سوالف)

[مرفاوي69]

خخخخخخخخخخخخخخخخ


اوكى انشاء الله لما بطلع بخبرك انشاء الله

اوكى شو رايك اعطيك احداثيه وتعطيني احداثيه بنشوف بنجرب

بس انت ما تلاحظ اي مكان تروح له في شعري وهامور اكثر شي

انا عندي احداثيتين فيها شغري وهامور ونادر ما يظرب عندي فرش و قابض

[barracuda]

ان شاء الله الاخوان ما بيقصرون