بقعه تشخيـــط ..

[التوح]

السلام عليكم ورحمه الله




اخواني لو تكرمتوا بغيت احداثيات بقعه تشخيييط .. في دبي من صوب جميرا ولا من صوب الحمريه

انحصل فيها خباااط


ولو ماعليكم كلافه الي عنده لا يبخل علينا وبيكون في ميزان حسناته ان شاءالله

اتمنى التفاعل مع الموضوع خل نلحق على الجنعد قبل ماخلص لشتااا



كل الاحترام والتقدير

[أسماك الامارات]

وعليكم السلام ورحمة الله وبركاته

هلا أخوي
إن شاء الله الأخوان في دبي بساعدونك وما بقصرون معاك
بومحمد

[barracuda]

اخوي الغالي الخباط ما عنده بقعه معينه

[التوح]

اسماك الامارات تسلم طولي بعمرك ع المرور الغاوي


براكودا ادري ياخوك ماله بقعه معينه بس والله عيزنا ياخوك اندور ومانحصل

جان حد يتكرم علينا ويعطينا احداثيات في ميزان حسناته ان شاءالله


كل الاحترام لك الغالي

[أسماك الامارات]

انا مب من دبي ولكن مرة مريت من بويه زينب وما شاء الله الخباط مستوي عنده وهذا الكلام من شهرين تقريبا

عاد ما عندي إحداثية البوية
بومحمد

[بو سالم المهيري]

ياخوي في موسمه بتحصله قريب صوب النخله و الممزر و صوب مينا الشارجه عند المداخل
و السموحه

[مرفاوي69]

نصيحه اذا تبي الخباط غير الهيال لا تقول الحين الخباط بتحصله في الارقوق بعد الهواه اللي صار قبل اسبوعين تقريبا والحين يمكن تحصل


لان اذا الخباط دخل الرق ما يطلع بسبت المد والجزر المايه توديها وتيباها عرفت هذا والله اعلم حسب ما تعرفت عليه في هذا الموسم

فا طلعنا كم طلعه كله صوب الارقوق خاصه صوب الجزر فا نصيحتي اذا تبغي خباط الحين لما يعتدل الجو لا تتريا ما لك الا الهيال

قرب من اي جزير وهيل وادعيلي