ميناء الصــــــدر

[lewatah]

السلام عليكم

اين يقع ميناء الصدر وهل يوجد به مواقف للقوارب ؟ وهل هناك دفعة سنوية للمواقف ؟ وهل يتوفر الماء والكهرباء ؟ وهل ........ المهم كل شي يخص الميناء خخخخخخخخ اتمنى انكم اتساعدوني بأي معلومة تعرفونها ..


وشكرآ

[ابوشمسة]

مرحبا بك اخوي ميناء الصدر تابع لامارة ابوظبي

ومكانه بالقرب من الطويلة بجانب الكلية البحرية

والماي والكهرباء متوفرة لكن بالنسبة للوقفة لها ترتيب

ويعتمد اذا كان قارب صيد او نزهة والمواقف الى الان مجانية ولكن سمعنا

ان فيه تعديل للمكان والله اعلم

[أسماك الامارات]

السلام عليكم

اين يقع ميناء الصدر وهل يوجد به مواقف للقوارب ؟ وهل هناك دفعة سنوية للمواقف ؟ وهل يتوفر الماء والكهرباء ؟ وهل ........ المهم كل شي يخص الميناء خخخخخخخخ اتمنى انكم اتساعدوني بأي معلومة تعرفونها ..


وشكرآ

هلا أختي لواته

نفس ما قالج الأخ بوشمسه
الميناء ملاصقة في كلية البحرية
وهي تقع في إمارة ابوظبي
إذا تعرفين جسر فندق الشريعة ( للنساء )) إلي في الرحبة على خط ابوظبي دبي,,ألجسر إلي بعدة يكون جسر الطويله إتبعي لوحات الإرشادية للكلية البحرية وإن شاء الله بتوصلين هذا بالمختصر

بومحمد

[barracuda]

ان شاء الله الاخوان في بوظبي ما بيقصرون وياج

^_^

[lewatah]

مشكورين بو شمسه واسماك الامارات وبركودا عالرد ..

لووول انا كل ما اسير هناك ادوره اشوف الكليه البحرية لكن ما اتخيلت انه عداله لانه الصراحة ماشوف لافته اتقول الميناء ؟؟ المهم مشكورين ما قصرتوا عالشرح :)

[بن غانم]

السلام عليكم و رحمة الله وبركاته

**أخوي مثل ما قالوا إخوانا عن مينا الصدر و أنا ساكن قريب من منطقة الصدر لكن هذي الأيام بخصوص طراريد النزهة تنزل طرادك وتطلع بحر و ويا رجعتك ترفع الطراد لين البيت و الحين سووا مصنع للطراريد أعتقد للبحرية أونلي وطبعاً صغرت مراسي الطراريد و مثل ما قلتلك ( تنزل - تخلص - ترفع ).
.........



تحياتي لك

[شايب و عايب]

السلام عليكم ورحمة الله وبركاته
مثل ما قال أخوي العوال تنزل الطراد تطلع البحر ترجع أرفع طرادك لأنه بين فترة وفترة يصغرون المراسي
وبالنسبه للوصف مكان المينا طبعا بعد ما تعدي الكلية البحرية بتكون على يسارك وبتحصل أول لفة رجوع ارجع منها وادخل أول
لفه يمين بيكون مينا الصدر قريب جدا منك

أرجوا اني افتدك بشي

والسموحه

[الربان عبيدا]

انا سمعت ان الطراريد لي هناك زالوها خلاص وان المبناء اصبح تابع لشركه الفتان لصناعه السفن
والله اعلم
والسموحه

[بن غانم]

السلام عليكم ورحمة الله وبركاته

** كلامك صحيح يا رباّنّا تقريباً من شهر أنا رحت هناك وشفت الأوضاع..
العوال

[القراش 1]

للعلم ما خلو لنا مكااان .....كليوووم يغيرون شي الحين ممنوع توقف القارب فالمينا نزل وشيل بس لها السبب قمنا انزل قواربنا فخور الشليله الي ورا سجن الصدر عند مسبح النساء ... والحين محطين لنا لوح ممنوع تنزيل القوارب والسباحه والصيد الله يعينا

[الربان عبيدا]

بالنسبه لميناء الصدر نزلنا انا والنوخده بو شمسه امس يوم تسعه رمضان نزل الطراد وارفع عند الرده
ما شئ باركن.
تحياتى لكم