أبا طريقة صيد بياح

[خيل البحر]

السلام ‏
عليكم

أبا طريقة صيد بياح ع سيفة

[خيل البحر]

مافي رد من الصيادين

[SHARK_UAE]

مرحبا اخوي فيه طريقه كنا انسويها يوم اصغار ...يب لك خيط عادي وربط اخر نص متر من الخيط في بوهه صيغيره و اخر شي الميدار طبعا حجم صغير و الييم حط لك عينة طحين مال الخبز مب عينة كيك :) وان شاء الله تييب البياح و السموحه اخوي

[مركز سكوباتك للغوص]

هلا اخوي

حسب معلوماتي في الشارقة و عجمان و ام قيوين ما يصيدون البياح الا باليخ

انا جربت مره على سيفة ممزر الشارقة بالليخ الصغير مال 20 باع و خيوط بلاستيك و عرضة مال تقريبا 2,5 باع و فتحاته صغيرة و خيوطه رفيعه وايد يسمونه ليخ خيران بتحصلة عند محلات بيع المعدات البحرية ,مزرنا كولر ضلوع و بياح و هاي اسهل طريقة اتوقع و ممكن اتصيدلك السرب كامل و طبعا على حسب الموسم مرات يظرب بدح ...

انشالله فدك
و السموحه

[صياد الخليج]

بالتوفيج يا راعي البياح
عليك بخيران ام القيوين

[أسماك الامارات]

السلام ‏
عليكم

أبا طريقة صيد بياح ع سيفة

هلا أخوي خيل البحر

هناك عدة طرق للصيد سمك البياح و بذكرلك اياهن .

طريقة الأولى بالألياخ:-
أستخدم ألياخ مقاس صبعين او صبع ونصف للفتحة و حول انك تعرف مكان السمك وهذا يكون افضل ومن ثم حاصر السمك بالتحويطة او سكار وعند دخولك للبحر حاول انك ما تعلي صوتك وامشيء شوي شوي في الماي ولا أتم اترش في الماي برجلك,,,عق ليخك بالتحويط او سكار ورد بعد عق ليخ ثاني خلف الليخ الأولي بمسافة تقريبا باعين او 3 أبواع وهذا لازم يكون محسوب .

الطريقة الثانية بالمشخلة:-
المواد:-
1- مشخلة عيش بحجم متوسط.
2- حبل لا يقل عن 50 متر تقريبا او خيط بحر حجم 90 إلى 140 ملم وانا افضل خيط البحر.
3- قماش لونه ابيض مثل الفانيله الداخلية او شيله حريم لونها بيضة.
4- طحين.

طريقة تجهيز:-
1- احضر المشخلة وقص القماش الأبيض اكبر بشوي من قياس المشخلة.
2- غطي المشخلة بالقماش الأبيض ومن ثم اربطه بقوة من الأطراف على المشخلة.
3- اعمل فتحة بقياس 10 سم بالقماش في وسط المشخلة.
4- اربط المشخلة بالخيط 140ملم.
5- إعجن الطحين وعقه في داخل المشخلة عن طريق الفتحة إلي سوتها ولكن حطة على الأطراف من الداخل وامسح بالعجين على القماش من الداخل والخارج ملاحظة العجين إلي بتمسح فيه على القماش يحب أن يكون لين وليش جامد .

طريقة الصيد بالمشخلة:-
حاول تعرف وين يكون البياح يعني اتشوفه بعينك,,إدخل البحر وحط المشخله في البحر ولازم إتشوف المشخلة من السيفة ويفضل ما يكون بعيد وايد عنك,,بعد ما حطيت المشخلة إسحب الخيط 140 معاك للخارج وطبعا هذا الخيط مربوط بالمشخلة وخل الخيط في إيدك وانتظر لغاية ما يتجمع البياح على المشخلة وطبعا من يدخلون داخل المشخلة عندك خيارين وهو يا إنك تسحب المشخلة لغاية عندك او إنك تدخل بسرعة وتسكر الفتحة العلوية في القماش ومن ثم تاخذ المشخلة معاك للخارج وطلع السمج ويمكن بهذي الطريقة تصيد أسماك ثانية,,,صحيح إنه متعبه ولكن مضمونه إن شاء الله والبحر يباله صبر .

شكلي طولت عليك يااخوي

السموحة منك

بومحمد

[خيل البحر]

مشكورين أخواني
جزاكم الله خير