المساعد الشخصي الرقمي

مشاهدة النسخة كاملة : هل يجوز للمرأة؟؟؟؟؟؟

lewatah
20-01-2010, 03:32 PM
السلام عليكم اخواني
عندي استفسار بسيط صارلي فتره ادورله جواب لكن ما لقيت..

اتمنى انكم تساعدوني .. المهم السؤال هو هل يجوز للمرأة الحصول على رخصة قارب نزهة او رخصه لنش صيد او ما كان من ناحية رخصة كل انواع القوارب او استعمالاتها ؟؟ اتمنى لو اللي يجاوبني يذكرلي السبب مع الجواب..


اسمحولي طولت عليكم :)
بو سالم المهيري
20-01-2010, 06:12 PM
والله ياخوي ما اتوقع بس بتاكد و بخبرك
لانه هاي المهنه الحريم ما اتوقع يقدرون يمارسونها بسبت جذه الرخصه تكون باسم الرياييل
صياد الإمارات
20-01-2010, 09:12 PM
السلام عليكم ورحمه الله وبركاته
يا اخوي العزيز ما في اي موانع من تملك المرأة
اي نوع من القوارب سواءا نزهه او صيد او انواع اخري من القوارب
او ممارسة الصيد بها
والسموحـــــــــــــــــــــــة
lewatah
21-01-2010, 08:55 AM
السلام عليكم اخواني المهيري وصياد الامارات اشكركم على الرد والمشاركة..

انا مش ريال لكن ما عليه :) .. في مشاركتي انا قلت اللي بيجاوب اتمنى انه يذكرلي السبب لانه في اختلاف في الرأي من حيث يجوز لها الرخصة وما يجوز .. انا استفسر لانه حابة ادخل هالمجال من ناحية الصيد لكن انا ما عندي محرم الوالد الله يرحمه اتوفى من جي ماروم اسجله باسم ريال..اتمنى اللي عنده جواب يرفقه مع الادلة من حيث القوانين اللي وزاره البيئة والمياه اتطبقه..

وشكرآ اسمحولي ادري اني عقدتكم خخخخخخ..
بو سالم المهيري
21-01-2010, 10:35 AM
السلام عليكم اخواني المهيري وصياد الامارات اشكركم على الرد والمشاركة..

انا مش ريال لكن ما عليه :) .. في مشاركتي انا قلت اللي بيجاوب اتمنى انه يذكرلي السبب لانه في اختلاف في الرأي من حيث يجوز لها الرخصة وما يجوز .. انا استفسر لانه حابة ادخل هالمجال من ناحية الصيد لكن انا ما عندي محرم الوالد الله يرحمه اتوفى من جي ماروم اسجله باسم ريال..اتمنى اللي عنده جواب يرفقه مع الادلة من حيث القوانين اللي وزاره البيئة والمياه اتطبقه..

وشكرآ اسمحولي ادري اني عقدتكم خخخخخخ..




الله يرحمه
انشالله بيبلج الخبر الاكيد و السموحه
أسماك الامارات
07-02-2010, 03:19 PM
السلام عليكم اخواني
عندي استفسار بسيط صارلي فتره ادورله جواب لكن ما لقيت..

اتمنى انكم تساعدوني .. المهم السؤال هو هل يجوز للمرأة الحصول على رخصة قارب نزهة او رخصه لنش صيد او ما كان من ناحية رخصة كل انواع القوارب او استعمالاتها ؟؟ اتمنى لو اللي يجاوبني يذكرلي السبب مع الجواب..


اسمحولي طولت عليكم :)


السلام عليكم ورحمة الله وبركاته

هلا بإختيlewatah

الله يرحم الوالد .

اولا إسمحيلي بالرد متاخر

رخصة قارب نزهة هي الرخصة التي تصدرها كل سلطة مختصة بالإمارة مثل ملكية سيارة ويكتبون فيها رخصة قارب صيد نزهة او رخصة قارب صيد تجاري وبياناتج

انتي كا مرأة مسموحلج تاخذين رخصة قارب صيد نزهة بكل سهوله وتقدرين تطلعين بحر و محد بيمنعج.

ولكن بخصوص رخصة قارب صيد تجاري في إمارة ابوظبي يعتمد على الحالة الإجتماعية يااختي ولكن صبري وبييبلج الشروط والقانون بإذن الله

وإذا مستعجلة بإمكانج تكتبين ع العام او ترسلين لي ع الخاص عن الحالة واقدر أفيدج بإذن الله

بومحمد
أسماك الامارات
07-02-2010, 04:25 PM
السلام عليكم ورحمة الله وبركاته

إن شاء الله ها الموضوع بفيدج بإذن الله

http://www.uaefishes.com/vb/showthread.php?t=610

بومحمد
lewatah
08-02-2010, 10:03 AM
السلام عليكم

مشكور اخوي اسماك ما قصرت كفيت ووفيت بهالجواااب .. للأسف هذا الجواب يأكدلي اني ماقدر آخذ لنش واباشر بهالتجارة :( انا احب الصيد واحب كل شي يتعلق بالبحر ابوي الله يرحمه هو اللي خلاني اعشق الصيد..لو عادي وما اشتغل وعندي محرم جان طلعت اغوص اصيد افر قراقير اسوي كل شي خخخخخخخخخخخخ :D عاد اللي يقول بروم :r0o0t (82): ..كل ويكند اطلع ادور بقعة زينة للصيد من السيفة:fishing_h4h: وايلس احط ايدي عخدي واقول ياليت اقدر متى ومتى لكن الحمدالله عكل حال عالعموم مشكور اخوي مرة ثانية..

اختك لــــــواته
أسماك الامارات
08-02-2010, 10:28 AM
تقدرين تشترين لنش مع الرخصة يعني كل شيء جاهز وبس وتمارسين تجارة الصيد
رخص الصيد التجاري الجديد موقفينه ألحين ولكن إذا حصلتي حد يبيع تقدرين تشترينه.

بومحمد
lewatah
08-02-2010, 11:45 AM
اعرف اني اقدر اشتري لكن ما اقدر اسجله باسمي لانه ما يجوز سرت وزاره البيئة والمياه واخر شي اضطريت اكنسل موضوع الشراء.. اقدر اخذه اذا اسجله باسم ريال والريال لازم يطلع فيه نوخذه وين اقدر ووين بحصل خاصة اذا الموضوع تجارة ويباله شخص اهل بالثقة وصعب طبعآ تلاقي واحد جي وبعدين فيها تنازل وفيها وكاله خاصة وفيها وفيها عوروا راسي من جي ما اقدر .. واذا سألت ليش ما يجوز باسم حرمة قالوا لان الرياييل استغلوا التجارة بانهم يسجلون الاول باسمهم والثاني باسم حرمته والثالث باسم اخته وكذا عشان ما يطلع نوخذه ويكون عنده العذر فخلاص عقبها انحرمنا من امتلاك او تسجيل رخصة لنش باسم امرأة.. ونحن ليش شو ذنبنا نكون الضحايا:ytshipwrecked:

واسمحولي اذا في معلومة خاطئة ارجوا انكم اتنبهوني .. ومنكم نستفيــــد
أسماك الامارات
08-02-2010, 08:08 PM
بصراحة اول مرة أسمع ها المعلومه يااختي .

ولكن نفس ما قلتي يبالج نوخذة او توكيل واحد ووووو ولكن نصيحه اخوي صعب تحصلين نوخذة مضمون وانا أقولج لأنه أغلبهم .......الله يستر عليهم.
والحمدالله على كل حال.

بومحمد
ولد مجلاد
09-02-2010, 01:23 PM
السلام عليكم ورحمة الله وبركاته الله يعطيكم العافيه وشكرا اخوكم ( حاضر )