الالياااااخ ( الغام البحر )

[barracuda]

السلام عليكم حبيت اطرح هذا الموضوع ليس للصيادين بالذين هوايتهم الصيد ( قول نزهه )

شرايكم بالالياخ
تخرب عليكم
تتطفركم و انتو سايرين لمكان
تخرب المكاين
متى الوقت الانسب و المسموح فيه للصيادين انزال الالياخ بدون ما حد يتلعوز بيهم و على بعد كم ميل مسموح لهم تنزليه

و سلامتكم

اخوكم

barracuda

[بو سالم المهيري]

السلام عليكم و رحمة الله

الغالي اشكرك على ها الموضوع المهم
بصراحه وايد متلعوزين منهم كل ما بغينا نزيد السرعه لقينا كشاف يسطع من بعيد يعني (خفف السرعه امامك ليخ ) اوكي نحنا ما نعارض ها رزقهم بس القهر يوم ييك واحد و يتفلسف و يعق الليخ بالدس في اماكن ممنوعه (شرات هاك اليوم تذكر اخوي براكودا)
بصراحه لعوزنا عاق ليخ مكان غلط و الليخ ملتف على عمره و السمج :374::374::374::374::374:ميت فيه:r0o0t (73)::r0o0t (73)::r0o0t (73)::r0o0t (73):

تخيلو وين عاق الليخ عن مدخل الخور مصكر بن راسين الحصا :r0o0t (59)::r0o0t (59)::r0o0t (59):
و لعوزنا وايد خيوطنا اتشربكت و سنارتي طاحت في البحر
و تمينا نسحب الليخ لين يبت السناره بصراحه تلعوزنا انا و براكودا
بس ادبناه راعي الليخ:r0o0t (75)::r0o0t (75): ما سوينا سالفه قصيناه على طول و فريناه برع طبعا بمساعدة اخوي براكودا:r0o0t (12)::r0o0t (12)::r0o0t (12):


اتمنى من الكل الي يبا يعق الليخ لا يتفلسف اذا ما يعرف كيف ينزله :374::374::374::374::374::374::374::374:


و السموحه

[أسماك الامارات]

هلا اخوي براكودا
موضوعك بصراحة مهم جدا

اولا الله يجمعكم على خير يااخواني بوسالم وبركودا وإن شاء الله إتزيد المحبة والموده من بينكم وبين جميع اعضاء المنتدى.

بصراحة هذيله إلي يعقون ألياخ في اماكن ممنوعه وبالذات عند المداخل انا بدالكم بشتكي عليه عند خفر السواحل وشيء ثاني بشل ليخه وبعقه برد مثل ما سويتوبه الريال.

يعني ما حصل مكان إلا عند المدخل سير عق في مكان ممنوع ولكن مب في مدخل الخور وين تمر الطراريد والمراكب........

طبعا مثل ما تعرفون ألحين موسم الخباط والجنعد( الكنعد ) وكل الصيادين يطلعون للصيد (( هيال او حلاق )) والصيادين هم يعرفون القانون بالضبط وبحروفها بعد من جميع النواحي :-
المسافة من البر
طول الليخ مثل في إمارة ابوظبي ولكن ماأعرف عن باقي إمارات الدولة.
نوع الليخ المسموح الصيد به
مقاس فتحة الليخ.
كل أشيء هم يعرفون فيه

المفروض هم يحطون انوار مضيءة متقطعة في بداية الليخ ونهايته وإذا كان الليخ طويل جدا المفروض يوزع عدد اضواء الإنارة على طول الليخ.

اتمنى جميع احواني الصيادين يتبعوا قانون الصيد وإذا ما تتبع حاول تعق ليخهم في مكان محد يقدر يتقرب منك ولا صياد بعد.

بومحمد

[روح الظبـي]

مرحبــــــــــــــا الســـــــــــــــــاع

والله صدقت .. و صدقو الربع في الأليـــاخ ... و لكن ترى الليــخ شر لا بد منه في البحر .. و مثل مــا قــال أخوي بو ســالم .. خلق الله تترزق في البحر .. و لكن ..كل شيء و له مكــان معيــن .. يعني .. إنته ما بتفر الهيــالي في مرقة (( رق أو ميــاه ضحلة )) .. أبد مــاله داعي .. و نفس الكلام .. ما بتفر ليــخ (( طبق طــاير )) في قوع بحر 7 ابوع ... مــاله داعي .. السمج بيقطع اللليــخ .. بــس مثل مــا قــال الأخ بو ســالم في جمــاعه يزاهم الله خيــر يحطولك كشــاف في الليـــــل عشــان تتلاشــا الليــخ .. و فيــه جمــاعة ربيــه يسامحهم إن شــاء الله .. بالدس .. و يــن يفرون الليــخ في داعبة .. يعني حد يفر غزل في داعبــة .. بقعة طراريــد ســـايرة يــايــة و إنه (( تعرقل حركة السيـــر )) ... لا و المصيــبة عــاد إذا إنتة دافر و مــال بسرعة بسرعة .و أخر شي يطوي الغزل فالمكيــان .. ههههههه ..

و تعليــقــا على كلام الأخ بو محمد .. الجمــاعة في بوظبي حــاطيــن قوانيــن و لوائح ترشد الصيــاديــن في امــاكن و كيفيــة الصيــد في إمــارة أبوظبي .. بس عن نفس أنــا مرة وحدة في حيــادي دفرت في بوظبي و خلاص .. وللى الوقت كــله في جزيــرة مروح ..

على العموم .. تسلم يمنـــاك براكودا على طرحك للموضوع ...

و السموحة على الإطــالة .. تحيـــاتي

[أسماك الامارات]

أخواني براكودا وبوسال وروح ظبي
تراني أفر ألياخ بصراحة ممنوع او غيرة بس كل شيء بحساب وجميع انواع الألياخ هههههههههههه

بومحمد

[روح الظبـي]

يا بو محمد ..

أسميــنيــة ببلغ عليــــك خفر السواحل .......

وللى تدري شو ....

بطبع طرادك .... هههههههههه

[بو سالم المهيري]

أخواني براكودا وبوسال وروح ظبي
تراني أفر ألياخ بصراحة ممنوع او غيرة بس كل شيء بحساب وجميع انواع الألياخ هههههههههههه

بومحمد




`ذكرتني بومحمد هاك اليوم يوم عقينا الالياخ و ثبرت المايه كيف تلعوزنا:r0o0t (6)::r0o0t (6):

[امير الظلام1]

شكله الريال خاف منكم اتحراكم من البيئه وشرد

[barracuda]

اشكر الاخوان على المشاركة

[المنصوري2010]

هلا خواني الاليااااخ اوووو يسلااااام يوام اتواح ليخك وتحمل من كوكتل البحر من سمك يسلااام ويسلاااام يوم تسكر المساكر وخصتن هشهر وتاريخ 5من هشهر بعد بيستوي حمل بياح وصبيطي وبدح وصافي يجماعه الالياخ نعمه ورزق للنواخذه ولتنسوان ايدادنا هم الي فكروا فالالياخ والا خلاص كله ريس بس ريس فالبحر وغوصه وحداق جربوا شوي الالياخ وشوفوا الفراقق وبالتوفيق للجميع

[barracuda]

مشاركتك على العين و الراس

[بحر الجير]

اخواني انتوا تناقشون مشكله الالياخ اولا في قوانين للالياخ بانواعها وما منع منها ولليخ موسم وهو الهيال وضغوه غير طبعا لكن الياخ النصب هي الممنوعه وخاصه القاعيه

اولا الصيد بالالياخ له موسم وله قانون اما المشاكل الي صايره عندنا هي القراقير والف قانون بهالشي وخاصه عندنا في راس الخيمه في ناس تعق قراقير وبنفس الوقت يعقون الياخ ويسووون مشاكل شورايكم بهالشي يعني البحر صار ملك لهم او ان القانون اختلف

[أسماك الامارات]

اخواني انتوا تناقشون مشكله الالياخ اولا في قوانين للالياخ بانواعها وما منع منها ولليخ موسم وهو الهيال وضغوه غير طبعا لكن الياخ النصب هي الممنوعه وخاصه القاعيه

اولا الصيد بالالياخ له موسم وله قانون اما المشاكل الي صايره عندنا هي القراقير والف قانون بهالشي وخاصه عندنا في راس الخيمه في ناس تعق قراقير وبنفس الوقت يعقون الياخ ويسووون مشاكل شورايكم بهالشي يعني البحر صار ملك لهم او ان القانون اختلف

هلا أخوي بحر الجير
القوانيني عندكم في رأس الخيمة واضحة ولكن الصيادين هم إلي يخالفون القوانين والحساسية إلي مستويه بين الصيادين إلي يستخدمون القراقير والصيادين المستخدمين الألياخ.

إلي يستخدم الليخ محددين له المنطقة المسموحة بالصيد بألياخ وكذلك للصيادين المستخدمين القراقير ولكم كل واحد منهم يعق عدة على الثاني يعني هم الصيادين بنفسهم مخالفين وعقب يتضاربون.

يعني القوانيين ما اختلفت بل الصيادين هم إلي يخالفون.


وما ادري إذا في قوانين جديدة عندكم
والسموحة منك
بومحمد

[بحر الجير]

كلامك صح وعين الصواب لكن شو رايك بان اصحاب القراقير هم نفسهم يعقون الياخ ونفسهم يسووون المشاكل صارت سالفه بيني وبين واحد منهم عندهم اربعين قطعه بطراده ويالس على مشاد وقال هالمكان لي وقلته الي تباه رجت عنه ويم يت الدوريه راح واشتكى وقال اني انا بعق فوق مشاده وعنده قراقيرويالس يرفعها وطلع احد اصحاب القراقيروالي يتقدمون بالشكوى اليوميه للدائره شو تفسيرك لهالشي يا بومحمد والله احنا طحنا بورطه وسببها الحقد بين بعض

[barracuda]

تسلم على المشاركة

[ساكار]

مرحبى
ياشباب المشكله وايد سهله
بخصوص المخالف بلغو عليه
ولي مهيل الرفع المكينه يعني سو ترم ودعس فول
علشان مايشير الغزل في المكاين
واذا ظربلك كشاف ترم زياذه وزيد السرعه
وسمحلي على المرور

[barracuda]

هههههههه تسلم اخوي على المشاركة