فزعتكم يالنواخذه [الأرشيف] - منتديات أسماك الإمارات

صياد الخليج

11-10-2009, 06:38 AM

أسماك الامارات

11-10-2009, 12:11 PM

بسم الله الرحمن الرحيم
السلام عليكم ورحمة الله وبركاته
يا جماعه تعبت وانا اشخط ما شي فايده واشوف الخباط يطير جدامي وانا اتحسر واقول ليتني اعرف كيف ايبه.. المهم سرت محل ادوات الصيد وخذتلي خيط رقم 100 وخذتلي بورد اصغر حجم وخذت ثلاث انواح من سمج تشخيط وخذتلي خمسة قفشات منوعه . بس بعدني محتار ..
ما اعرف اي نوع او لون احط للخباط ليش كل هاي ...ممكن حد يخبرني واكون له شاكر ..
ثانيا كم طول الخيط من سمجة التشخيط الى البورد ..
ثالثا كم يكون طول الخيط من البورد الين الطراد .
ارجوكم الفزعه تكفون

هلا اخوي صياد الخليج
اولا أنا أقول خليك كوووول مرة كووول لا تفكر إن شاء الله بييك الرزق بإذن الله وهذا كان نصيبك .

بخصوص إستفساراتك

ما اعرف اي نوع او لون احط للخباط ليش كل هاي ...ممكن حد يخبرني واكون له شاكر ..

إذا كنت من أبوظبي حطلك خيط رئيسي 120 والرداع 100
عندك محل الشهامة في نادي السياحي
إشتر من عندة الخبط الجاهز لون أبيض بروحة او خبط أبيض مع الزري لونه ازرق وفضي لماعي .

القفش
خذلك القفشة الإسترالية إلي عليها لصقة صفرة او خضرة فاتحة ..إذا انت من بوظبي قولبه بس عطني القفشةالإسترالية طبعا فيه ألوان ثانية اللون الأحمر حق كنعد إذا تعرف بقعه فيها كنعد.

أباك تفهمني هي قفشة عادية ولكن عليها لصق بألوان نختلفة.

ثانيا كم طول الخيط من سمجة التشخيط الى البورد الطول طال عمرك لا يقل عن باعين او باع نص وفي حد من الشباب يحطون 5 أبواع وما شاء الله يصيدون أنا ما أحط أقل عن باعين.

ثالثا كم يكون طول الخيط من البورد الين الطراد .

ايواه هذا هو السؤال الحلو
طبعا يااخوي صياد إذا البقعة فيها خير والسمجة يوعانه من خاطر ترى مرات من تفر الخيط يمكن يروح عنك 5 أبوع السمجة تضرب وهذا طبعا نادر ما يستوي.

المهم انت عاد ألعب بطول الخبط ولكن لا بقل عن 10 أبوع بين الطراد والبورد ومرات على 15 باع ...انت طول ع الخيط وقصر ع الخيط وشوف السمجة وين تاخذ .

والنقطة المهمه ما سألت عنها يأاخوي صياد وهو سرعة الطراد طبعا هذا يعتمد على قوة المكاين المهم انا أستخدم RPM ما بين 1 ومرات واحد وخط او خطين ولكن ما اذكر باجي بي إس كم.

إذا حصلتك الصور في النت بخبرك لأني أنا خاردجالدولة ولا بحطلك صورة القفش
بوسالم جزاك الله خير حط صورة القفشة العجيبة

إن شاء الله أفدتك ياأخوي صياد وإن شاء الله با قي الشباب ما بقصرون.
جهزلي رحلة وياك من أوصل البلاد إن شاء الله
بومحمد

barracuda

11-10-2009, 03:25 PM

انت وين تنزل ؟

صياد الخليج

11-10-2009, 04:09 PM

اشكرك من كل قلبي يا اسماك الامارات
كفيت ووفيت وان شاء الله بتبع طريقتك اليوم او باجر
كذلك اشكر مرورك الجميل
واذا الله رزقني راح انزل الصور
وكله في ميزان حسناتك..
هلى اخوي بركودا المكان سري طبعا بس انا بخبرك عنه
واليعم الخير على الجميع ادل الزورا في عيمان انت اجدم شويه عنها
يعني على دخلة خور الحمريه بعد البويه الرابعه على اليمين
وان شاء الله نتقابل وياك ونتعلم منك في الميدان
اشكركم جميعا

barracuda

11-10-2009, 05:25 PM

انا بقولك طريقتي في التشخيط للخباط و جربها و ان شاء الله بتيب خباط

طبعا اذا انت تستعمل سنارة او خيط عادي المسافة من الطراد للبورد انت على كيفك بس الافضل تخليه شوي بعيد عشن ما يكون صوب الموي الي ايسويه الطراد و يبتعد عن حشرة المكينه اما من البورد للسمجة او القفشه انا اخلي 5 باع خيط 70 و 80 بورد رقم 6 او 7

الحين الخباط صغير و افضل شيئ له القفشه رقم واحد او القفشه رقم 3 بتيب فيه خباط و جش و دردمان و جد و بسار و تقدر تستعمل رابالا رقم 7 و هم ويا بورد رقم 6 و المسافة نفس مسافة القفشه

اذا ما فهمت شيئ قولي و برد اشرح لك مرة ثانية

اخوك

barracuda

الغدير

12-10-2009, 02:30 AM

خوي جرب طرق الشباب و ما بتندم إن شاء الله
و لو ما صدت انا بعطيك درس عملي في صيد الخباط و نهاية الرحلة لك هدية مني خيط جاهز مع الكفشة و البورد

صياد الخليج

12-10-2009, 05:45 AM

مشكور اخوي براكودا على التعليمات والله الكلام سهل والشرح اسهل
بس انت راعي بحر من زمان وانا احب البحر وايد وابغي اكون راعي بحر
مثلك ومثل باجي الشباب والله ودي بس التنفيذ صعب تعرف طلعت البحر مب سهله وخاصه لما الواحد ما يب شي ابد ..الحين انا بسير اجرب الطريقه وتوني امردع خيط التشخيط والله يستر هاي المره ..

اخوي الغدير والله مشكور على مداخلتك ويشرفني اني اكون وياك وانا تحت امرك وكل شي علي بس اتعلم وما ابغي اكلف عليك
والله فرحتني دعوتك للدروس العمليه ..
وان شاء الله كله ي ميزان حسناتك.

ابراهيم محمد

28-02-2010, 01:08 AM

احسن شى تغير نوع السمك وتغير طول الخيط والاحسن تستعمل سيم بدل الخيط
[

أسماك الامارات

28-02-2010, 06:42 AM

احسن شى تغير نوع السمك وتغير طول الخيط والاحسن تستعمل سيم بدل الخيط
[

هلا أخوي إبراهيم
السيم مب دائما ناجح واغلب الأوقات ما تقدر إتصيد بالسيم...فا الخيط أحسن.

مجرد رأي
بومحمد