طالبنكم لا تردوني

[ابوماجد]

اريد معرفة موسم السلس في ابوظبي متى يبدا وين احصله في اي االاماكن طبعا على السيف لاني ما احب ادش بحر

[النقرش]

حياك الله أخوي السلس تحصله اول مكان في ميناء زايد لازم ترمي خبز وبتعرف إذا موجود وثاني مكان البطين وفيه الكورنيش الجديد وفيه جسر المارينا وإنشاء الله الإخوان مابيقصرو معك...

[barracuda]

والله كان ودي اساعدك بس انا مب من بوظبي ما اقدر افيدك ><

[barracuda]

ان شاء الله اهل بوظبي ما بيقصرون وياك و بالتوفيق

[أسماك الامارات]

هلا أخوي بوماجد
بتحصله في الطويلة وميناء الصدر والمناطق المجاورة لها
وبتحصله في حوض بلغيلم (( حوض الشهامة )) وموسمه إن شاء الله في اول الشتاء
بومحمد

[ابوماجد]

يعطيكم العافيه على مروركم الكريم واسال الله ان يتقبل طاعتكم وان يجعل خواتم رمضان خواتم مباركه علينا وعليكم وعلى جميع الامه الاسلاميه.

[الغدير]

السلس تحصله في أماكن فيها أرصفة موانئ غالبا و حاول ترمي قطع خبز صغيرة فالبحر و إنتظر شوي و إذا في سلس تشوفه و بعدين شوف شغلك
خوي دش البحر و بتنسى السلس و لا شو رايكم يا شباب
بس لا تحكم على أول خمس طلعات تقريبا

تحياتي

[ابوماجد]

يعطيك العافيه على النصيحه
بس انا دخلت مره البحر وكانت ثالث مره ادش فيها بحر وبعدها تركت البحر
السبب/ دخلت ويا ربعي كنا 4 والطراد الى رحنا فبه كان 18 قدم وعليه مكينه وحده ياماها 95 على ما اضن
كانت ليله 15 مشينا داخل البحر( الحمرا) تقريبا ساعتين من الساعه 6.30 المساء وصلنا الساعه 9 المكان الي نحدق فيه عن طريق الماجلان. وبعده هب هوا والكينه ماطاعت تشتغل وكانت الموجه تحط في وسط الطراد قعدنا نحايل المكينه اكثر من نص ساعه لين اشتغلت وبعدها قررنا نطلع من البحر كان الطراد يمشي 3 امتار والموج يرده للورا مترين يوم الساعه 1.30 في الليل وصلنا على السيف واعتبرنا ان هذا عمر يديد انكتب لنا. وبعده قعدة سنتين مودر الحداق يرني الشوق وقمت ادور اماكن حداق ع السيف بس للأسف ما حصلت غير حوض الشهامه بس مافي شي ومن سنتين حصلت مكان لاباس فيه جزيرة ياس حصلت مكان فيه غزر مباشر ومازلت اصيد فيه حاليا الموسم الي راح طلعت 15 حية كنعد بالسلس الميت او الدردمان الحي في وقت موسمه. والموسم هذا بحاول ادور السلس من المنطقه انشا الله احصل بس بعد رمضان واذا حد يعرف اماكن احسن لا تبخلون علينا والله لا يراويكم شر ولا مكروه

[عاشق الهامور والصافي]

اخوي بالنسبة للسلس في الخور الي عدال حوض الشهامة عند مسبح السيدات هناك روح عند نهايته من جهة المزارع تحصل مكان نفس الشاطئ الصغير ارمي وفالك طيب ولكن في موسمه في الشتا وتقدر تطلع من المكان فوق المية حبة بأذن الله
اتذكر قبل خمس سنين تقريبا كنت اطلع العشرات وكان عمي يطلع خير كثير بس احنا ما ناكله نحطه للبركودا والكنعد والهامور يعني حق الصيد(طعوم)....الصراحة ذكرتني بأيام زمان اام كان حوض الشهامة فيه خير لايوصف من صافي الى جش الى سلس الى شعري الى:fishing_h4h:.. والحين تروح تصيد صافي صغار يادوب قد نص الكف وترده:r0o0t (45):
ان شاء اكون افدتك:)

[ابوماجد]

مكثور الخير وانا بعد ما اكله بس اسويه طعم حق الكنعد والجد