المساعد الشخصي الرقمي

مشاهدة النسخة كاملة : العون يا جماعه اخوكم طالبنكم ..!!

بو عبدالهادي
21-07-2009, 03:31 AM
السلام عليكم ورحمة الله وبركاته

يعطيكم العافية يا اخوان واشكر جميع من ساهم في تواجد هذا الصرح الجميل لتبادل الخبرات و تقضية حوائج المتسائلين

طالبنكم يالربع انا عندي اجازه وقررت اقضيها في بوظبي وابغي ادخل بحر بوظبي لاول مره ..يعني ما عندي فكره عن المحادق ولا شي فأرجو من الاخوان اللي عنده اي علم بمكان للصيد والحداق ما يبخل علي وبكون له من الشاكرين يالس لمده 4 ايام بطلع يومين وابغي اونس اهلي واخواني يا جماعه واكرر شكري وانا بانتظار الاخوان ..توصفلي مكان او احداثيات او اي شي وان شاء الله بيكون في ميزان حسناتكم واكرر شكري وتقديري اخوكم بو عبدالهادي
joker200
21-07-2009, 08:33 AM
أخوي انته من وين ياي وتبا مواقع على البر ولا في البحر ومن اي مكان من أبوظبي بتطلع .....
بو عبدالهادي
21-07-2009, 05:58 PM
اخوي جوكر200 >> الطلعة بحر يا اخوي بس مب وايد داخل يعني قريب مو بعيده عن بوظبي يعني حداق بالخيوط .. وبخصوص مكان النزول اتصلت على الشباب في الوزارة ودلوني عن وايد اماكن الميناء او تحت جسر المقطع او البطين او الصدر بس شكلي بنزله الميناء لانه قريب من الفندق اللي بسكن فيه فلا تبخل علينا الله لا يهينك ودنا ناكل شعري بوظبي ان شاء الله :) وندعيلك ان شاء الله
أسماك الامارات
21-07-2009, 10:46 PM
هلا اخوي بوعبدالهادي
انت تبى تطلع رحلة بحرية مع الاهل ولا بروحك مع العيال؟؟

بومحمد
بو عبدالهادي
22-07-2009, 02:59 AM
بو محمد طالع مع اخواني الـ 4 ونسيبي وخالي :) وكلنا من دبي

وهذي هي المشكله انا بظهر باجر العصر ويا ريت اتفيدوني يا جماعه يا ريت بأسرع وقت

وسمعت اقاويل من الشباب ان من مينا الصدر من تطلع على طول تلقى وايد اماكن للحداق

اما من المينا قالولي عند البويات يعني عند ثاني او ثالث بوية فر الخيط ؟؟ !!

فما ادري للحين اصدق من او من شباب دخيلكم اللي بيساعدني يدلني على مكان بس احدق فيه خفايف
بو عبدالهادي
22-07-2009, 06:50 PM
شباب انا انتظر منكم على الأقل لو موقع واحد ؟؟؟؟؟ ولا واحد عطاني لو وصف لمنطقه ..؟؟!! عجيب عالعموم مشكورين :(
Shadyzee
22-07-2009, 08:48 PM
أخوي بو عبود ان شاء الله الشباب ما يقصرون , خلي روحك طويله يا حبيبنا .

بالتوفيق ان شاء الله
بو عبدالهادي
24-07-2009, 02:24 PM
الحمد لله طلعنا >> والصيد كان ما شاء الله >> الله يبارك ويزيد بحر بوظبي زاخر والصيد كان مكفي والحمد لله ورب العالمين وفقنا
أسماك الامارات
24-07-2009, 06:50 PM
أخوي عبدالهادي
إسمحلي ع التأخير
لني كنت مشغول بصراحة

المهم طال عمرك
إذا طلعت من ميناء الصدر ترى اولا أقربلكولكن حاول ما تتقرب من أماكن الممنوعه لنه تعرف المحطة والمشاريع الجديدة تستوي هناك مثل ميناء خليفة
وأيضا عندك الحفريات في المنطقة

المهم جيك الخاص باجر إن شاء الله لنه الجي بي إس والله مب معاي حاليا وانا باجر طالع الغوص.

وإرسلي رقمك ع الخاص


بومحمد
الغدير
25-07-2009, 09:19 AM
خوي حط الإحداثيات فالجهاز و تقدر تشوف المسافات لأني ما أعرف من أي ميناء تطلع
لو تحدد أقصى مسافة تطلع عادة أقدر أفيدك أكثر إن شاء الله
ملاحظة: هالأيام الجو وايد حار و إحتمال الصيد ما يكون وفير
بالتوفيق