طلب صغير لكن مهم للغايه

[abuhussain79]

يعطيكم العافيه يا شباب...
عندي طلب واتمنى من نواخذتنا الاعزاء انهم يساعدونا ويتجاوبو مع الموضوع.
باختصار كنت ادور على خريطه لبحر ابوظبي تبين المناطق الممنوع الصيد فيها, كانت حقول نفط أو محميات أو غيره. يفضل لو تكون مع احداثيات, أو تكون موضحه بطريقه يسهل علي فهمها.
بصراحه يا شباب ملينا. كل مره نروح بحر تطلعلنا دوريه ويقولولنا نغير المكان لانه منطقه محظوره. ولليوم الحمد لله كل الي كانوا بالدوريات شباب طيبين, كانو يكتفو بس بانهم ينبهونا عالموضوع. لكن مين يعرف النصيب... مش كل مره تسلم الجره.
اتمنى من كل من لديه الخبره ان يتفاعل بالموضوع. ويفيدني ويفيد الجميع.
وشكرا مقدما
:shark:

[صياد جدة]

ان شاء الله اخواننا في ابو ظبي ما يقصرون معاك

بالتوفيق وتقبل تقديري

[الغدير]

خوي بو حسين,
في شركة فدبي إسمها "الكوم العالمية" و أعتقد عندهم فرع فبوظبي عندهم جميع الخرائط البحرية العالمية و تأكد قبل الشراء من سنة التحديث او التجديد و يبيعون أيضا كتاب " Admirality Chart " دليل الخرائط ممكن تعرف أصغر نقطة فالخريطة.
أما عن بعض المناطق الممنوعة من قبل حرس الحدود و إللي مب موجودة عالخريطة فهذا لغز لين الحينة ما إنوجد له جواب
الله يعينك و أتمنى لك طلعات طيبة إن شاء الله

[abuhussain79]

شكرا أخوي الغدير على المعلومه. جزاك الله كل خير

[FIGO]

نحن نحدق في ابوظبي وفي منطقة الشليله ومح كلمنا وصار لنا تقريبن سنتين نحدق على السيفه والصيد هناك طيب وفي احجام خياليه

[hishammm52]

نحن نحدق في ابوظبي وفي منطقة الشليله ومح كلمنا وصار لنا تقريبن سنتين نحدق على السيفه والصيد هناك طيب وفي احجام خياليه



السلام عليكم اخوي
انت تقول الشليله انا سرت كم من مره مافي شي كل الصيد شعم و مرات قليله يطلع جد بس احجام خياليه انا ما شفت الصراحه

[abuhussain79]

نحن نحدق في ابوظبي وفي منطقة الشليله ومح كلمنا وصار لنا تقريبن سنتين نحدق على السيفه والصيد هناك طيب وفي احجام خياليه

يعطيك العافيه اخوي Figo
ياخوي الحين صيد السيف مثل صيد البحر!
بعدين نحن يوم قررنا نظرب خط للشليله علشان نصيد, ما طلعنا غير شعم صغار, وما شفنا اي أحجام عوده او خياليه.
وين هذا المكان الي تقول عليه؟

[الغدير]

خوي عندي لك إقتراح لو تسمح!!!!
ليش ما تاخذ لك ماشوة مع مكينة صغيرة و تصيد شوي ابعد من السيف و تغير المكان وقت ما بغيت؟
و ممكن تشارك مع ربيعك لأن أتوقع بعد مدة ما تحصل مكان للصيد عالسيف.

[abuhussain79]

مشكور اخوي الغدير على الاقتراح الحلو.
والله انا فكرت اخذلي ماشوه لكن ما حصلت, أو الصراحه انا ما دورت عدل. وانا يا خوي ما عندي ذيك الخبره فيهن.
اكون شاكرلك لو تفيدني شوي بالاسعار والمواصفات, ولو تعرف حد عنده ماشوه للبيع يا ريت تخبرني.

[الغدير]

فالك طيب
إن شاء الله

[abuhussain79]

فالك طيب
إن شاء الله

تسلم يالغدير
ما قصرت والله

[بابا دريا]

نحن نحدق في ابوظبي وفي منطقة الشليله ومح كلمنا وصار لنا تقريبن سنتين نحدق على السيفه والصيد هناك طيب وفي احجام خياليه

هلا اخوي

ممكن تقول لنا وين بالضبط ماعليك امر

[barracuda]

ان شاء الله الاخوان بيسادعونك بالتوفيق