المساعد الشخصي الرقمي

مشاهدة النسخة كاملة : شو هوه الخيط لكويتي

hishammm52
11-02-2009, 03:32 AM
السلام عليكم
عدي استفسار بسيط يالنواخذ
شو هوه الخيط لكويتي و شو محاسنه و شو مساوئه ووين احصله في بوظبي
صياد جدة
12-02-2009, 03:33 PM
اهلا اخوي

ان شاء الله الاخوان ما يقصرون معاك

تقبل تقديري
علي الكبيسي
13-02-2009, 05:31 PM
والله اخوي اول مره اسمع عنه

والسموحه وان شاء الله الاخوان في ابوظبي بيخبرونك

وانا بسأل عنه

والسموحه مره ثانيه
بـ درياه ـو
18-03-2009, 08:39 PM
خيط كويتي


اسميييه خيييط عدل


من فتره كنت فبلاد وواحد من شباب شارلي اياه يباني اجربه


من جربته عطول ثاني يوم كل خيوط التشخيط اللي عندي خليتهن خيوط الكويتي


مميزاتهن

قويات بمليون مره عن الخيوط العاديه ويوم اتزر على الخيط يلينن

وعيوبهن بصراحه للحين ماشفت شي عليهن ..

صدت فيهن خباط وجنعد وضلوع وجش

والامور طيبه

هذا من واقع تجربتي انا وان شاء الله باقي نواخذه بيخبرونك عنهن

فبوظبي مادل وين يبيعونهن


عندك فدبي صوب الراس
بو سالم المهيري
28-10-2009, 09:31 PM
يا خوي الخيط الكويتي اشوفه من احسن الخيوط
اول شي قوي و ثاني شي ما يشربك و اذا اشربك بسرعه تقدر تبطله و ملمسه احسن عن الخيوط الثانيه بصراحه من جربت خيط الكويتي ودرت الخيوط الثانيه وانا انصحك باستخدام ها الخيط و هو موجود في الراس و في الشارجه عند ريزدنت ساس الي على البحر و في عيمان عند المينا بس انصحك خذ من دبي ارخص في محل اسمه النجم البحر عند شريف والله اسعاره ارخص من عيمان و السارجه

و السموحه
Abi
29-10-2009, 12:24 PM
السلام عليكم
عدي استفسار بسيط يالنواخذ
شو هوه الخيط لكويتي و شو محاسنه و شو مساوئه ووين احصله في بوظبي

هلا و الله اخوي
السموحه منكم يا شباب .. الي كتبوا عن الخيط الكويتي
الخيط الكويتي الي موجود في دبي و الشارجه مب هو الخيط الكويتي الأصلي .. هذا خيط ايطالي و يسمونه خيط كويتي لانه من نفس الشركه الإيطاليه انا جربته مختلف كليا عن الخيط الكويتي ( شركه المنار )

طار عمرك الخيط الكويتي بتلقاه بس عند دلما مارين في البطين و عند المسعود للمعدات البحريه في شارع السلام عند محلات الزينه و سعره الخيط 60 خمسه و ثلاثين درهم .
مميزاته انه خيط ما يتشربك و قوي و ناعم و ما يخترب من الشمس.
و انا ما استخدم غيره.
barracuda
29-10-2009, 04:32 PM
الخيط الكويتي هو خيط ايطالي بس اييبون لنا من الكويت و هو من افضل انواع الخيوط للحداق وا التشخيط و نا استعمله
لزاز
28-02-2010, 12:57 PM
انا استعمل الخيوط الكويتيه وهي الافضل صراحه

اسمهــــا خيوط سوبر ســـوفت Super Soft