احسن طريقه لصيد الهامور

[hishammm52]

السلام عليكم
حبيت استفسر يا شباب عن احسن طريقه لصيد الهامور داخل البحر من الطراد ؟

[علي الكبيسي]

مرحبا اخوي

طريقة صيد الهامور ما تختلف عن طريقة صيد الخباط الفرق بس في الميرور وانت تشخط

واتفضل ادخل على ها الرابط وفيه احسن الاسمك البلاستيك للهوامير

http://www.uaefishes.com/vb/showthread.php?t=242

وها الميارير على حسب العق الي انت بتصيد فية

وان شاء الله الشباب اذا عندهم زيادة ما بيقصرون وياك

والسموحه

[أسماك الامارات]

اخونا علي ما قصر معاك بالرد
وفي طريقة ثانية وهي طريقة صيد بالمحاياه

انا عن نفسي أصيد الهامور بالحداق إذا البقعه فيها خير.

الييم يكون جشة صغيرة
بومحمد.

[abuhussain79]

ماشاء الله الشباب ما قصروا... وانا أتفق مع اخوي اسماك الامارات. جشه صغيره ويفضل لو كانت عايشه, صيدها بالريش وعلقها بالميدار , وشوف حرب الهوامير عليها

[hishammm52]

اخوي ابو محمد لو كانت الجشه ميته عادي
و اشكر الجميع على الاهتمام
ابوحسين راويني خبرتك يوم الجمعه و الا بفضحك قدام الشباب في الموقع

[علي الكبيسي]

لا يا خوي ما يستوي وهيه ميته اذا حطيتها وهيه ميته الجد ما بيقصر وياك

[hishammm52]

مشكور اخوي علي على المساعده انا صارلي سنه ونص ما دخلت بحر كله صيد على السيف في ابوظبي و الصراحه ما في سمك نفس اول على السيف فخلاص قررت هاي الجمعه بروح بحر انا وخوي ابو حسين و انشاء الله بتسمعون و بتشوفون اخبار طيبه بس عسى الجو يكون اوكيه

[بـ درياه ـو]

هامور مايباله وايد

مثل ماقالو النواخذه

جشه حيه


سوله تدمينه باع وضرب ميدار ورا ظهرها لكن مب على عمود فقري وان شي هامور فالقوع تراه مابيشاور عطول بتحمله فوق ...

[سردال الامارات]

كنت ادور جش علشان اصيد الهامور

شبيت مني ومناك وماحصلت غير ثلاثر بساسير صغار

قلت باجربهن للهامور

شو رايكم اني صدت هامورين

الهامور يوم يكون يوعان مايفرق بين أنواع السمك
على طول يلطم من اليوع


بعض الأحيان الهامور مايضرب على كثرة في القاع
حتى لو السمجه حيه

[فرحة عمر]

حلوة شغلتكم جان زين نحن انروم انسوي جي :)


الله يعطيكم العافية

[راعـي المعاني]

السلام عليكم ورحمة الله وبركاته ، تحياتي لجميع الأخوان إلى شاركوا في المرور على الموضوع سواءا بالتعليق أو بالإضافة ، والشكر موصول لأخوان صاحب الموضوع على تحريك النواخذة في طرح خبراتهم من خلال الإجابة على هذا السؤال ، الغالي أخوية "hishammm52" ، بالنسبة إلى صيد هناك عدة طرق تستخدم لصيد الهامور ، تختلف بإختلاف المناطق والوسائل ، فمنها ما يستخدم من خلال التشخيط ، ومنها ما يستخدم من خلال الحداق ، ومنها ما يستخدم من خلال البويات ؟؟؟ ، ومنها ما يستخدم من خلال المحاياه بلهجتنا العامية ، يعني مثل ما قالوا الأخوان "جشه حية" في خيط التدمينه ، طبعا كل نوع له ميزته في الحجم ، وأبغي أظيف على أخوية الغالي ونوخذاية العود "علي الكبيسي " حول نوع الميرور ، نحن أكثر شيئ نستخدم الربالوا في الميرور "النغر الحمر" نوع يازورا ياباني ، مختلف الحجم على نوع الميرور ، أو نلفح بالسمجة الحمرا ، في مكان تواجده ، أخواني وحبايب أرجوا السموحة على الإطالة أنا عندي كلام وايد أقوله في هذا المجال ، لكني أكتفي بهذا المقدار من التبيان ، وأترك المجال لغيري من الأعضاء لإبداء آرائهم ، بالتوافيج .