ممكن تدلوني على اماكن صيد في دبي

[صياد جدة]

ابي فزعتكم باماكن صيد في دبي من الشاطي اخواني

انا لي فترى اصطاد في دبي مارينا شرق الشيرتون وحبيت اجدد لو لقيت اماكن

تقبلوا تقديري

[أسماك الامارات]

إن شاء الله اخوانا في الصيادين من دبي بساعدونك

بومحمد.

[صياد جدة]

اشكر لك مداخلتك وتواجدك الدائم اخوي بو محمد

[علي الكبيسي]

ان شاء الشباب ما بيقصرون اهل دبي

واذا خاطرك في ام القيوين من عيوني

[صياد جدة]

ان شاء الشباب ما بيقصرون اهل دبي

واذا خاطرك في ام القيوين من عيوني

هلا والله باخوي علي الكبيسي

مشكور وما قصرت اخوي وفيك الخير

ان شاء الله لو حصلت فرصه اتشرف بمعرفتك

تقبل تقديري

[النقرش]

إنشاء الله العضو بركوودا مابيقصر معك وشكلك مجرم سيف...


تحياتي لك...

[صياد جدة]

إنشاء الله العضو بركوودا مابيقصر معك وشكلك مجرم سيف...


تحياتي لك...

هلا بك اخوي النقرش:r0o0t (9):

اسعد الله اوقاتك:fishing_h4h:

تراني طيوب توي متعلم الحداق من30سنه بس:r0o0t (9):

اجبروني اطلع رخصه صيد ترفيه وفرفشه وباجر بروح اطلعها بحول الله:r0o0t (39):

وان شاء الله اخونا بركودا يدخل للموضوع ويفزع لي

تقبل تقديري

[بـ درياه ـو]

دبي


افا علييك


بخبرك من آخر تجربتي يوم رديت بلاد


شرق يزيره العالم = صيد شعري كان صيد عادي مب وفير لكن الخباط وكنعد ماشاء الله كان وايد ..

غرب يزيره العالم= في مشد الشيخ محمد بن راشد ال مكتوم سرت اصيد بالحدق ماحصلت شي جربت تشخيط يبت جشه كبيره . سرت عقب اغوص طلع القوع مافيه شي ...

عالي يزيره العالم بعد 4 ميل مادري بالضبط ( ماستخدم جي بي اس ) شي بويه كبيره تعال سافليها واحدق شي صيد حلوو

عالي يزيرة النخله = امسحها من بالك لان جربت عاليها بعد 5 و 10 ميل وبعد 200 متر ولا يبت هاك الصيد الوفير .

مع ان الكل كان يقول قرب يزيره شي صيد وفير لكن للاسف كله كلام فاضي .. الصيد كان عادي..

سرت عالي كهربة دبي = السفن لعوزني من عالي ومن سافل كله سفن وصيد كان تعبان ..


واحسن مكان سرته خلال هاك شهر كان شرق يزيره العالم كله خباط وجنعد ودردمان



^_^ ان شاء الله عيبك التقرير


ها تقرير عن شهر 2

[بـ درياه ـو]

دبي


افا علييك


بخبرك من آخر تجربتي يوم رديت بلاد


شرق يزيره العالم = صيد شعري كان صيد عادي مب وفير لكن الخباط وكنعد ماشاء الله كان وايد ..

غرب يزيره العالم= في مشد الشيخ محمد بن راشد ال مكتوم سرت اصيد بالحدق ماحصلت شي جربت تشخيط يبت جشه كبيره . سرت عقب اغوص طلع القوع مافيه شي ...

عالي يزيره العالم بعد 4 ميل مادري بالضبط ( ماستخدم جي بي اس ) شي بويه كبيره تعال سافليها واحدق شي صيد حلوو

عالي يزيرة النخله = امسحها من بالك لان جربت عاليها بعد 5 و 10 ميل وبعد 200 متر ولا يبت هاك الصيد الوفير .

مع ان الكل كان يقول قرب يزيره شي صيد وفير لكن للاسف كله كلام فاضي .. الصيد كان عادي..

سرت عالي كهربة دبي = السفن لعوزني من عالي ومن سافل كله سفن وصيد كان تعبان ..


واحسن مكان سرته خلال هاك شهر كان شرق يزيره العالم كله خباط وجنعد ودردمان



^_^ ان شاء الله عيبك التقرير


ها تقرير عن شهر 2 اللي طاف

[الغدير]

خوي صياد جدة السموحة عالتأخير

أنا ما أصيد من السيف و لكن هالأماكن أشوف كثيرين يصطادون لما أطلع البحر بالطراد

1- جبل علي جنب فندق جبل علي من اليسار.
2-ميناء الصيادين جميرا رقم 1 و 4 و 5.
3- الشاطئ المفتوح فجميرا
4-أمام فندق حياة ريجنسي عالكورنيش.
5-كاسر ميناء الحمرية- ديرة.
6-ممزر دبي عند مدخل الخور.
7- خور الخان أو قناة القصباء- الشارقة

جرب حظك و إنشاء الله موفق

[FIGO]

اخوي هل يوجد صيد في المنطقه الي انته تصيد فيها وهل احجام السمك كبيره ؟