شو احسن طريقة لصيد الخباط

[hishammm52]

السلام عليكم و رحمة الله و بركات
عندي استفسار يا اخواني عن احسن طريق لصيد الخباط الصاروخ ولا السمك البلاستيك و كيف طريقة الاستعمال
وشكرا ما ابي اطول عليكم

[القبيسيه]

تسلم اخوي عالمرور
وابصراحه انا ما عندي فكره
واتمني اهل الخبره ينفعونك

[hishammm52]

مشكوره اختي القبيسيه على اهتمامك و انشاالله اهل الخبره ما بيقصرون

[علي الكبيسي]

مرحبا اخوي

شوف استخدام الصاروخ اذا شفت الخباط يقفز فوق ويكون عدده كبير
يعني اكثر من خمسين وفوق اوقف عنده وفر الصاروخ بعيد واسحب باسرع شي عندك لان الصاروخ بس حق اللفاح وانت واقف مكانك بس خل الصاروخ ينزل شوي في القاع ولاتنسى خذ الصاروخ الي فيه ميداريين ويكون الريش ماله كبير والوان لماعه عشان تجذب السمك لاتنسى يوم بشوف السمك تعال سيده فوقه وفر الصاروخ بس تعب شوي


والسمك البلاستيك حق التشخيط يعني وانت تمشي شوي شوي السرعه ما ادري كم الشباب بيخبرونك لاني انا اعرف السرعه من دون القياس مال ار بي ام او بالعقده
بس فيه اسماك فيها نفس الاجراس داخل وهاي وايد زينه وفي انواع وايد زينه ثانيه وخذ بورد البورد عباره عن قطعة لونها برتقالي وهاي القطعه تخلي السمكة البلاستيك تنزل في القاع لانه في بعض الاوقات يكون الخباط تحت في القاع ف ها الشي يساعدك على انك تصيد


معلومه ازيادة من عندي فيه بعد بو الريش وهو عبارة عن خيط ويكون فية حوالي عشرين ميدار واقل وها حق التشخيط وانت تمشي يعني اذا صدت فيه السمك البلاستيك توح بو الريش وان شاء بتصيد اذا الخباط ياكل فوق في السطح

وان شاء الله تستفيد مني و اي سؤال انا في خدمتك

والسموحه اني طولت في الكتابة

[بوحمدان]

ما قصر اخوى على الكبيسى

[hishammm52]

مشكور اخوي علي الكبيسي على الرد الوافي و ما قصرت وانشاء الله بجرب طريقتك يوم الجمعه الجاي و بنشوف و عساه خير
مشكور

[أسماك الامارات]

أخوي علي الكبيسي ما قصر بالرد
كفيت ووفيت بوحسن الله يعطيك العافية
وإن شاء الله أخونا السائل حصل ع الجواب المفيد



بومحمد.

[بـ درياه ـو]

السمجه البلاستيك الصياده بنسبالي انا هي

سمجه علم دبي لكن مب العاديه خذ اللي اتيك لماعيه وفي منهن نوعين وحده وايد تلمع وثانيه شويه خذ اللي تلمع وايد وجربها صدقني بتعجبك

وبورد خذ قياس 8 وخيط كويتي

وامورك طيبه

وسرعه ابداها 5 وان ماطاع يضرب زيد لين 6 ولا 7 ميل .