فزعتكم ياربع ...........

[بــوالـولـــيد]

السلام عليكم
شحالكم
عساكم بخير


عندي استفسار بسط ونشاء الله مابتقصرون
بخصوص لو ابا اقلص طراد لعمان ماشي مشاكل فالحدود انا اعرف انا الدرجات مال البر عادي بس شو ترتيب الطراد وانا ابا اقلص الطراد لمزرعه ريال فالعقر لو دلونها يعني شو بيقولون يدخ ولا بيردوني
ارجو الافاده
والسموحه نكم يانواخذه
اخوكمـ
بوالوليد

[yuosef333]

الله يسامحك بوالوليد

الترتيب كله عند بوزايد

صح انه قاعدوه بس كلمة تمشي من باب الاحترام

تتذكر يوم رحنا مع الشلة الفاسدة الله يصلحهم 3 طراريد باراكود و يبنى الخير يوم كل واحد ودى بيته

نسيت الرحلة بس حرام ما عندى صور و لا حطيناها في المنتدى

بس ننتظر رد الشباب يمكن حد عنده كلمة ثانية

وتسلم بو الوليد

[أسماك الامارات]

هلا أخوي بوليد
بخصوص نقلك للطراد من الإمارات إلى عمان مر ع القنصلية او السفارة العمانية بيعطونك تصريح للدخول وما يباله شيء .

لأنه بالطراد بردونك إذا ما عندك تصريح ولكن الطريقة إلي خبرتك هي قانونية وما عندهم مانع في السفارة او القنصلية.
فا نصيحتي مر عليهم وبيعطونك تصريح .

في بعض المرات ما تعرف من ع المركز سبحانه الله في ناس ما يطوفون وأغلبهم ما يطفون .

بومحمد

[بــوالـولـــيد]

مشكور يابومحمد دومك تنقذنا بفكراك وخبرتك
فيك الخير ماتقصر


وبويعقوب الريال يمكن مايعرف الي مدوين هالمره
وبيني وبينك انا مستحي ارمسه
ومب كل مرة تسلم الجره


لكم مني اجمل تحيه
اخوكمـ
بوالوليد

[الغدير]

خوي,
مثل ما تفضل الاخ بو محمد و ممكن ايضا تتصل عالحدود و تكلم المسؤولين و هم ما بيقصرون و عالحدود سواء الامارات او العمان الشباب خدومين و الله يقويهم
المهم الطراد يكون مسجل و اذا شاري طراد و بتسجله فعمان لا تنسى شهادة عقد البيع و مصدقة
يمكن ما يطلبون عالحدود و لكن احتمال تحتاجهن
الله يوفقك و اتمنى لك السلامة

[بوحمدان]

مثل ما قال اخوى بوحمود مر القنصليه او السفاره وريح نفسك

[بــوالـولـــيد]

مثل ما قال اخوى بوحمود مر القنصليه او السفاره وريح نفسك

ترى هذه الي بسويه وانشاء الله الرحله بتكون فأجازة الربيع لمزرعة ريال
فعمان فمنطقة العقر مزرعه ع البحر والجو انشاء الله بيكون عالمي


الغدير
يعطيك العافيه ومشكور ماقصرت

[بوسلطان]

السلام عليكم بوالوليد

تبى ادخل الطراد بدون محد يكلمك

راسلني على الخاص

وتقبل فائق احترامي

اخوك بو سلطان