الفرق بين 4 strock و 2 strock

[أذكر ربك]

السلام عليكم يا شباب
حبيت اتناقش وياكم عن الفرق بين المكاين
4 strock
2 strock
الايجابيات والسلبيات بين النوعين وكل واحد يكتب لنا الي يعرفه
اول شىء 2strock

الايجابيات
خفيفة الوزن
أسرع
أقل تكلفه
المكينه مب معقده
قليلة الأعطال
سهلة التصليح
قطع الغيار متوفر
سعرها فيها عند البيع
تصميم المكينه قديم مما يجنبك العيوب المصنعيه
السلبيات
صوت المكينه عالي
استهلاك البترول
الدخان
صعوبة تشغيل المكينه
خلط الزيت مع البترول

اما مكاين 4strock
الايجابيات
المكينه هادئه
توفير في استهلاك البترول
تبديل الزيت كل 100 ساعه
التقنيه الحديثه
شكلها حلو

السلبيات
وزن المكينه ثقيل
قيمة التصليح عاليه
عدم توفر قطع الغيار
التصليح مب عند اي ميكانيكي
المحافظه عليها اكثر من المكاين العاديه
مافيها سرعه

إليكم الفيديو لنرى الفرق بين نوعين المكاين

شوف كيفية عمل نظام strock 2 (http://www.youtube.com/watch?v=LuCUmQ9FxMU&feature=related)

شوف كيف تعمل مكاين strock4 (http://www.youtube.com/watch?v=-8cXXjsRg70&feature=related)

تبغي تعرف من الاقوى (http://www.youtube.com/watch?v=_-7I00cZUE0)

شوف الفرق (http://www.youtube.com/watch?v=1XRCDN3JKZ0&feature=related)

[سمكة الامارات]

يعطيك العافية اخوي ومباركن عيدك....

[المحيط الهادي]

كل الكلام اللي ذكرته صح


واضيف عليك

الاخطاء اللي تحصل مع معظم الفور ستروك كسر المحرك والخلط بين الماء والايل.... يعني في الدرام مصيرها وخاصة اذا الطراد ثقيل شوي

واللي عنده انصحه يبدل ايل كل 50او 60ساعه وما عليه من كلام الوكاله

واذا كان ايريد يوقف الطراد لفتره طويله لازم يغسلها بماي حلو والا الكسر مصيرها

وانصح الاخوان بعدم شراء الفور استروك حتى اشعار اخر

لان الاخطاء اللي حاصله انا اعتقد انها من المصنع بحكم ان المحركات هذي ما اخذت وقت كافي


في مثل يقول

عتيق الصوف ولا يديد البريسم

[أسماك الامارات]

تسلم اخوي إذكر ربك ع الموضوع للنقاش وأشكر أخوي المحيط الهادي

انا سمعت إنه السرعة و القوة نفس الشيء ولكن الفرق في إستهلاك البترول

بومحمد

[yuosef333]

جزاك الله خير اخوي ( أذكر ربك )
ويعطيك الله الصحة على كتابة المواضيع

[barracuda]

مشكوووور على التوضيح و الشرح تسلم

[علي حسن عيسي]

شكرا على التوضيح اشوىء ما استعجلت و اشتريت 4 ستروك