فزعتكم ياشباب

[الهوي بحري]

السلام عليكم ورحمة اللة وبركاتة

سوال ياشباب ايش الفرق بين قوارب الختال 28 القالب الجديد وقوالب بن غليطة 27 قدم في الموج العالي والراش والمطرح اتمني الاجابة من اصحاب الخبر ..


والشكر للجميع مقدما اخوكم الهوي بحري


الخبر - المملكة العربية السعودية

[أسماك الامارات]

وعليكم السلام ورحمة الله وبركاته
هلا أخوي الهوي البحري

إن شاء الله الشباب إلي إستخدموا هذي النوعيه من القوالب يردون عليك بإذن الله.

بومحمد.

[أذكر ربك]

سامحني يا خوي اللي أعرفه انه الختال وايد زين لكنه يخرس بسرعه
وفب الموج مشاي
بن غليطه ماعرف عنه شي
والسموحه

[غلا داري]

اسمحلي اخويه ما عنه شي

[صاحب السمو]

اخوي مصنع الختال لهم كذا قصة واسعار القصات اتبلش من 1450 الى 1850 درهم للقدم الواحد وعندك اي حجم يعني عندك 20, 21, 22 .....40 قدم والعربانة سعرها بين ال 9000 و ال 11000 درهم واي شي تبي زيادة من كبينه او حمام (يكرم القارئ) اجهزه او مظلة او كهربه و غيره كله بحسابه والدفع 50 بالمئه مقدم و 50 بالمئة وقت الشحن والشحن يكلفك 3500 درهم تقريبا والمصنع بمنطقة الجداف بدبي ومحمد الختال راعي المصنع ريال ذهبة وعلشان ما اطول اكثر ترى و للامانة الطراد وحش من جميع النواحي وبناء على تجربه وموثقيل يعني ال 26 قدم مكينتين من 115 لين 140 يطيرونه.

تفضل اخوي هذي ارقام المصانع :
الختال: 00971506544848
الحارب : 00971507385434


اما عن بن غليطه ماعندي اي معلومه عنه والسموحه

[roooh]

ما عندي اي معلومة عنهم
اسمحلي

[علي الكبيسي]

اخوي صاحب السمو ماقصر

وان شاء اتحصل مرادك

[الغدير]

خوي بالنسبة للختال فمثل ما تفضل الاخ العزيز صاحب السمو و ما شاء الله عليه
اما بن غليطة 27 فهو جديد فالسوق مقارنة بالختال و ما انشوف وايد منه فالبحر فانصحك بالختال او انشوف حد عنده بن غليطة و يرد

[المحيط الهادي]

الطرادين اللي ذكرهتم من افضل المصانع في الخليج


ولكن لانهم 27 قدم ما ينفعون في الموج العالي ابدا لان الطراد الصغير

ما يقفز من فوق موجتين بعد الموجه الاولى راح يقفز تحتها وراح تحس

بالدق او الرضاخ مثل ما تقولون عندكم .....


ولكن اذا كان ما عندك اختيار اخر غير 27 قدم فانا من وجهة نظر وتجربه

عليك ب بن غليطه ولكنه غالي وما اعرف اسعاره بالظبط

[الهوي بحري]

يعطيكم الف عافية ياشباب وماقصرتم على هل الردود الجميلة


المشكلة انا مجرب صبة اليامها بانواعها ومشكلتها انها تراضخ في الموج العالي وسبب اختيار 28 او 27 قدم هو سوء المنازل (المارينة)

[ع ـآزف الأحزان]

وعليكم السلام ورحمة الله وبركاته
هلا أخوي الهوي البحري

إن شاء الله الشباب إلي إستخدموا هذي النوعيه من القوالب يردون عليك بإذن الله.

بومحمد.

تقبل مروري

[duosrl]

الله يوفقك انشالله

[خيماوي 200]

الصراحه ما عندي خبره فهالشئ
والسموحه منك الغالي