تغيير جو في ابوظبي بشو تنصحونني

[اماراتي]

السلام عليكم ورحمة الله وبركاته
حجزة في نادي ضباط القوات المسلحة لمدة يومين الثلاثاء والاربعاء القادم
طبعا مع العيال وصراحة اريد من اهل الخبرة شو ينصحونني وين اسير وكيف اسوي جدول لهاليومين مع العيال ابي اماكن مافيها زحمة طبعا ادري اهل بوظبي مابقصرون الغدا والعشا عليهم :)
والريوق مابي اتعبهم فيه لانه القبيسات مابقصرون
نرجع لموضوعنا
اريد اماكن الترفيه المناسبة واسف للازعاج مرة اخرى ودمتم بخير وعافية

[القبيسيه]

السلام عليكم اخوي اماراتي

===============


فالك طيب حياكم والله البيت بيتكم غدا وعشا وريوق وسحوره وقهوة العصر ( نتشرف اخوي )


والله الصراحه وايد اماكن تقدراتزورها في بوظبي ..

اممم

انا بحط لك الاماكن وانت اختار


بخصوص الاماكن العامه تقدر اخلي الصغاريه يستانسون

عندك :


المــــــــــــــولات
=========

الوحده مول

وايد حلو تسوق وتلاعب الصغار العابه حلوه وعندهم فعاليات حق الصغار وجدام مكان اللعاب في استراحه ومطعام الفاست فود اي بتقوول زجمه مب زحمه ابدا وبترتاح ... وتحت في الطابق الارضي محل ايسكيم يجنن جربوه بيستانسون الصغاريه .


الخالديه مول


وايد حلو بعد تقدر تستانس فيه ومكان اللعاب وايد حلو وللكل كبار وصغار .




واذا انت تبا رحلة حلوه

عندك جزيرة اللولو روعه حق رحلة عائليه مريحه

جزيره اللولو تقدر توصل لها من الكاسر توقف السياره في البارك وتركبون
من هناك طراد وعقب توصلون الجزيره اهناك تدفعون 15 اذا تركب الباص
و 25 اذا القطار اركب القطار احلا تغير وعقب اتلف لين ما تختار المكان في بحيره فيها القوارب حلوه وعندك الشلالات وعندك البيتش انت تختار اللي تباه وانت ادور في القطار وعقب تنزل والباصات اتمر كل اشوي وكل شي هناك متوفر الاسعافات الامن وكل امور السلامه . خذو معاكم الاكل لان المطعم مب شي وهو واحد وبعيد .


وعندك جزيرة الفطيسي اتروم تحجز فيها بعد وتستانس فس الشاليهات .


وعندك الخيار الثاني انك على الكورنيش في شاطي فيه مطاعم وفيه كل شي بس المشكلة اللي فيه لازم توقف ع الشارع الثاني وتعبر
عسب توصل للمكان .


ها اللي اشوفه مناسب للعائلة




تحياااااتي خبرني اذا بغيت استفسار ثاني

[سلمان]

انا خبير سياحه..يابوعبدالله
برجع لك..:)

[سلمان]

اجمل مايميز بوظبي حاليا الكرونيش تقدر تاخذ لك لفه في مشيا على الاقدام..:)
وفي رحلة بحرية في يخت تابع لفندق الميريديان إسمه Shuja Yacht يعمل جولة بحرية على فترتين فترة الغروب sunset cruise لمدة ساعة ب 60 درهم وتنتظر اليخت من الساعة الخامسة أمام نادي يخوت المارينا أو أبوظبي للرياضات البحرية الموجود في منطقة كاسر الأمواج لأن الجولة تبدأ في الساعة 5:30

http://solie.jeeran.com/IMG_0179.JPG

وفترة العشاء royal banquet لمدة ساعتين ب 160 درهم وتنتظر اليخت في نفس المكان السابق من الساعة 8 لأن الجولة تبدأ في الساعة 8:30
ويفضل الحجز قبلها بيوم بالتليفون رقم 6742020

اما المطاعم
وفي مطعم ممتاز للعائلة إسمه أرض المأكولات ورقمهم 6330099 أكلهم حلو والقعدة فيه إلها خصوصية للعوائل كل عائلة لها جلسة منفصلة

مراكز التسوق:

مركز التسوق المارينا مول وموجود في جزيرة كاسر الأمواج المرتبطة بجسر صغير مع أبوظبي والمطلة على الكورنيش وفي المركز مطاعم وتطل على البحر وخارج المركز بالقرب منه قرية صغيرة للتراث وبعد مازلنا في منطقة كاسر الأمواج تتمشى فيها وتشاهد صورة بانورامية أمامك لكامل ساحل أبوظبي وكورنيشها اللي أصبح الآن كله جديد في جديد
مركز التسوق أبوظبي مول مركز كبير ويقع في منطقة النادي السياحي وملاصق له مبنى فندق الشاطىء روتانا ويطل على البحر ولكن مب على الكورنيش
مركز التسوق فتوح الخير مركز متوسط في الحجم بعد حلو فيه محل ماركس سبنسر (هذا المحل بعدني ما أشتري منه لأنه محل يهودي على الرغم إن ما فيحد ما يشتري منه ..ما زلت مقاومة) وفيه كافييه ومطعم حلو يتوسطه إسمه كافيه دولا بيه

مركز تسوق مدينة زايد وهو مبنيين واحد للذهب والثاني للملابس وفيه محلات منوعة بس ما يعادل أول ثلاثة مراكز بس فيه محل أثاث مشهور إسمه هومز آر أس

متاجر منوعة ألبسة نسائية وغيرها :

BHS في شارع حمدان والتليفون 6211242
وNEXT في شارع حمدان والتليفون 6219700


هذا نقلته لك من الاخت اليازيه في العرب المسافرون

[سلمان]

القفز الجوي Indoor Skydiving

http://images2.sina.com/english/technology/p/2008/1012/bb24854e6eea5a0399e003d581b29a44.jpg

معلومات عامه عن المكان :
الاول من نوعه في الشرق الاوسط .. حيث تبلغ مساحة المكان
العرض :3.50 متر .
الطول: 7 متر
المكان ممناسب لجميع افراد العائله .. في البدايه يكون في تدريب بسيط و تاخذ بعض التعليمات من المدربين .. المكان يكون عباره عن نفق يدفعك الهواء الى اعلى بسرعة 120/150 كيلو في الساعه .. التجربه هذي ما تتطلب اي خبره في الطيران . الملابس موجوده في المركز نفسه. يسمح بدخول الاطفال فوق سن الاربع سنوات. ما ياخذون اي حد وزنه فوق 90 lol يعني اذا كنت من عائلة الدوببه الطيبه ما ينفع لازم تسوي رجيم الله كريم

المكان: ابوظبي
اوقات العمل: 7 ايام في الاسبوع .. من الساعه 6 مساءًا - 11 مساءًا

الاسعار متفاوته انصح بزيارة الموقع الرسمي

http://www.indoorskydiving.ae/index.html

موقع المكتب في فندق الهيلتون ، في مركز الرياضه التابع للفندق.
التقاطع بين ش الكرامه و ش السعاده
ممكن تتصل ع الرقم 024463653

[اماراتي]

طبعا اختي بش انا ياي بدون ثلاجة والغدا ابي فيه هامور مشوي (امزح)
تسلمين اختي سجلت هالاماكن وان شاء الله تعجب الصغارية
اخوي سلمان انا مغامر وياراسك:mad:

تسلم بوحمده على المعلومات ويمكن ازورك بالشقة;)

[سلمان]

حديقة الشيخ خليفة
تعتبر حديقة الشيخ خليفة واحدة من أكثر الحدائق تميزاً في أبوظبي. وهي تقع في منطقة المطار بالقرب من مطار البطين. وتعكس هذه الحديقة الخلابة فن العمارة العربي الإسلامي، وتستلهم في تصميمها عدداً من كبريات حدائق العالم. وقد جعلت مساقط المياه، والبحيرات ذات الإنارة الخافتة، والبرك والنوافير الجميلة، من هذه الحديقة واحدة من المعالم الرئيسية في أبوظبي.
حديقة مشرف للأطفال
تضم عاصمة دولة الإمارات العربية المتحدة زهاء 20 حديقة ومنتزهاً من الحجم المتوسط. وإذا كنت تبحث عن الأراجيح وهياكل التسلق والمزالق من أجل الصغار، فإن في المدينة عدداً من الحدائق مثل حديقة آل نهيان وحديقة العاصمة وحديقة المدينة وحديقة البحيرة. وتعتبر حديقتا الخالدية ومشرف أكبر الحدائق وأكثرها ارتياداً من المقيمين.
[COLOR="Red"]الموقع: منطقة المشرف، قرب مدرسة الشويفات
التوقيت: من السبت إلى الخميس من الساعة 15:00 – 22:00
يوم الجمعة من الساعة 15:00 – 21:00

[سلمان]

المحميات الطبيعية
تضم جزيرة صير بني ياس مراكز إكثار الحيوانات الأصلية في الإمارات العربية المتحدة وغيرها من الحيوانات الصحراوية. ولا يسمح بزيارتها إلا وفق ترتيب مسبق. ومن أجل زيارة الجزيرة، يمكن الحجز عن طريق منتجع دانات جبل الظنة. تقع جزيرة صير بني ياس على مسافة 240 كم إلى الغرب من أبوظبي وتبعد 9 كم عن رأس جبل دانة. (الزيارات والرحلات الجماعية إلى صير بني ياس معلقة مؤقتاً بسبب مشاريع التطوير الواسعة التي تشهدها).

منتجع دانات جبل الظنة

هاتف: +971 2 801 2222

[أسماك الامارات]

ما شاء الله عليكم ما خليتوا شيء حقنا.

فالك طيب بوعبدالله
المكان مكانك طال عمرك
وإن شاء الله إنكون متواجدين

طبعا بزيد شوي ع الشباب والشابات.

عندك كيدز بارك
موقعه في منطقة الباهية قريبة من الشهامة.

طبعا يفتحون من الساعة 9 صباحا لغاية 1 ظهرا ومن الساعة 3 مساءا لغاية 8 مساءا ما عادا يوم الجمعة من الساعة 9 صباحا لغاية 11 ظهر والمساء من 3 مساءا لغاية 9 مساءا

طبعا هي عبارة عن حديقة حيوانات أليفة مصغرة تعرفية للأطفال.

تذكرة الدخول 20 درهم

تحمل أيام العطل ما بتحصلك مكان زحمه فوق زحمه.

صالة تزلج بمدينه زايد الرياضية.

بومحمد.

[اماراتي]

تسلم بوحمده ويابومحمد
واخوي بومحمد نسيت مكان مهم
العزبة باخذ زيارة لها طبعا بشرط انك تكون غير موجود:)

[القبيسيه]

يالله الحمدالله الشباب ما قصرو اخوي سلمانما خلا شي


تاج المنتدى ما شالله عليه عيني عليه بارده بو حمده

تحياااااتي لكم واجازة سعيده اخوي اماراتي


الثلاجه مسامحتك فيها خلاص ههههههههههههه

[اماراتي]

يزاج الله خير اختي القبيسية وهذه احلا بشاره سمعتها اليوم انج سامحتيني عن الثلاجة تصدقين حتى بومحمد اليوم يالس يعايرني فيها
وقبلها بوحمده قلت ياهي لوامه فالقبيسية لكن الحين هم وانزاح :)

[علي الكبيسي]

عندك القيادة العامة مكان زين تراه

هههههههههههه

[اماراتي]

الحمدلله رجعنا
طبعا السكن كان فوق الممتاز كان في نادي ضباط الجيش يعني اخوي علي جريب عن القيادة بس قيادتنا (وزارة الداخلية)
واهم شي العيال استانسوا وايد ومعظم وقتهم بالمسبح
لكن محد من اهل بوظبي عزمني لا ريوق ولا غدا
ولا حتى هامور صغير مشوي وصراحة استحيت حتى اتصل لبومحمد
وانا اقول ليش القبيسات اتنازلوا عن الثلاجة ...........:)

[سمكة الامارات]

هههههههههههههههههه

افااااا عليك امـــاراتي يا ليت كنت ادري بعزمك انت والاهل والصغارية احلى عزيمة اكيد تستاهلون كل خير والله......

والقبيسية تنازلت عنها صدقني لانها كريمة وايد المره الجاية انا والقبيسية عازمينك انت والاهل والصغارية ومنراويك كرم اهل بوظبي

ههههههههههههه

[barracuda]

اشكرك على الموضوع