محتاج مساعدة

[khallood93]

السلام عليكم و رحمة الله و بركاته

ياشباب الحين موسم التشخيط بس ابا اعرف اذا حق الخباط اي عمق اشخط فيه و البورد احط اي رقم ؟؟؟ واذا حق الجنعد اي عمق ؟؟؟؟ واذا حق الهامور اي عمق ؟؟؟؟

و جزاكم الله الف خير

[الغدير]

خوي لو ممكن تحدد المكان عشان المسافة بين البورد و الطراد يعتمد عالعمق و سرعة الطراد...
بعطيك الأسرار لو تشخط على عمق 10 إى 12 متر بس لتخبر حد!!!! أمزح
حجم البورد =رقم 6 أكثر يستخدم و ممكن رقم 7
المسافة من البورد و الطراد =10 باع او اقل
المسافة من البورد و الكفشة= 2.5 إلى 5 باع
حجم الكفشة للخباط= رقم 1 أكثر إستخدام و ممكن 2 و 3
السرعة=4.5 إلى 6 ميل
ملاحظة: ساعات السر مب فالترديعة(ربط الخيط) السر يكمن فالخباط نفسه لانه ما ياكل مع توافر كل التجهيزات لصيده
طريقة مجربة و السموحة من السماميج إذا في اي خطأ
و أتمنى لك صيد ممتع و لا تنسى الودام

[علي الكبيسي]

اخوي انا بزيد ع الاخوان وعلى حسب خبرتي الغالي يوم بشوف الخباط ياكل

وايد ويعافد لازم اتعرف المياه اذا فبر او تسجي وعلى الاقل يوم بسير

اتشخط لا تخلي شي لا تشله وياك الميرور والكبشه وبوريش الي فيه

مسيم لانه الخباط قام يدلع ها الايام واهم شي الوقت انك تروح قبل لا تطلع الشمس

وانا الصراحه سويت حركه ونفعت وياي وايد

تاخذ حبل رصاص اضعف شي وتحط فيه كبشه واحسن الوان للكبشه

الزقاء والحمرا طبعا الرصاص ع الاقل تعطيه حوالي 20 مترها طبعا من دون البورد وان شاء الله

اكون نفعتك والسموحه منك

[أسماك الامارات]

الله يعطيكم العافية أخواني ( الغدير و علي الكبيسي )) بمساعده اخونا.

ومثل ما تفضلتوا وقلتوا عن طريق صيد الخباط.

بومحمد.

[khallood93]

مشكورييين و ما قصرتوا
بس اخوي علي الكبيسي شو قصدك بحبل رصاص هل هو الثقل؟؟؟ شو يخص الماي اذا ثبر او سجي؟؟؟؟

[shark dubai]

حبل ملون ثقيل يكون داخله رصاص
ويسمونه حبل رصاص

خبر راع المحل بيعطيك

بو وعد

شوف هالرابط في طريقتي انا في صيد الكنعد
http://www.uaefishes.com/vb/showthread.php?t=2752

[khallood93]

مشكور اخوي بس هذا الحبل في احجام ولا اخذ اي حجم؟؟؟؟

[علي الكبيسي]

اضعف حبل خذه والطريقه وايد حلوه

والسموحه منك

[بوحمدان]

اخوى الاغدير وعلى القبيسى ما قصروا

[khallood93]

مشكوورييين