سؤال هام : ايهما افضل ؟؟؟

[صايع بحر]

السلام عليكم ورحمه الله وبركاته ...
عندي سؤال هام وارجو من الخبراء انهم يجاوبوني عليه .. ويكون الرد عن تجريه ..

انا اصيد من السيف .. هل الافضل ان يكون الثقل قبل الميادير ...ولا يكون الميادير قبل الثقل ؟؟
ايهما الافضل .. واللي يضرب عليه السمك بشكل اكبر ؟

ف انتظار ابداعاتكم ... مع الشكر

[AL Shaibani]

شوف اخوي

على السيف---- استخدم البلادي----البلد تحت و المياديير فوق--- لان ما في سمااار يعني الخيط واقف ما يتحرك


بالتوفيق

[صايع بحر]

مشكور خوي ماقصرت
اوكي متفقين مافي سمااار لكن يقولون ان بعض الاسماك مثل الشعري لازم تكون تدمينه ...صحيح كلامي ولا ؟؟؟
وهل اذا حطيت البلد بالاول بعدين الميادير تفرق فرق سلبي ولا ؟
وبعدين ايهما احسن في الاحساس بمحاوله الضرب على الطعم؟

مشكور .. وارجو المشاركه من كل الخبراء

[بو مهيَر]

وان اشارك اخونا AL Shaibani رأيه

[Bassel]

السلام عليكم
انا أصيد من الشاطئ و نصيحتي دائما انك تستخدم الطعم الجيد لانه هو اللي يخلي السمك ياكل حتى لو كنت مستخدم تدمينة او مخلي الثقل تحت
بالنسبة لي استخدم النوعين بس الاحظ انه الصيد بالثقل تحت احسن
طبعا مع استخدام السردين او العومة ( باللهجة المحلية ) أفضل مع انه السمك ما يخليه اكثر من 10 دقائق على الهوك
لكن يوم بتصيد باذن الله بتصيد شي حلو
وفي الختام سلام

[علي الكبيسي]

الشباب ما قصروا

وانا اوافق ويا اخوي باسل

[صايع بحر]

مشكورين اخواني ... ماقصرتو ...
وللامام دائما

[Momen osama Radwan Salem]

انا افضل الميادير قبل الثقل عشان تحس بنقر السمك يعني الثقل في اخر الخيط و بالنسبة للميادير اذا في سمك كبير استعمل هوك كبير ,لان امس مسكت معاي سمكة كبيرة وما قدرت عليها وكنت مركب ميدار صغير , طبعا انكسر الميدار, و بعدين ركبت ميدار كبير مع طعم سمكة و الحمدلله طلعت سمكة شعري من الحجم العائلي , المكان :- جزيرة الاريام

نصيحة:- أهم ما في الصيد الصبر

[لؤلؤة الاعماق]

الشباب ما قصروا

وانا بعد اوافق اخوي باسل