الصورة رقم 15 بركودا بطول ولدي تقريبا

[اماراتي]

السلام عليكم ورحمة الله وبركاته
بالامس كانت عندنا طلعة قصيرة وكانت غوصة بعد العصر وغوصة بعد المغرب والعمق كان 18 متر
وكان البحر هادئ وجميل الا ان الرؤية في الاعماق مش واضحة
وكان الصيد بالغوصة الاولى قليل وفي الليل كان هجوم على شعبية الشعوم والشعري وكانت الكمية كبيرة :r0o0t (9):
اترككم مع اكبر سمكة اصطدتها واخذ ابني صورة تذكارية معاها
حاولت يرفعها عشان يتصور معها ما قدر يحملها :r0o0t (34):
وقررت اصورة وهو راقد ينبها:D

http://www.uaefishes.net/up/pic.php?u=66BWvWC&i=4205

:r0o0t (54):

[بو سالم المهيري]

بسم الله الرحمن الرحيم

الله يحفظ ولدك

مشالله على الصيد
الله يباركلكم
والسموووووووووووووووحه

[عقاب]

ما شاء الله تبارك الرحمن

تستاهل كل خير الغااالي

والله يديم عليكم النعمه وفالك التوفيق دوووم يا رب

وتحياتي لك والله يحفظك

اخوك
بو راشد

[سمكة الامارات]

مـــاشاء الله عليك يالاماراتي وعلى صيدك المميز دووووووم...

الله يحفظلك ولدك ويطولك في عمره يارب ياحليله والله...

تسلم اخوي وتقبل مروري

[أسماك الامارات]

ما شاء الله ع الجد الطيب
ينفع حق جابسة او مقلاي

الله يعطيك العافية أخوي إماراتي والله يطول بعمر ولدك وإطول بعمرك .

إنزين بوعبدالله انت راويتنا الجد وين الشعوم والشعري نبى إنجحل عيونا فيهن بعد.ههههههههه

بومحمد

[اماراتي]

اهلا اخوي بوسالم والله يسلمك ويسلم غاليك من كل شر ويزاك الله الجنة
اهلا اخوي عقاب يزاك الله خير على الدعوات الصادقة
اهلا اختي سمكة يزاج الله خير على التعليق الطيب
اهلا اخوي بومحمد صراحة يوم طلعناهن واجاسمناهن في الطراد كان ظلام وبعد خفت حد يقول طرشلي ثلاجة صغيرونة ;)
وشكرا للمرور:)

[SILENT SHARK HUNTER]

السلام عليكم ورحمة الله وبركاته

ما شاء الله عليك اخوي الغالي صيد طيب وعليكم بالف عافيه والله يحفظكم من كل شر اخوي مشكور على الموضوع وفي انتظار جديدك طال عمرك

بارك الله فيك

[النقرش]

كفو والله يالنشمي صيد ولا أحلى عضه عض والله هههههههههه

[بنت خورفكان]

ماشاء الله تبارك الرحمن

تعودنا على صيدك ومانرضى بالقليل

وها انت تفاجئنا بصيد مميز وهذا مانعهده دائما

صوره تذكاريه رائعه تبقى في ارشيفك المميز

ولطفا منك ان تشاركنا هذه الصوره

الله يحفظك ويحفظ ولدك ويبارك في حلالك

دمت برعاية الله

[اماراتي]

اخي Silent Shark Hunter شكرا لمرورك وتعليقك الطيب طال عمرك
اهلا اخوي النقرش شكرا لمرورك والكفوا فيك اخوي الطيب
اهلا اختي بنت الخور عجزت ان ارد بكلام وتعليق طيب منج الا بكلمة يزاج الله خير وكثر الله من امثالج

[barracuda]

مـــاشاء الله عليك يالاماراتي وعلى صيدك

[ولد الظبي]

مشاء الله تسلم الغالي على الصوره مااقصرت

الله يحفظ ولدك


الله يعطيك العافيه

[سلمان]

وين نصيبي يابوعبدالله
وصلت 15 صوره
وماحصلنا شي
يعطيك العافيه على هذه المساهمه
ونحن مره ثانيه نبا الصوره من اول ماتطلع لين ماترد
والله يبارك في عيالك ان شاء الله

[بو مهيَر]

يعطيك العافيه اخوي اماراتي
الله يخليلك ولدك ويحفظه ان شاء الله

[اماراتي]

اهلا اخواني

barracuda مشكور اخوي على ردك الطيب
ولد الظبي مشكور اخوي والله يحفظك واياه

اخوي سلمان انا هذا اللي خايف منه شكلي بوقف عند الصورة 15 والا اطلع من الارشيف عشان احطيك امام الامر الواقع :):p
تسلم على مرورك
اهلا اخوي بومهير تسلم اخوي ويزاك الله خير على التعليق الطيب

[مشاغب الإمارات]

ما شاء الله 00 لا تنسانا ع الغدا 00 ههههههههههه

[يريور بوظبي]

ماشاءالله ياماراتي الله يوفقكم ان شاءالله بس الصراحه ولدك مب ظااهر عليك شكله جيه عااد ظعييف خله يسير وياك البحر عشان يتعب ومن التعب الي يتعبه يعرف قيمه الاكل ويااكل وياك الله يحفظه ياربي ويعاافيكم


تحيااتي ولدك الصغير يريور بوظبي