هل تنصحوني بطراد من مصنع بن طوق

[اماراتي]

السلام عليكم ورحمة الله وبركاته
اهلا بكم اخواني نويت اشتري طراد وصناعته بن طوق
اللي مجرب هذا المصنع يخبرني عنه وشورايه من ناحية الفيبر والشغل والغالب وغيره
ولكم مني أجمل تحية .

[اماراتي]

:confused: محد يرد

[عقاب]

هلا والله اخوي الغااااالي

اماراتي

تحياتي لك ..... اخوي والله انا بالنسبه لي ما سمعت عن هذا المصنع واول مره اسمع فيه
وان شاء الله اذا حد يعرف بيرد عليك

وانا من رائي خذ شي معرووووف اكثر
من هذا المصنع
عندك البركودا وعندك السي ماستر اليديد

والسموحه اخوي مجردد رائي
وبالتوفيق ان شاء الله

تحياتي لك والله يحفظك ويبارك فيك

اخوك
بو راشد

[أسماك الامارات]

السلام عليكم ورحمة الله وبركاته

هلا اخوي إماراتي

انا إلي أعرفه عن مصنع بن طوق في أم القيوين
ولكن بصراحة انا ما جربته ولكن توه جديد في السوق.

إن شاء الله إلي مجربن بخبرك.

والسموحة
بومحمد.

[قبقوب]

السلام عليكم ورحمة الله وبركاته


ياخوي مصنع بن طوق من احسن المصانع من ناحيه القالب و الفيبر و كل شي ..

ماشالله مشيه في البحر غييير يقص الموي قص و ولا يسوي لك راش..


بش مشكلته مصنع بن طوق في لمساته الاخيره..

يعني اذا ما تظاربهم يركبون لك براغي عاديه و قفول جنها قفول صندقه (:

توكل على الله القرف ما عليه كلام

:r0o0t (12):

[اماراتي]

السلام عليكم ورحمة الله وبركاته

صراحة اخوي شجعيتني اشتريه
شـكــ وبارك الله فيك ـــرا لك ... لك مني أجمل تحية .

[سلمان]

:)..
.
.

[اماراتي]

السلام عليكم ورحمة الله وبركاته
الحمدلله على السلامة واتريا الصوغة بس لا تقول مسواج وصواوة وكاميرا اللي فيها صور الكعبة:)

[علي الكبيسي]

الغالي انا من ناحيتي ما عندي خبره في ها المصنع

وانا الصراحه اشوف احسن مصنع في ام القيوين مصنع الكبيسي للقوارب

الصراحه الطراريد الي عندهم ما عليها كلام والله واكثر الناس تسوي عندهم وبذات حق اشياب قطر

واذا حبيت اتفصل عندهم افا عليك اخدمك بعيوني الغالي

واخليهم يسون دس كاونت حقك

والسموحه منك

[اماراتي]

صراحة اخوي بوعلي ما اعرف شو اقولك غير يزاك الله خير :)
سالت عن الفوت وقالوا اظن 1800 بس اعتقد وايد
صح ان صناعتهم ممتازة بس مبالغين باسعارهم وعندهم الحين قالب مال المزروعي 40 قدم
الحين يالس ابني بيت ثاني خل اخلص البيت وبعدها اتفاهم معاك

[duosrl]

الله يوفقك انشالله