وين انسير يوم العيد.....!!!

[سلمان]

العيد قريب والاجازه طويله وقلنا بنقسمها جزئين
جزء بتكون عائليه ان شاء الله
وجزء شبابيه

الجزء اللي يتعلق بالشباب منحل والعروض تنهل من كل مكان واحد بيوديك الكويت والثاني البحر والثالث عمان يعني موضوع الشباب حله بسيط

اما الجزء اللي يتعلق بالعائله وين أسير.؟

يالله كل واحد يقول لي رايه...!!
:)

[₪عشق الحزن₪]

^^

حياكم العين ^^

ودهم امبزره وجبل حفيت

فيه عروضات حلوة اتصير اهناك

او سافروا ^^ روحوا صلاله استمتعوا بالطبيعه الخلابه ^^


والسموحة

[سلمان]

سرنا المبزره قبل رمضان
ياكثر الأسيوين (هناك)

فكره حلوه (صلاله):)
شكراً لك ..!!

[Shadyzee]

السلام عليكم ورحمة الله .

اعمل مثلي , خذهم على الفجيره الى احد الفنادق الشاطئيه , عشيهم اكل دسم وتاني يوم الصباح بدري اطلع غطس على shark island مع محلات الغطس . هاهاهاهها

هذي مجربه اكثر من مره .

[سلمان]

يعني نضرب عصفورين بحجر..:)

[سمكة الامارات]

سلمــــــان انا بسير مكــــــان يقولون جميل بس انته سرته قبل :)

انا بسيره وعقب العيد باذن الله بنزللكم الصور:)

[بوحمدان]

انا من وجهة نظرى
عيد الفطر مايسد حق الاهل تراها خمس ايام فخلها شبابيه وقضها فى البحر
وعيد الاضحى اجازه 14 يوم خذ الاعيال جوله فى دول الخليج وبيكون الجو غاااااااااوى براد مب شرات الحينه حر ورطوبه

[القبيسيه]

والله ما ادري سلمان يعني كم يوم وكم بتقسمها هههههههههههه

سير انت والاهل اممممم سرتو المرفأ

حربوا سيرو فندق المرفأ اشوفهم وايد يمدحونه ووايد حلو والمنطقه حلوه

او سيرو فندق العقه يلسو في الشماليه كم يوم وناسه

او سير جزيرة دلما حلوه بعد رحله يعني وتغير اذا تبا تستانس

اطلع من الروتين .

[بنت خورفكان]

يابوي بوحمده لاتتردد كورنيش الخور مايحتاي ^_^

اتعرف الجو رطوبه وسيايير الايسكريم واقفه علىالشوارع

والحشيش لونه اخضر ^_^

والعصافير اطير كل مكان

والمريحانه غير شكل

وبالنص مطاعم وفطاير والشوكه الذهبيه

أسوي دعايه هههه

وكل عام وانت بخير

[راعي المنتب]

شاد حيلك بو حمده ما شاء الله عليك

في مزرعة في الذيد للإيجار
فيها غرفتين وصالة مع 3 حمامات
وفيها مسبح شبه مغلق للحريم
وفيها ألعاب لليهال وفيها بعض الطيور
وفيها ملعب قدم للشباب وفيها خيمة طيبه
للشباب حق كوت بسته
ههه
وفيها يلسة غاويه للشوي
وفيها حارس
والصراحة مكان طيب للعائلة مجربة
بشوفها إذا ما أنحجزت وبرد عليك

السموحة

[فوق النخل]

العود
حمدالله عالسلامة وتقبل الله ان شاء الله
أهم شي دعيتلي بالحرمة الصالحة !!

اقولك لا تيلس تفكر وايد والا تراك ما بتلقى حجوزات فنادق لا في العقة ولا في روتانا ولا حتى جال ولا الأوشيانيك

شدحيلك وشل الخيمةوياك... يمدحون مال كارفور ...

[ولــد البــحر]

الغالي انا اقترح تسير الامارات الشماليه

موفق بإذن الله ... لك مني أجمل تحية .

[سلمان]

سلمــــــان انا بسير مكــــــان يقولون جميل بس انته سرته قبل :)

انا بسيره وعقب العيد باذن الله بنزللكم الصور:)
أنا سرت وايد اماكن لازم تحددين..:)
خلاص نشوف الصور ان شاء الله..

[سلمان]

انا من وجهة نظرى
عيد الفطر مايسد حق الاهل تراها خمس ايام فخلها شبابيه وقضها فى البحر
وعيد الاضحى اجازه 14 يوم خذ الاعيال جوله فى دول الخليج وبيكون الجو غاااااااااوى براد مب شرات الحينه حر ورطوبه
لاتسوي لنا مشاكل..:)
هاي حق الاهل
وذيج حق الشباب.:)

[سلمان]

والله ما ادري سلمان يعني كم يوم وكم بتقسمها هههههههههههه

سير انت والاهل اممممم سرتو المرفأ

حربوا سيرو فندق المرفأ اشوفهم وايد يمدحونه ووايد حلو والمنطقه حلوه

او سيرو فندق العقه يلسو في الشماليه كم يوم وناسه

او سير جزيرة دلما حلوه بعد رحله يعني وتغير اذا تبا تستانس

اطلع من الروتين .
سرت قبل..
واتصلت من يومين يقول عنده زحمه
بس المتوفر غرف اسويت
العقه سرتها قبل رمضان وهي من اجمل الامكان..:)
ودلما مااعرف عنها شي
بس فيها فنادق
شو الاشياء اللي فيها؟

[سلمان]

يابوي بوحمده لاتتردد كورنيش الخور مايحتاي ^_^

اتعرف الجو رطوبه وسيايير الايسكريم واقفه علىالشوارع

والحشيش لونه اخضر ^_^

والعصافير اطير كل مكان

والمريحانه غير شكل

وبالنص مطاعم وفطاير والشوكه الذهبيه

أسوي دعايه هههه

وكل عام وانت بخير

اشوفج..:)
كله ولا الشوكه الذهبيه..
مطعم فيه ذباب وايد ..
خربت عليج الدعايا صح..:)
ولكن تبقي عروس الشرق من اجمل الامكان في الدوله.

[سلمان]

شاد حيلك بو حمده ما شاء الله عليك

في مزرعة في الذيد للإيجار
فيها غرفتين وصالة مع 3 حمامات
وفيها مسبح شبه مغلق للحريم
وفيها ألعاب لليهال وفيها بعض الطيور
وفيها ملعب قدم للشباب وفيها خيمة طيبه
للشباب حق كوت بسته
ههه
وفيها يلسة غاويه للشوي
وفيها حارس
والصراحة مكان طيب للعائلة مجربة
بشوفها إذا ما أنحجزت وبرد عليك

السموحة
شوفها بوحمود..
خلنا نسير...

[سلمان]

العود
حمدالله عالسلامة وتقبل الله ان شاء الله
أهم شي دعيتلي بالحرمة الصالحة !!

اقولك لا تيلس تفكر وايد والا تراك ما بتلقى حجوزات فنادق لا في العقة ولا في روتانا ولا حتى جال ولا الأوشيانيك

شدحيلك وشل الخيمةوياك... يمدحون مال كارفور ...

منا ومنك صالح الاعمال
ان شاء الله تحصل الحرمه الصالحه
تبا الصدق ماحصلت
وخيمه كارفو لك انت وسعود..:)
انا ماارقد الا في خيمه صباحي من الكويت

[سلمان]

الغالي انا اقترح تسير الامارات الشماليه

موفق بإذن الله ... لك مني أجمل تحية .
مرحبا عزيزي
اكيد اهم شي تشرد من زحمه دبي..:)

[القبيسيه]

اووووووووووووووووووووووووو سلمان لا يفوتك سير الجبل الاخضر في عمان

يقولون انه درجة الحرارة تحت الصفر المكان ما يتفوت

توني كنت اشوف الصور على النت لاني هليه سايرين اهئ اهئ اهئ انا ما بسير

المهم المكان روعه ...

[سلمان]

اووووووووووووووووووووووووو سلمان لا يفوتك سير الجبل الاخضر في عمان

يقولون انه درجة الحرارة تحت الصفر المكان ما يتفوت

توني كنت اشوف الصور على النت لاني هليه سايرين اهئ اهئ اهئ انا ما بسير

المهم المكان روعه ...
لاالالا كله والمرتفعات..:)
بعدين يقولون جن وايد هناك..

[دلوعة بحر]

احلى شي

تعطيها رقده في البيت و ما بتندم أخوي سلمان

اسئل مجرب بلا خساير و بلا هم يالس في البيت و مرتاح

[سلمان]

فكره حلوه يادلوعه..:)

[بو مهيَر]

:r0o0t (76):الصراحه اخوي سلمان صدقك الواحد مايعرف وين يسير فلعيد
المهم انت شوووووف شو اللي بتوصله وخبرني يمكن اسير وياك

[المحيربي]

مادري الجماعه ماخلو شيء

[النقرش]

فك رووحك وسير الأردن وإفتك هههههههههههه سير منطقة برقش رهيييبه جداااا وما بتندم...