تصدير الاسماك

[نوخذا غنجه]

اولا احب احيي اخواني فالمنتدى ويشرفني اكون بينكم

ثانيا لي استفسار بسيط عن تصدير الاسماك واذا احد من الاخوان عنده ويبسايدات او مواقع شركات ممكن تستورد اسماك ممكن يفيدني فيها
بصراحه المواضيع ممتعه وانشاء الله نستفيد من الانواخذه فالمنتدى

[$$الدولار$$]

السلام عليكم ورحمة الله وبركاته

حياك الله اخوي ماقد سمعت انه حد من الأمارات يصدر السمج,



المهم اخوي الله يعطيك العافيه وحياك الله بين ربعك واخوانك
واتمنى لك اطيب الأوقات بينااا.

وبالتوفيج ان شالله الشبااااب بيفيدونك بالمعلومات اللي تبغيها..

[بوحمدان]

ان شاء الله الشباب وبومحمد مابيقصرون

[أسماك الامارات]

هلا أخوي
في شركة موجودة في الإمارات ....إسمها شركة أسماك ولها عدة مكاتب بالدولة وتبيع أسماك في أسواق السمك او الجمعيات وإسمها أسماك .طبعا هي تصدر وتستورد بجميع انواع أسماك وربيان بحاول أشوفلك رقمهم.
بومحمد.

[نوخذا غنجه]

اشكر مرور الاخوان وتجاوبهم
وعشت يا بومحمد ولا هانوا الباقين

[أسماك الامارات]

هلا اخوي نوخذا غنجه
هذا هو موقع الشركة وفيها المعلومات عن الشركة وبأعمال إلي يقومون بها .
والعنوان موجود في نهاية صفحتهم والمكتب الرئيسي في أبوظبي

http://www.asmak.biz/home.asp?lang=AR


انا شفت بعض مشاريع إلي قاموا بها في أبوظبي في جزيرة أبو الأبيض

وأخر خبر كان لهم إنهم يشترون كل الأسماك من صيادين دلما في جزيرة دلما.
بومحمد.

[السمسول]

السلام عليكم و رحمة الله

أحيد انهم منعوا تصدير السمج من الامارات من كم سنة و مادري اذا مسموح الحينة

والاخوان بيعطونك الجواب الشافي انشاءالله