سلام عليكم من الكويت

[بدر العازمي]

بعد السلام يا اهل الخير بغيت استفسر عن الطراريد بالامارات وبالاساس الختال انا ناوي اخذ الخنال 28 او 26 مستعمل بس نظيف موديل من الفين الا الفين وثلاثه كبينه.. يالربع انا محتار من اسعارهم اللي يعرف كم يتراوحون يعلمني واتمنئ اذا احد فيكم له خبره بالطراريد بالامارات يضيفني على الماسنجر ابي اسئله عن الطراريد بالامارات ومشكورين وجزاكم اله خير وادري اذيتكم قاعد اقرق تحياتي اخوكم بدر العازمي

والسلام ختام

badr_1982_@hotmail.com

[هامور]

يا هلا ومرحبا اخوي بدر وحياك الله في المنتدى وتقبل تحياتي لك ولأهل الكويت، واتمنى انك تحصل الي فخاطرك في الامارات وقوارب الختال من المصانع المعروفة في الامارات وفي انواع قرف وايد عندنا والاسعار تختلف من مصنع الى آخر، وتقريباً عند معظم المصانع يباع القدم ب1000 درهم تقريباً القرف فقط بدون التريلا والاكسسوارات والاضافات والمكاين طبعاً، أما المستعمل فمتوفر وايد وانا بصراحة عن قوارب الختال ما اعرف إلا انها من دبي، وان شاء الله بيرد عليك واحد من الاخوان المشرفين بالمنتدى بمعلومات وافيه بحيل الله.

والسموحه منك،

[سردال]

ترى يعتمد على سعر المحركات يعني تحصل قرف الختال قديم بس عليه مكاين جديده بيكون غالي اذا تبا الختال مستعمل انا اعرف واحد عنده الختال مع كبينه بشوفه لو يبا يبعيه

[بدر العازمي]

الله يبيض وجهك اخووي هاموور وماقصرت وعساك على القووه



اخوي سرداال يعطيك الف عافيه وماقصرت

وبالنسبه حق الطراد اللي عند صاحبك يليت تعطينا مواصفاته وجم خاطره فيه واكوون ممنون لك


وانتمئ من اخواني اللي يشوفون الردور اذا عندهم خبره هم يضيفوون ويانا
معلوماتهم


وعلى العموم مشكورين وماقصرتو ولك بياض الوجه

[الغدير]

خوي السموحة عالتأخير
لو تحدد نوع و حجم المحركات المطلوبة مع الطراد يمكن نقدر نساعدك أكثر
و بالنسبة للقرف ما عليه كلام انا مجرب الـ 30 قدم و ممتاز
أن شاء الله بشوف لك فدبي عن قرف مستعمل

[بدر العازمي]

يامررررحبه يالغدير شلعوومك

انا طال عمرك وعمر المسلمين اللي ابيه 26 او 28 وطبعن المركات 115 لانهم عليه حلوين واهم
شئ النظافه بس يكون معقول سعره واتمنئ تعليمات مفصله عنهم وعن اسعارهم لاني انطر الردود على نار واللي يعرف يالربع لاحد يبخل علينا


ومشكوور يالغدير على مرورك وناطر ردك

[سلمان]

شي ولكن 34 قدم كبينه وعليه محركات 200
موديل المحركات :. 2000م والثانيه 99

http://i16.tinypic.com/2cdxurs.jpg

http://i14.tinypic.com/2zegjyb.jpg

اذا تباه اقدر اعطيك رقم صاحبه تتفاهم معاه

[بدر العازمي]

سلمان الله يعطيك العافيه وماقصرت بس المشكله اللي ابيه حده 28 قدم

[duosrl]

موفق بإذن الله ... لك مني أجمل تحية .

[بن لنجه]

السلام عليكم يا أهل المنتدى الكرام...... اخوي سلمان اذا طراد صاحبك الختال 34 الي حاطه بالصور موجود ليلحين الله لا يهينك رد لنا خبر... انا ياجماعة الخير ان شاء الله على جيه للأمارات الأسبوع الياي وابي ادور على طراد الختال او براكودا34 او 36 استعمال خفيف و نظيف....... يا جماعه الي حواليه واحد ولا عليه امر يساعدنه بس يكون كبينه نفس الي بالصورة و شاكرلكم