بشو تنصحون ؟

[بوشمه]

السلام عليكم ورحمة الله وبركاته

اخوانى النواخذه بصراحه اخوكم ناوى يدخل البحر ( كنت ادخله حداق وقراقير مع الشباب ) بس الحين ابي ادخله كهوايه احبها ومنها استرزق وابا اشترى طراد بس ابي مشورتكم قبل .. انا اباه للقراقير والالياخ ( لو انى ما اعرف فى الالياخ بس بتعلم ) شو من المواصفات تنصحونى فيها ؟

يعنى ابي اعرف افضل قرف والطول والعرض المكاين واللى تشوفونه بيفيدنى ويزاكم الله الف خير مقدما لانى اعرفكم ما بتقصرون

اخوكم
بوشمه

[joker200]

أخوي يسعدنا تواجدك معانا في المنتدى ولك كم أجابه من عندى :


1- القراقير = فقط لي النشات ولازم يكون عندك تصريح وممنوع

أستخدام القراقير في الطراريد على حد علمى هاذا القانون

في أبوظبي ماأعرف باقي الامارات ...

2- الالياخ = يكثر أستخدام الالياخ لانه الالياخ أنواع كثيرة فا

حدد شو أستخدامك من الالياخ علشان أغدر أجاوبك يعني

بتصيد بي الاياخ من البر ولى من وسط البحر وشو نوع

السمك الي تحب أصطياده ...

[balool 77]

الاخ العزيز بوشمه يسعدنا انضمامك لمنتدى اسماك الامارات-رسالتك يشوبها الكثير من الغموض اذ لم تحدد الاماره التى سوف تسجل فيها الطراد 0 لان تختلف القونين من اماره لاخري فمثلا الجرجور ممنوع للطرادات فى ابوظبى والليخ ايضا ممنوع0

[سلمان]

الظاهر ان الاخ من راس الخيمه

[بوشمه]

أخوي يسعدنا تواجدك معانا في المنتدى ولك كم أجابه من عندى :


1- القراقير = فقط لي النشات ولازم يكون عندك تصريح وممنوع

أستخدام القراقير في الطراريد على حد علمى هاذا القانون

في أبوظبي ماأعرف باقي الامارات ...

2- الالياخ = يكثر أستخدام الالياخ لانه الالياخ أنواع كثيرة فا

حدد شو أستخدامك من الالياخ علشان أغدر أجاوبك يعني

بتصيد بي الاياخ من البر ولى من وسط البحر وشو نوع

السمك الي تحب أصطياده ...

الغالى مشكور اولا على تجاوبك الطيب وانا من راس الخيمه واعتقد مسموح عندنا الصيد بالقراقير والالياخ وانا بكل امانه ابي ادخل البحر كتجارة بسيطه + هواية لانى احب الحداق بس الحداق ما بركز عليه وايد لانه ما يحتاج اشياء كثير الاهم انى اركز على نوع الالياخ وشو من السمك اللى بحاول اصيده خاصه انى لما ابدا راح يكون عندى بس 3 عمال اتمنى وصلتك الفكره .

[بوشمه]

الاخ العزيز بوشمه يسعدنا انضمامك لمنتدى اسماك الامارات-رسالتك يشوبها الكثير من الغموض اذ لم تحدد الاماره التى سوف تسجل فيها الطراد 0 لان تختلف القونين من اماره لاخري فمثلا الجرجور ممنوع للطرادات فى ابوظبى والليخ ايضا ممنوع0

مشكور يا خويه على الترحيب .. شيخى بسجله فى راس الخيمه لانى منها .

[بوشمه]

الظاهر ان الاخ من راس الخيمه

نعم شيخى انا من راس الخيمه الحبيبه

[الغدير]

خوي قبل كل شي دور لك مكان مب محجوز يعني محد منزل قراقيره لان بتحصل مشاكل.
عندنا في دبي مسموح القراقير بالطراد.
الطراد للصيد اهم شي يكون السطاح فاضي و في مكان للقراقير و الالياخ و تركيب البيبات عالجوانب وونش و ما يكون الطراد مدلع وايد. و انا انصحك بطراد ما يكون اقل من 30 قدم و لو مسافة الرحلة اكثر من 20 ميل بحري انصحك بمحركات مب اقل من محركين 115.و بالنسبة لـ 2 ستروك ولا 4 ستروك هذا يعتمد على ميزانيتك و افضل ال4 ستروك.
و أفضل شي تسأل الصيادين فالمينا عندكم مثل ما تفضل احد الإخوان لان اهل مكة ادرى بشعابها و لان طبيعة القوع و العمق يختلفون من مكان لمكان.
و الشي الأخير!! إنك لازم تتوقع إن يوم قراقيرك راح يضيعون او ينسرقون (عيال الحرام و ما يخافون ربهم) فخلك عادي و توقع هالشئ و لا تتفاجأ
أتمنى لك تجارة موفقة و الله يبارك فيك و في تجارتك
و السموحة

[بوحمدان]

ما قصروا الاخوان

[بوشمه]

خوي قبل كل شي دور لك مكان مب محجوز يعني محد منزل قراقيره لان بتحصل مشاكل.
عندنا في دبي مسموح القراقير بالطراد.
الطراد للصيد اهم شي يكون السطاح فاضي و في مكان للقراقير و الالياخ و تركيب البيبات عالجوانب وونش و ما يكون الطراد مدلع وايد. و انا انصحك بطراد ما يكون اقل من 30 قدم و لو مسافة الرحلة اكثر من 20 ميل بحري انصحك بمحركات مب اقل من محركين 115.و بالنسبة لـ 2 ستروك ولا 4 ستروك هذا يعتمد على ميزانيتك و افضل ال4 ستروك.
و أفضل شي تسأل الصيادين فالمينا عندكم مثل ما تفضل احد الإخوان لان اهل مكة ادرى بشعابها و لان طبيعة القوع و العمق يختلفون من مكان لمكان.
و الشي الأخير!! إنك لازم تتوقع إن يوم قراقيرك راح يضيعون او ينسرقون (عيال الحرام و ما يخافون ربهم) فخلك عادي و توقع هالشئ و لا تتفاجأ
أتمنى لك تجارة موفقة و الله يبارك فيك و في تجارتك
و السموحة

يعل عمرك طويل يا خويه مشكور وما قصرت وان شاء الله كل اللى ذكرته بيكون بالحسبان

[بوشمه]

ما قصروا الاخوان

بيض الله ويوهم نعم انهم ما قصروا يزاهم الله خير

[duosrl]

الله يوفقك انشالله