استفسار عن احسن علاج لدوار البحر؟

[سلمان]

سألني أحد الأخوان عن احسن علاج لدوران البحر فقلت له اعفد بحر(اقفز) وماعجبه جوابي قلت بطرح عليكم السؤال وبنشوف خبراتكم؟

[joker200]

جاري البحث

[joker200]

أخوي سلمان السموحه منك على التأخير ::



دوار البحر:


وهذا النوع يتسبب من حركة البواخر نتيجة اضطرابات جهاز التوازن بالاذن

الداخلية لدى الشخص واعراضه غثيان وقيء ودوار وصداع ويشحب لون

وجه المصاب ويتصبب عرقاً بارداً.


علاجه : عدة طرق

1-
وعلاج هذا النوع بسيط حيث يجب الجلوس في هواء متجدد مع الاكل

الخفيف والابتعاد كل البعد عن الاغذية الدسمة وتناول ادوية مضادة

للغثيان وهي مشهورة جداً ومتوفرة في الصيدليات ومن أهمها نوع يعرف

باسم(( درامامين)).

2- يوجد في محلات الغطس حزام صغير يلبس في معصم اليد اليسرى

ويضغط على شريان معين لكى يمنع دوار البحر كيف الصراحه ما أعرف

بس مجربه قبل ثلاث سنين...

[المحيربي]

اسمحلي يا الجوكر هاذ الكلام المتطور لاء دوء يفيد ولا حزام يفيد وانا وحد من الشباب استعمل حبتين من الي انته ذكرتهن ومافي فايد على طوووول ((((وااااااااااااااااااااااااااااااااااااااااااع يعني الدوا مافيه فايده


اقول سلمان خل اخويك يزوع في البحر وبيرتااااح بس على شرط خليه يشغل في عمره يعني خليه يتحرك ولا اتخليه يجلس جيه بيتعب وبيدوخ وبيهدم وصح لساني

[الغدير]

انا بعطيك علاج بس يبيله صبر شوي و جرب و ما راح تندم 100%!!!!؟

لاتعود عمرك على اي دوا لأنك لو نسيت الدوا او الحزام بتشوف عمرك (( عادت حليمة لعادتها القديمة))
خوي أطلع بحر بإستمرار و راقب عدد المرات (دوار البحر) و راح تشوف انك تخف عن كل مرة. وهني طبق كلام الأخ الطيب الشيب الساسان (اقول سلمان خل اخويك يزوع في البحر وبيرتااااح بس على شرط خليه يشغل في عمره يعني خليه يتحرك ولا اتخليه يجلس جيه بيتعب وبيدوخ وبيهدم وصح لساني)
و اتفق مع الإخ القدير جوكر بانك حاول الإبتعاد عن الإغذية الدسمة و انا اضيف.. لا تاكل وايد دسمة ولا مب دسمة لين ما تحس انك عادي و كل شوي.

و حاول تطلع فالبدايات في طراد كبير 30 قدم + لان الحركة اقل وقت الوقفة.
انتظر ردك بعد 10 طلعات و تخبرني عن دوار البحر معاك و تقول لي انا الحين من رواد البحر
و بالتوفيق

[joker200]

عفوا أخوي الشيب وأخوي الغدير


بس الواحد لو تم يزاوع أكثر من ثلاث مرات بيكره البحر

ولو كان في موج خفيف مابيقد يتحرك في الطراد على راحته والكلام

ألي كتبته أنا عن دوار البحر كلام علمي


الشيب أربيعك متى خذ الدواء وشو كان ماكل يعتمد

مش ياخذ الدواء وهو ماكل أكل دسم

لازم ياخذ الدواء قبل نص ساعه من ركوبه القارب وبعدين شوي شوي

بيتعود جسمه على دوار البحر وبيروح من دون ماياخذ الدواء

والسموحه من الجميع...

[المحيربي]

عفوا أخوي الشيب وأخوي الغدير


بس الواحد لو تم يزاوع أكثر من ثلاث مرات بيكره البحر ((اسمحلي يا الجوكر هاذ الريا يسمونه دلوع خخخخخخخ))

ولو كان في موج خفيف مابيقد يتحرك في الطراد على راحته والكلام

ألي كتبته أنا عن دوار البحر كلام علمي


الشيب أربيعك متى خذ الدواء وشو كان ماكل يعتمد

مش ياخذ الدواء وهو ماكل أكل دسم

لازم ياخذ الدواء قبل نص ساعه من ركوبه القارب وبعدين شوي شوي

بيتعود جسمه على دوار البحر وبيروح من دون ماياخذ الدواء

والسموحه من الجميع...



بس الواحد لو تم يزاوع أكثر من ثلاث مرات بيكره البحر ((اسمحلي يا الجوكر هاذ الريا يسمونه دلوع خخخخخخخ))

[joker200]

هههههههههههههههههههههههههههههه

[الغدير]

كلامك 100% صحيح علميا و انا ما شرحت كيف يحصل الدوار و إللي هو مثل ما شرحت انت وما قصرت. خله ( الدلوع) يطلع قريب و يزوع مرة و يرجع و تخيل لو يطلع بحر ومل ما حصل الدوا ولا نسى الدوا. خله يجرب عالأقل المهم ما راح يموت و الإسعاف يوصل وين ما تبا حتى بيطرشون له هليكوبتر بس يعطيهم الإحداثية (لا تخاف ما بيحصل شي و لا تبتعد اكثر عن ميل).والله لو بيكره البحر سبه الزواع, احسن شي ما يتعود عالبحر لان فالبحر في حالات عصيبة و اكبر من الزواع اهل البحر يعرفون كيف يتعاملون معاها والله يعين الباجين بخبرك عالخاص و بعدين خبر الشباب عالعام لو بغيت.
الصراحة الشيب ذبحتني من الضحك((اسمحلي يا الجوكر هاذ الريا يسمونه دلوع خخخخخخخ))

[joker200]

المشكلة مب جذي أذا دوار البحر ضرب في وحدة أكيد بتكون دلوعة وشو الحل بعدين

[بــوصــقــاري]

السلام عليكم ورحمة الله

بتكلم عن تجربه ,, كلام الاخ الشيب والغدير كلام ممتاز وما عليه غبار

وخصه الغدير ,, الواحد كثر ما يدخل يتعود جسمه وبالتالي تقل عدد

مرات الهدم والدوار ,, وسبحان الله من الواحد يرجع مره وحده خلاص

ما ايه دوار ولا يحس عقبها بشي .. والواحد ما يعود عمره على الادويه

شوابنا ما علومنا على الادويه والحبوب .. وعيب عندهم الي يهدم ..

بومحمد احيد مره هدمت ما سوالي سالفه النوخذه عقني بحر...

[الغدير]

شكر بوصقاري عالمداخلة
احيد لما نرجع من البحر الربع ما يسألون شو صدتوا!!! اول سؤال : منوا هدم؟
و يا سوء حظه اللي هدم :( يخلون ملفه اسود لين الطلعة الياية و يكون حديث الساعة

[بوحمدان]

ما شاء الله عليكم ما قصرتو ا
وان شاء الله الجميع يستفاد

[سلمان]

يعطيكم العافيه على هذه المداخله والله استفدت منها وان شاء الله انقلها للاخ اللي سأل

[$$الدولار$$]

تسلم اخوي الغالي

على الموضوع المفيد بارك الله فيك

وانا أتفق مع أخوي الشيب دوار البحر يعتمد على جسم الأنسان
ماله دوا يعتمد على الواحد وطبيعة جسمه وهي مسألت ممارسه
عندنا ريال ماشالله دوم يطلع البحر لكن فيه مرات يهدم وماشي موج

ومايندرا فيه ناس اتقول انه الحبوب اتفيد ناس واتخون فناس هههه


يعطيك العافيه اخوي الجوكر على الموضوع

وتحيااااااتي لك ..

[duosrl]

شـكــ وبارك الله فيك ـــرا لك ... لك مني أجمل تحية .

[الغدير]

يعطيكم العافيه على هذه المداخله والله استفدت منها وان شاء الله انقلها للاخ اللي سأل

خوي سلمان طمنا عن حال ربيعك:r0o0t (34):
إتقبل الطرق إللي قلناها و لا طنش؟ كم طلعة طلع و عدد مرات الهدام (زواع):eek:؟
ترانا بعدنا متحمسين و نبا نعرف اي طريقة إستخدمها الدلوووووع:boat:.... و راه وراه لين يغدي أكبر سماج فالدولة:372: